ମେଘାଳୟରେ ସିଏମ ଶପଥପାଠ ସମାରୋହ ; ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀ ହେଲେ କନରାଡ ସାଙ୍ଗମା, ୨ ଡେପୁଟି ସିଏମ ମଧ୍ୟ ଶପଥ ଗ୍ରହଣ କଲେ
ନୂଆଦିଲ୍ଲୀ : ମେଘାଳୟରେ ନିର୍ବାଚନ ଫଳାଫଳ ଜଣାପଡିବା ପରେ ଗଠବନ୍ଧନ ସରକାରଙ୍କ ଶପଥ ଗ୍ରହଣ ସମାରୋହ ଆରମ୍ଭ ହୋଇଛି। କ୍ରମାଗତ ଦ୍ୱିତୀୟ ଥର ପାଇଁ କନରାଡ ସାଙ୍ଗମା ସିଏମ ବା ମେଘାଳୟର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ଏଥି ସହ ଦୁଇଜଣ ବିଧାୟକ ଡେପୁଟି ସିଏମ ମଧ୍ୟ ପଦ ଓ ଗୋପନୀୟତାର ଶପଥ କରିଥିଲେ । ୟୁଡିପି ଓ ପିଡିଏଫ୍ ସମର୍ଥନ ପାଇବା ପରେ ସାଙ୍ଗମା ସଂଖ୍ୟାଗରିଷ୍ଠତା ହାସଲ କରି ସରକାର ଗଠନ ପାଇଁ ଦାବି କରିଥିଲେ ଏବଂ ନବ ନିର୍ବାଚିତ ବିଧାୟକଙ୍କ ସହ ଆଜି ଶପଥ ଗ୍ରହଣ କରୁଛନ୍ତି।
ଲଗାତାର ଦ୍ୱିତୀୟ ଥର ପାଇଁ ମେଘାଳୟର ମୁଖ୍ୟମନ୍ତ୍ରୀ ଭାବରେ କୋନରାଡ ସାଙ୍ଗ ଶପଥ ଗ୍ରହଣ କରିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ମୋଦୀ, ଗୃହମନ୍ତ୍ରୀ ଅମିତ ଶାହା ଏବଂ ବିଜେପି ସଭାପତି ଜେପି ନାଡା ମଧ୍ୟ ଉପସ୍ଥିତ ଥିଲେ। ଏଥର ଜଣେ ମହିଳା ମଧ୍ୟ କ୍ୟାବିନେଟରେ ଅନ୍ତର୍ଭୁକ୍ତ ହୋଇଛନ୍ତି।
ନିୟମ ଅନୁଯାୟୀ, ୬୦ ସଦସ୍ୟ ବିଶିଷ୍ଟ ବିଧାନସଭା ଥିବା ମେଘାଳୟରେ ମୁଖ୍ୟମନ୍ତ୍ରୀଙ୍କ ସମେତ ୧୨ ରୁ ଅଧିକ ମନ୍ତ୍ରୀ ରହିପାରିବେ ନାହିଁ। ମଙ୍ଗଳବାର ଏନପିପି ସଭାପତି ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବାର କାର୍ୟ୍ୟକ୍ରମ ରହିଛି। ତାଙ୍କର ୪୫ ଜଣ ବିଧାୟକଙ୍କ ସମର୍ଥନ ରହିଛି। ସାଙ୍ଗମା ଉତ୍ତର-ପୂର୍ବ ରାଜ୍ୟରେ ସରକାର ଗଠନ ପାଇଁ ଦାବି କରିଛନ୍ତି।
ଫେବୃଆରୀ ୨୭ ରେ ଅନୁଷ୍ଠିତ ବିଧାନସଭା ନିର୍ବାଚନରେ ତାଙ୍କ ଦଳ ୫୯ ଟି ଆସନ ମଧ୍ୟରୁ ୨୬ ଟି ଜିତିବା ପରେ ମଙ୍ଗଳବାର ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀ ଶପଥ ଗ୍ରହଣ କରିବେ। ଏଥି ସହିତ ନାଓଲାଣ୍ଡର ୬୦ ସଦସ୍ୟ ବିଶିଷ୍ଟ ବିଧାନସଭାରେ ରିଓର ଏନଡିପିପି ୨୫ ଟି ସିଟ୍ ଜିତିଥିବାବେଳେ ଏହାର ସହଯୋଗୀ ଭାରତୀୟ ଜନତା ପାର୍ଟି ୧୨ ଟି ସିଟ୍ ଜିତିଛି।
ଆଜି ନାଗାଲାଣ୍ଡରେ ଶପଥ ଗ୍ରହଣ କାର୍ୟ୍ୟକ୍ରମ ଆୟୋଜିତ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ସେଠାରେ ଯୋଗଦେବେ। ଶାସକ ଏନଡିପିପି ଏହାର ସହଯୋଗୀ ଭାରତୀୟ ଜନତା ପାର୍ଟି ସହିତ ୩୭ ଟି ଆସନ ଜିତି କ୍ରମାଗତ ଦ୍ୱିତୀୟ ଥର ପାଇଁ ନାଗାଲାଣ୍ଡରେ କ୍ଷମତା ବଜାୟ ରଖିଛି। ଶୁକ୍ରବାର ଦିନ ସର୍ବସମ୍ମତି କ୍ରମେ ଏନଡିପିପି ବିଧାନସଭା ଦଳର ନେତା ଭାବରେ ନିର୍ବାଚିତ ହୋଇଥିବା ରିଓ ଶନିବାର ରାଜ୍ୟପାଳ ଲା ଗଣେସନଙ୍କୁ ଇସ୍ତଫା ପତ୍ର ଦାଖଲ କରିଛନ୍ତି।
