ସ୍ପୋର୍ଟସ ଆଇକନ ଅଫ ଦ ଇୟର ଆୱାର୍ଡରେ ସମ୍ମାନିତ ହେଲେ ଚେନ୍ନାଇ ସୁପର କିଙ୍ଗସର ପୂର୍ବତନ ଅଧିନାୟକ
ନୂଆଦିଲ୍ଲୀ: ଚେନ୍ନାଇ ସୁପର କିଙ୍ଗସର ପୂର୍ବତନ ଖେଳାଳି ତଥା ଅଧିନାୟକ ସୁରେଶ ରାଇନାଙ୍କୁ ମିଳିଛି ବଡ ସମ୍ମାନ । ସ୍ପୋର୍ଟସ ଆଇକନ ଅଫ ଦ ଇୟର ଭାବରେ ରାଇନାଙ୍କୁ ସମ୍ମାନିତ କରିଛନ୍ତି ମାଲଦୀବ ସରକାର । ଅନେକ ମହାନ ଖେଳାଳିଙ୍କୁ ପଛରେ ପକାଇ ଏହି ଆୱାର୍ଡକୁ ନିଜ ନାମରେ କରିଛନ୍ତି ମିଷ୍ଟର IPL । ଚେନ୍ନାଇକୁ ଅନେକ ଥର ଜଟିଳ ପରିସ୍ଥିତିରୁ ବାହାର କରି ମ୍ୟାଚ ଜିତାଇଛନ୍ତି ରାଇନା । ତେବେ କିନ୍ତୁ ଚଳିତ ବର୍ଷ କୌଣସି ଦଳ ଚିନ୍ନା ଥାଲାଙ୍କ ଉପରେ ଭରସା ଦେଖାଇନାହିଁ । ତେଣୁ IPLର ୨୦୨୨ ସିଜନ ପାଇଁ ଅନସୋଲ୍ଡ ରହିଛନ୍ତି ସୁରେଶ ରାଇନା ।
Thank you for the honour Honourable @ibusolih and Mr @AhmedMahloof. The feeling of representing India ?? on a global platform among all the world champions is unmatchable. Congratulations on organising such an exclusive award ceremony. Way to go ? #MaldivesSportsAwards2022 pic.twitter.com/VPNtIWh03K
— Suresh Raina?? (@ImRaina) March 18, 2022
ରିଅଲ ମାଦ୍ରିଦର ଫୁଟବଲର ରବର୍ଟୋ କାର୍ଲୋସଙ୍କ ସମେତ ଧାବକ ଅସାଫା ପାୱେଲ ଏବଂ ଶ୍ରୀଲଙ୍କାର ପୂର୍ବତନ ଅଧିନାୟକ ସନଥ ଜୟସୁରିୟାଙ୍କ ନାମ ଏହି ସମ୍ମାନ ପାଇଁ ତାଲିକାଭୁକ୍ତ ହୋଇଥିଲେ ହେଁ, ରାଇନା ସମସ୍ତଙ୍କୁ ପଛରେ ପକାଇ ଏହାକୁ ନିଜ ନାମରେ କରିଛନ୍ତି । ଆଜିର ଏହି ଆୱାର୍ଡ ସମାରୋହରେ ବାଂଲାଦେଶ, ସାଉଦୀ ଆରବ, ମାଲଦୀବର ମନ୍ତ୍ରୀ ଏବଂ ଅଧିକାରୀମାନେ ସାମିଲ ରହିଥିଲେ । ମାଲଦୀବର ରାଷ୍ଟ୍ରପତି ଇବ୍ରାହିମ ମହମ୍ମଦ ସୋଲେହ ମଧ୍ୟ ଏହି ଉତ୍ସବରେ ଉପସ୍ତିତ ରହିଥିଲେ । ଏଭଳି ଏକ ଉଚ୍ଚ ସମ୍ମାନରେ ସମ୍ମାନିତ ହେବା ପରେ ରାଇନା ଟ୍ୱିଟ କରି ମାଲଦୀବର ରାଷ୍ଟ୍ରପତିଙ୍କୁ ଧନ୍ୟବାଦ ଅର୍ପଣ କରିଛନ୍ତି ।
