Breaking: ଭୁବନେଶ୍ୱର ରାଜରାସ୍ତାରେ ଗଡ଼ିବା ପାଇଁ ପ୍ରସ୍ତୁତ ଡବଲ୍ ଡେକର ବସ୍, ପଛରେ ଆସୁଛି ଆଉ ୩
ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ପହଞ୍ଚିଲା ୨ଟି ଡବଲ ଡେକର ବସ୍ । ଗତକାଲି ବିଳମ୍ବିତ ରାତିରେ ଭୁବନେଶ୍ୱର ଗାଡ଼କଣା ଡିପୋରେ ପହଞ୍ଚିଥିବା ସୂଚନା । ଖୁବଶୀଘ୍ର ଆଉ ତିନିଟି ଡବଲ ଡେକର ବସ ଓଡ଼ିଶାରେ ପହଞ୍ଚିବ ବୋଲି କୁହାଯାଉଛି । ସେଗୁଡ଼ିକ ମହାରାଷ୍ଟ୍ରରୁ ଓଡ଼ିଶା ଅଭିମୁଖେ ବାହାରିସାରିଲାଣି । ଆଜି କାଲି ଭିତରେ ଏହି ୩ ଡବଲ ଡେକର ବସ୍ ଓଡ଼ିଶାରେ ପହଞ୍ଚିବା ଅନୁମାନ କରାଯାଉଛି ।
ପ୍ରତି ଡବଲ୍ ଡେକର୍ ବସ୍ରେ ଡ୍ରାଇଭରଙ୍କୁ ମିଶାଇ ୬୪ଜଣ ବସି ପାରିବେ । ଏହି ବସର ବ୍ୟାଟେତରୀ ୨୪୦ କିଲୋୱାଟର ହୋଇଥିବା ବେଳେ ଏହି ବସକୁ ଥରେ ଚାର୍ଜରେ ୧୫୦ କିମି ଚାଲିବ । ପ୍ରାରମ୍ଭିକ ଭାବେ ପ୍ରବାସୀ ଭାରତୀୟଙ୍କୁ ବୁଲାଇବ ଡବଲ୍ ଡେକର ବସ୍ । ପରେ କଟକ, ଭୁବନେଶ୍ୱର ଓ ପୁରୀକୁ ଚଳାଇବାକୁ କ୍ରୁଟ୍ର ଯୋଜନା ହୋଇଥିବା ସୂଚନା ।