କମିଶନରେଟ ପୋଲିସରେ ଅଦଳବଦଳ: ବଦଳି ତାଲିକାରେ ସାମିଲ ରହିଛି ଜଣେ ଏସିପିଙ୍କ ନାଁ

ଭୁବନେଶ୍ୱର: ଓଡିଶା କମିଶନରେଟ ପୋଲିସରେ ହୋଇଛି ଏକ ବଡ ଅଦଳବଦଳ । ସବଇନ୍ସପେକ୍ଟର ଏବଂ ଇନ୍ସପେକ୍ଟରଙ୍କ ସମେତ ଜଣେ ଏସିପିଙ୍କୁ ମଧ୍ୟ ଏହି ବଦଳି ତାଲିକାରେ ସାମିଲ କରାଯାଇଛି । ଏସିପି ସତ୍ୟରଞ୍ଜନ ମଲ୍ଲିକଙ୍କୁ କଟକ ଡିଆଇବିରୁ ବଦଳି କରାଯାଇଛି । ସେହିଭଳି ମୋଟ ୩୮ ଜଣ ପୋଲିସ କର୍ମଚାରୀଙ୍କ ନାଁ ଏହି ବଦଳି ତାଲିକାରେ ସ୍ଥାନ ପାଇଛି ।

କମିଶନରେଟ ପୋଲିସ ତରଫରୁ କରାଯାଇଥିବା ଅଦଳବଦଳରେ କଟକ ଡିଆଇବି ସତ୍ୟରଞ୍ଜନ ମଲ୍ଲିକଙ୍କୁ IUCAWକୁ ବଦଳି କରାଯାଇଛି । ତାଙ୍କ ବ୍ୟତୀତ ମୋଟ ୭ ଜଣ ଇନ୍ସପେକ୍ଟର ଏବଂ ୩୦ ସବ ଇନ୍ସପେକ୍ଟରଙ୍କୁ ବଦଳି କରିଛି କମିଶନରେଟ ପୋଲିସ । ଇନ୍ସପେକ୍ଟର କୃଷ୍ଣପ୍ରସାଦ ଦାସଙ୍କୁ କଟକ ଡିଆଇବିକୁ ବଦଳି କରାଯାଇଥିବା ବେଳେ ରୀନା ଦାସ କଟକ ସଦର ଥାନାର ଅତିରିକ୍ତ IIC ଭାବେ ଯୋଗ ଦେବାକୁ ଯାଉଛନ୍ତି । ସେହିପରି ସହିଦ ନଗର ଥାନା ଅତିରିକ୍ତ IIC ଭାବରେ ଦାୟିତ୍ୱ ନେବାକୁ ଯାଉଛନ୍ତି ଇନ୍ସପେକ୍ଟର ବିଜୟ କୁମାର ବାରିକ।

ଅନ୍ୟ ପକ୍ଷରେ ନୟାପଲ୍ଲୀ ଥାନା ଆଇଆଇସି ଭାବେ ନିଯୁକ୍ତି ନେବେ ଇନ୍ସପେକ୍ଟର ସୁଚିତ୍ରା ପରିଡା । ଇନ୍ସପେକ୍ଟର ଗନେଶ ଚନ୍ଦ୍ର ସ୍ୱାଇଁଙ୍କୁ କମିଶନରେଟ ହେଡକ୍ୱାର୍ଟରସକୁ ବଦଳି ହୋଇଥିବା ବେଳେ କୁ ବଦଳି ହୋଇଛନ୍ତି ଇନ୍ସପେକ୍ଟର ପ୍ରମୋଦ କୁମାର ଲେଙ୍କା । ଏମାନଙ୍କ ବ୍ୟତୀତ ୩୦ ଜଣ ସବ ଇନ୍ସପେକ୍ଟରଙ୍କୁ ମଧ୍ୟ ବିଭିନ୍ନ ଥାନାକୁ ଅନ୍ୟ ସ୍ଥାନକୁ ବଦଳି କରି ଦିଆଯାଇଛି ।