ପ୍ରଥମ ଭାରତୀୟ ସୁପର ସୋଲଜର ଭୂମିକାରେ ଜନ୍ ଆବ୍ରାହାମ୍: ଭରପୁର ଆକ୍ସନ ସହିତ ରିଲିଜ ହେଲା ଟ୍ରେଲର

ନୂଆଦିଲ୍ଲୀ: ରିଲିଜ୍ ହୋଇଛି ଜନ୍ ଆବ୍ରାହାମଙ୍କ ଜବରଦସ୍ତ ଆକ୍ସନ ମୁଭି ଆଟାକ୍ ପାର୍ଟ-୧ । ଜଣେ ସୁପର ସୋଲଜର ଭୂମିକାରେ ନଜର ଆସିଥିବା ଜନ୍ ଆତଙ୍କବାଦଦ ବିରୋଧରେ ଲଢେଇ କରୁଛନ୍ତି । ଭାରତର ପ୍ରଥମ ସୋଲଜର ଭୂମିକାରେ ଜନ୍ ଦମଦାର ଆକ୍ସନ କରିଛନ୍ତି । ଆସନ୍ତା ଏପ୍ରିଲ ୧ ତାରିଖରେ ଏହା ବଡ ପରଦାରେ ରିଲିଜ୍ ହେବ । ହଲିଉଡର ପ୍ରଥମ ସୁପର ସୋଲଜର ଭାବରେ କ୍ୟାପଟେନ୍ ଆମେରିକା ସମସ୍ତଙ୍କ ମନ ମୋହିଥିବା ବେଳେ ସମାନ ଫର୍ମୂଲା ବଲିଉଡରେ ଆପ୍ଲାଏ କରିବାକୁ ଯାଉଛନ୍ତି ଲକ୍ଷ୍ୟ ରାଜ ଆନନ୍ଦ ।

ଭାରତର ପ୍ରଥମ ସୁପର ସୋଲଜର ଜନ୍ ଆବ୍ରାହାମ ଏକ ରେସ୍କ୍ୟୁ ମିଶନରେ ଯାଉଥିବା ବେଳେ ଏହା ଉପରେ ଫିଲ୍ମର କାହାଣୀ ରହିଛି । ଏହା ସହିତ ସୁପର ସୋଲଜର ହେବା ପୂର୍ବରୁ ଜନଙ୍କ ପ୍ରେମ କାହାଣୀ ମଧ୍ୟ ଦେଖିବାକୁ ମିଳିଛି । ଜନ-ଜ୍ୟାକଲିନଙ୍କ କେମେଷ୍ଟ୍ରି ଆଉଥରେ ଦେଖିବାକୁ ମିଳିଥିବା ବେଳେ ଜନଙ୍କ ବସ ଭୂମିକାରେ ଅଛନ୍ତି ରକୁଲ ପ୍ରୀତ ସିଂ । ସେହିପରି ଜଣେ ସାଧାରଣ ସୈନିକରୁ ସୁପର ସୋଲଜର ହେବାର ସିନଟି ସମ୍ପୂର୍ଣ୍ଣ ଭାବରେ କ୍ୟାପଟେନ ଆମେରିକାରୁ ଅଣା ଯାଇଛି । ଅନ୍ୟ ପକ୍ଷରେ ଫିଲ୍ମର ଟ୍ରେଲରକୁ ଭଲ ରେସପନ୍ସ ମିଳିଥିବା ବେଳେ ଏହା ଭଲ ବ୍ୟବସାୟ କରିବା ଆଶା କରାଯାଉଛି ।