ଇନଭର୍ଟର ବ୍ୟାଟେରୀରେ କେଉଁ ପାଣି ପୂରାଇବେ ? RO ନା ବର୍ଷା ପାଣି
ଶୀତ ଋତୁ ବିଦାୟ ନେଇଥିବା ବେଳେ ଗ୍ରୀଷ୍ମ ପ୍ରବେଶ କରିଛି । ଅନେକ ଅଞ୍ଚଳରେ ଉତ୍ତାପ ଯୋଗୁଁ ଲୋକମାନେ ହନ୍ତସନ୍ତ ହେଉଛନ୍ତି । ଏପରି ପରିସ୍ଥିତିରେ ବିଦ୍ୟୁତ ବଞ୍ଚାଇବା ଲୋକଙ୍କ ପାଇଁ ବଡ଼ କାମ । ବିଦ୍ୟୁତ ନଥିବା ସମୟରେ ଲୋକମାନେ ଇନଭର୍ଟରର ବ୍ୟବହାର କରିବା ଆରମ୍ଭ କରିଛନ୍ତି । କିନ୍ତୁ ଆପଣ ଜାଣିଛନ୍ତି କି କେଉଁ ପାଣି ଇନଭର୍ଟର ବ୍ୟାଟେରୀରେ ରଖାଯାଏ ?
ଅନେକ ଲୋକ ପଚାରୁଛନ୍ତି ଯେ ବ୍ୟାଟେରୀରେ ବର୍ଷା ପାଣି ରଖିବା ଭଲ ନା ଆଇଓ ପାଣି ଭଲ ରହିବ ? ଗ୍ରୀଷ୍ମଋତୁରେ ଇନଭର୍ଟର ବ୍ୟାଟେରୀରେ ଥିବା ପାଣି ଶୀଘ୍ର ଶୁଖିବା ଆରମ୍ଭ କରେ । ତେଣୁ ସମୟ ସମୟରେ ଯାଞ୍ଚ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଯଦି ପ୍ରାୟ ୩-୪ ମାସରେ ଥରେ ପାଣି ମିଶାଯାଏ, ତେବେ ବ୍ୟାଟେରୀର ଲାଇଫ୍ ବଢ଼ିଯାଏ ।
କିଛି ଲୋକ ବ୍ୟାଟେରୀରେ ଆରଓ ପାଣି ଢ଼ାଳିବାକୁ ପରାମର୍ଶ ଦେଉଥିବାବେଳେ କିଛି ଲୋକ କୁହନ୍ତି ବର୍ଷା ଜଳ ସଂଗ୍ରହ କରି ଢ଼ାଳିବା ଉଚିତ୍ । ବ୍ୟାଟେରୀରେ କେଉଁ ପାଣି ରଖାଯିବ? ଯଦି ଆପଣ ଇନଭର୍ଟର ବ୍ୟାଟେରୀର ଦୀର୍ଘ ଲାଇଫ୍ ଚାହୁଁଛନ୍ତି ତେବେ ଡିଷ୍ଟିଲ୍ ପାଣି ବ୍ୟବହାର କରାଯିବା ଉଚିତ । ଇନଭର୍ଟର ବ୍ୟାଟେରୀରେ ରଖିବା ପାଇଁ ଡିଷ୍ଟିଲ୍ ପାଣି ସର୍ବୋତ୍ତମ ବୋଲି ବିବେଚନା କରାଯାଏ । ଏହାକୁ ତିଆରି କରିବା ପାଇଁ ପ୍ରଥମ ସାଧାରଣ ଜଳକୁ ବାଷ୍ପରେ ପରିଣତ କରାଯାଏ ।
ତା’ପରେ ଏହାକୁ ଥଣ୍ଡା କରି ପାଣି ତିଆରି କରାଯାଏ । ଏଥିରେ କୌଣସି ପ୍ରକାରର ମିଶ୍ରଣ ରହିନଥାଏ । ଏପରି ପରିସ୍ଥିତିରେ ଇନଭର୍ଟରର ବ୍ୟାଟେରୀରେ ଘଟୁଥିବା କେମିକାଲ ରିଆଏକ୍ସନରେ ଏହି ପାଣିର କୌଣସି ପ୍ରଭାବ ପଡ଼େ ନାହିଁ । ଏହା ବ୍ୟତୀତ ଡିଷ୍ଟିଲ୍ ଜଳର ଟିଡିପି ମଧ୍ୟ ବହୁତ କମ୍ ରହିଥାଏ ।
