(Video) ଅଟୋ ରିକ୍ସାରେ ବସିଥିଲେ ୨୭ ଯାତ୍ରୀ ! ପୋଲିସ ବି ହୋଇଗଲା ଆଶ୍ଚର୍ଯ୍ୟ
ନୂଆଦିଲ୍ଳୀ: ସାଧାରଣତଃ ଏକ ଅଟୋରେ ହୁଏତ ୩ କିମ୍ବା ୪ ଜଣ ଯାତ୍ରୀ ଯାଇପାରିବେ । କିନ୍ତୁ କ’ଣ ଆପଣ ବିଶ୍ୱାସ କରିବେ କେବେ ଅଟୋରେ ଏହାଠାରୁ ଅଧିକ ଲୋକ ଯାଇପାରିବେ ବୋଲି । ଆଜ୍ଞା ହଁ, ଏଭଳି ଏକ ଘଟଣା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଯେଉଁଠାରେ ଗୋଟିଏ ଅଟୋରେ ଜଣେ କି’ ଦୁଇଜଣ ନୁହେଁ ବରଂ ପୂରା ୨୭ ଯାତ୍ରୀ ବସିଥିଲେ । ଆଉ ଅଟୋ ବି ଚାଲୁଥିଲା ଦ୍ରୃତ ଗତିରେ । ଖାଲି ସେତିକି ନୁହେଁ ଏହି ଘଟଣା ଦେଖି ପୋଲିସ ମଧ୍ୟ ଆଶ୍ଚର୍ଯ୍ୟ ହୋଇଥିଲେ ।
ଘଟଣାଟି ୟୁପିର, ରବିବାର ବକରୀଦ ଅବସରରେ ଏକ ଅଟୋରେ ଖୁନ୍ଦା ଖୁନ୍ଦିି ହୋଇ କିଛି ଲୋକ ନମାଜ ପଢ଼ିବାକୁ ବିନ୍ଦକୀ ଯାଉଥିଲେ । ଏମାନେ ସମସ୍ତେ ମହରହା ଅଞ୍ଚଳର ବୋଲି କୁହାଯାଉଛି । ସୂଚନା ଅନୂଯାୟୀ ବିନ୍ଦକୀ କୋତୱାଲୀ ଅଞ୍ଚଳର ଲଲୌଲୀ ଠାରେ ପୋଲିସକର୍ମୀଙ୍କ ନଜର ଯେତେବେଳେ ଅଟୋ ଉପରେ ପଡ଼ିଥିଲା ସେ ଅଟୋକୁ ଅଟକାଇଥିଲେ । କିନ୍ତୁ ଅଟୋ ଡ୍ରାଇଭର ଦ୍ରୃତ ଗତିରେ ଅଟୋ ନେଇ ପଳାଇଥିଲା । ପୋଲିସ ଅଟୋକୁ ଗୋଡ଼ାଇ ଧରିବାରେ ସଫଳ ହୋଇଥିଲା ଏବଂ ସବୁ ଯାତ୍ରୀଙ୍କୁ ଓହ୍ଲାଇଥିଲେ ।
ଯେମିତି ଅଟୋ ଯାତ୍ରୀଙ୍କୁ ଓହ୍ଲାଇବାକୁ ଲାଗିଥିଲେ ପୋଲିସ ଗଣିବା ଆରମ୍ଭ କରିଦେଇଥିଲେ । ଅଟୋରେ ଜଣେ କି ଦୁଇ ଜଣ ନୁହେଁ ବରଂ ୨୭ ଜଣ ବସିଥିଲେ । ଅଟୋରେ ଯେଉଁଠି ଚାରି ଜଣ ବସିବା ସହଜ ହୋଇନଥାଏ ସେଠି ୨୭ ବସିବା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ ପୋଲିସକର୍ମୀଙ୍କ ସହ ସାଧାରଣ ଜନତା । ଅଟୋରେ ପିଲାଙ୍କ ଠାରୁ ଆରମ୍ଭ କରି ବଡ଼ ଲୋକ ଭର୍ତ୍ତି ହୋଇଥିଲେ । ପୋଲିସ୍ ମଧ୍ୟରେ ଆଶ୍ଚର୍ଯ୍ୟ ଯେ ଏତେ ଲୋକ ଅଟୋରେ ବସିଲେ କିପରି । ପୋଲିସ ତୁରନ୍ତ କାର୍ଯ୍ୟାନୁଷ୍ଠାନ ନେବା ସହ ତୁରନ୍ତ ଅଟୋକୁ ସିଜ୍ କରିଥିଲା । ଯାହାର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି । ଦେଖନ୍ତୁ ଭିଡିଓ…
सोशल मीडिया पर वायरल हो रहे एक वीडियो ने पुलिस को भी हैरान करके रख दिया है। वायरल वीडियो यूपी के फतेहपुर का है। दरअसल एक ऑटो को पुलिस ने बकरीद के दिन पकड़ा था। ऑटो के अंदर ड्राइवर समेत 27 लोग बैठे थे। यह देखकर पुलिस भी हैरान रह गई।#UPPolice #ViralVideo #Fatehpur pic.twitter.com/3sIAlJlyx8
— Hindustan UP-Bihar (@HindustanUPBH) July 10, 2022
