ମଳଦ୍ୱାରରୁ ବାହାରିଲା ୫୦ ଲକ୍ଷର ସୁନା: ବିମାନବନ୍ଦରରେ ମାଡି ବସିଲା ପୋଲିସ
ନୂଆଦିଲ୍ଳୀ: ପୋଲିସ ଯେତେବି ସତର୍କ ହୁଅନ୍ତୁ ନା କାହିଁକି ଚୋର ଚୋରି କରିବାର ନୂଆ ନୂଆ ତରିକା ବାହାର କରିବାରେ ଲାଗିଛନ୍ତି । ଏମିତି ଏକ ଘଟଣା ହାଇଦ୍ରାବାଦ ବିମାନ ବନ୍ଦରରୁ ସାମ୍ନାକୁ ଆସିଛି । ନିଜ ମଳଦ୍ୱାରରେ ସୁନାର ପେଷ୍ଟ ପୁରାଇ ଯାଉଥିବା ବେଳେ ପୋଲିସ ଦ୍ୱାରା ଗିରଫ ହୋଇଛନ୍ତି ଜନୈକ ଯୁବକ । ଯୁବକଙ୍କ ମଳଦ୍ୱାରରେ ପ୍ରାୟ ୯୭୫.୧୬ ଗ୍ରାମ ସୁନା ଜବତ କରାଯାଇଥିବା ବେଳେ ଏହାର ମୂଲ୍ୟ ୫୦.୭୦ ଲକ୍ଷ ଟଙ୍କା ହେବ ବୋଲି ଜଣାପଡିଛି ।
ମଙ୍ଗଳବାର ଦିନ ଦୁବାଇରୁ ଫେରୁଥିବା ବ୍ୟକ୍ତିଙ୍କୁ ହାଇଦ୍ରାବାଦ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଗିରଫ କରାଯାଇଛି । ଇଣ୍ଡିଗୋ ବିମାନ ୬ଇ ୧୮୭ରେ ଏହି ବ୍ୟକ୍ତି ଜଣଙ୍କ ରାଜୀବ ଗାନ୍ଧୀ ଆନ୍ତର୍ଜାତୀୟ ବିମାନ ବନ୍ଦରରେ ପହଞ୍ଚିଥିଲେ । ହାଇଦ୍ରବାଦ କଷ୍ଟମ ପକ୍ଷରୁ ବୁଧବାର କରାଯାଇଥିବା ଟ୍ୱିଟ ଅନୁଯାୟୀ ମଳଦ୍ୱାରରୁ ପ୍ରାୟ ୫୦.୭୦ ଲକ୍ଷର ସୁନା ଜବତ କରାଯାଇଥିବା ବେଳେ ତଦନ୍ତ ଆରମ୍ଭ କରାଯାଇଛି ।
Based on intelligence,on 22.02.22 Hyderabad Customs booked a case for smuggling of gold against a male pax who arrived by Indigo Flight 6E187 from Imphal. 975.16 grams of gold in paste form valued at Rs.50.70 lakhs concealed inside rectum recovered&seized.@cbic_india @cgstcushyd pic.twitter.com/R36RtFsndJ
— Hyderabad Customs (@hydcus) February 23, 2022