ଦିନିକିଆ ବିଶ୍ୱକପ ପୂର୍ବରୁ ବାଦ୍ ପଡିଲେ ୩ଟି ଦେଶ: ଟୁର୍ଣ୍ଣାମେଣ୍ଟ ପୂର୍ବରୁ ଲାଗିଲା ଝଟକା
ନୂଆଦିଲ୍ଲୀ: ଆସନ୍ତା ଅକ୍ଟୋବରରେ ଭାରତରେ ଆୟୋଜନ ହେବାକୁ ଯାଉଛି ଦିନିକିଆ ବିଶ୍ୱକପ-୨୦୨୩ । ଚଳିତବର୍ଷ ବିଶ୍ୱବିଜେତା ହେବାର ସବୁଠାରୁ ବଡ ଦାବିଦାର ପାଲଟିଛି ଟିମ ଇଣ୍ଡିଆ । ୧୨ ବର୍ଷ ପରେ ପୁଣିଥରେ ଚମ୍ପିଆନ ହେବାର ସୁଯୋଗ ପାଇଛି ଭାରତୀୟ କ୍ରିକେଟ ଟିମ । ଏହି ବିଶ୍ୱକପରେ ୧୦ଟି ଦଳ ଭାଗ ନେଉଥିବା ବେଳେ ଟୁର୍ଣ୍ଣାମେଣ୍ଟ ପୂର୍ବରୁ ୩ଟି ଦେଶକୁ ଶକ୍ତ ଝଟକା ଲାଗିଛି । ଦିନିକିଆ ବିଶ୍ୱକପରୁ ବାଦ୍ ପଡିଛନ୍ତି ୩ଟି ଦେଶର କ୍ରିକେଟ ଟିମ୍ ।
ଆସନ୍ତା ଦିନିକିଆ ବିଶ୍ୱକପରେ ୧୦ଟି ଟିମ୍ ଭାଗ ନେବାକୁ ଯାଉଛି । ତେବେ ଏଥିପାଇଁ ୮ଟି ଟିମ୍ ନିଜ ସ୍ଥାନ ପକ୍କା କରି ସାରିଥିବା ବେଳେ ଅନ୍ୟ ଦୁଇଟି ସ୍ଥାନ ପାଇଁ କ୍ୱାଲିଫାୟାର ଲଢେଇ ଜାରି ରହିଛି । ଆୟୋଜକ ଭାରତ ସମେତ ଅଷ୍ଟ୍ରେଲିଆ, ଇଂଲଣ୍ଡ, ପାକିସ୍ତାନ, ଆଫଗାନିସ୍ତାନ ବିଶ୍ୱକପରେ ସ୍ଥାନ ପାଇଛନ୍ତି । ଏହାବ୍ୟତୀତ ନ୍ୟୁଜିଲାଣ୍ଡ, ଦକ୍ଷିଣ ଆଫ୍ରିକା ଏବଂ ବାଂଲାଦେଶ ମଧ୍ୟ ବିଶ୍ୱକପରେ ଖେଳିବାକୁ ଯାଉଛନ୍ତି । ତେବେ ଅନ୍ୟ ଦୁଇଟି ସ୍ଥାନ ପାଇଁ ପ୍ରକୃତ ଉପଯୋଗୀ ସ୍ଥିର ହୋଇ ନାହାନ୍ତି । କ୍ୱାଲିଫାୟାର ପର୍ଯ୍ୟାୟ ଶେଷ ହେବା ପୂର୍ବରୁ ୩ଟି ବଡ ଦଳ ବିଶ୍ୱକପରୁ ବାହାର ହୋଇ ସାରିଛନ୍ତି ।
ଏହି ତାଲିକାରେ ପଡୋଶୀ ରାଷ୍ଟ୍ର ନେପାଳ ଏବଂ ଆମେରିକା ମଧ୍ୟ ସାମିଲ ରହିଛି । ଏହାବ୍ୟତୀତ ୟୁଏଇ ଦଳ ମଧ୍ୟ ଆଇସିସିର ଏହି ଇଭେଣ୍ଟରୁ ବାଦ୍ ପଡିଛି । ନେପାଳ ୪ ମ୍ୟାଚ ଭିତରୁ ୩ଟି ମ୍ୟାଚରେ ପରାଜୟ ମିଳିଥିବା ବେଳେ ଆମେରିକା ମଧ୍ୟ ୩ ଟି ମ୍ୟାଚରେ ପରାସ୍ତ ହୋଇଛି । ସେହିପରି ଗ୍ରୁପ ବି’ ରୁ ୟୁଏଇ ଟିମ ମଧ୍ୟ ୩ଟି ମ୍ୟାଚ ପରାଜୟ ହାର ବିଶ୍ୱକପ କ୍ୱାଲିଫାୟାର ପର୍ଯ୍ୟାୟରୁ ବାଦ୍ ପଡିଛନ୍ତି ।
