ଭୁବନେଶ୍ୱର ବମିଖାଲ ପେଟ୍ରୋଲ ପମ୍ପରେ ଗୁଳିମାଡ଼, କର୍ମଚାରୀ ଆହତ

ଭୁବନେଶ୍ୱର(ଓଡ଼ିଶା ଭାସ୍କର): ଭୁବନେଶ୍ୱର ବମିଖାଲ ପେଟ୍ରୋଲ ପମ୍ପରେ ହୋଇଛି ଗୁଳିମାଡ଼ । ବିଳମ୍ବିତ ରାତିରେ ଏହି ଗୁଳିମାଡ଼ ହୋଇଥିବା ବେଳେ ଏଥିରେ ଜଣେ ଯୁବକ ଗୁରୁତର ଆହତ ହୋଇଛନ୍ତି । ତେଲ ପକାଇବା ବେଳେ ଗଣ୍ଡଗୋଳରୁ ଏହି ଗୁଳିମାଡ଼ ହୋଇଥିବା ସୂଚନା ମିଳିଛି । ଗୁଳିମାଡ଼ ପରେ ୨ ଅଭିଯୁକ୍ତ ଯୁବକ ଘଟଣାସ୍ଥଳରୁ ଫେରାର ମାରିଛନ୍ତି ।

ତେବେ ପେଟ୍ରୋଲ ପକାଇବାକୁ କେନ୍ଦ୍ରକରି ଗୁଳିମାଡ଼ ହୋଇଥିବା ଅଭିଯୋଗ ହୋଇଛି । ଦୁଇ ରାଉଣ୍ଡ ଗୁଳିମାଡ଼ କରି ଦୁର୍ବୃତ୍ତ ଫେରାର ହୋଇଥିବା ବେଳେ ଏଥିରେ ପେଟ୍ରୋଲ ପମ୍ପ କର୍ମଚାରୀ ଗୁରୁତର ଆହତ ହୋଇଛନ୍ତି । ସୂଚନା ମୁତାବକ, ବାଇକରେ ତେଲ ପକାଇବାକୁ ଆସିଥିଲେ ଦୁଇ ଅଭିଯୁକ୍ତ । ଆଉ ଏକ ଗାଡ଼ିରେ ତେଲ ପକାଇବାରୁ ପାଟିତୁଣ୍ଡ ଆରମ୍ଭ କରିଥିବା ପ୍ରାରମ୍ଭିକ ତଦନ୍ତରୁ ଜଣାପଡିଛି । ପୋଲିସ ଘଟଣାର ତଦନ୍ତ କରୁଛି ।