ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ‘ମନ୍ କି ବାତ୍’ ର ଆଜି ୯୯ତମ ଏପିସୋଡ, ସକାଳ ୧୧ଟାରେ ଦେଶ ସହ କରିବେ ଯୋଗାଯୋଗ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଚଳିତ ବର୍ଷ ପାଇଁ ତୃତୀୟ ‘ମନ୍ କି ବାତ୍’ ପୋଗ୍ରାମ ଜରିଆରେ ଦେଶକୁ ସମ୍ବୋଧିତ କରିବେ । ପ୍ରଧାନମନ୍ତ୍ରୀ ମୋଦୀଙ୍କ ମାସିକ ରେଡ଼ିଓ କାର୍ଯ୍ୟକ୍ରମ ‘ମନ୍ କି ବାତ୍’ ର ୯୯ ତମ ଏପିସୋଡ ଆଜି ସକାଳ ୧୧ ଟାରେ ପ୍ରସାରିତ ହେବ । ୩ ଅକ୍ଟୋବର ୨୦୧୪ର ବିଜୟାଦଶମୀରେ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମର ୯୮ଟି ଏପିସୋଡ ସରିଯାଇଛି ।
ସୂଚନା ଅନୁଯାୟୀ, ପ୍ରଧାମନମନ୍ତ୍ରୀଙ୍କ ଏହି କାର୍ଯ୍ୟକ୍ରମ ୨୬ ଫେବୃଆରୀ ଦିନ ସରିଥିଲା । ‘ମନ୍ କି ବାତ୍’ ପ୍ରତିମାସ ଶେଷ ରବିବାର ଦିନ ଅଲ ଇଣ୍ଡିଆ ରେଡିଓରେ ପ୍ରସାରିତ ହୋଇଥାଏ । ଯେଉଁ ଜରିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କ ସହ ଯୋଗାଯୋଗ କରନ୍ତି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ‘ମନ କି ବାତ’ କାର୍ଯ୍ୟକ୍ରମ ଅଲ ଇଣ୍ଡିଆ ରେଡିଓ ଏବଂ ଦୂରଦର୍ଶନର ସମଗ୍ର ନେଟୱାର୍କରେ ତଥା ଅଲ ଇଣ୍ଡିଆ ରେଡିଓ ନ୍ୟୁଜ ୱେବସାଇଟ ଏବଂ ନ୍ୟୁଜଅନ ମୋବାଇଲ୍ ଆପରେ ପ୍ରସାରିତ ହେବ। ଏହା ସୂଚନା ଏବଂ ପ୍ରସାରଣ ମନ୍ତ୍ରଣାଳୟ, ଅଲ ଇଣ୍ଡିଆ ରେଡିଓ ନ୍ୟୁଜ୍, ଡିଡି ନ୍ୟୁଜ୍, ପିଏମଓ ଏବଂ ୟୁଟ୍ୟୁବ୍ ଚ୍ୟାନେଲରେ ସିଧା ପ୍ରସାରଣ ହେବ। ଏହାର ହିନ୍ଦୀ ପ୍ରସାରଣ ପରେ ଅଲ ଇଣ୍ଡିଆ ରେଡିଓ ମଧ୍ୟ ଏହି କାର୍ଯ୍ୟକ୍ରମକୁ ଆଞ୍ଚଳିକ ଭାଷାରେ ପ୍ରସାରଣ କରିବ। ‘ମନ କି ବାତ’ ର ଶେଷ ଏପିସୋଡରେ ପ୍ରଧାନମନ୍ତ୍ରୀ ମୋଦୀ’ ଏକତା ଦିବସ’ର ତିନୋଟି ପ୍ରତିଯୋଗିତାର ବିଜେତା ଘୋଷଣା କରିବାବେଳେ ଅନେକ ପ୍ରସଙ୍ଗ ଉପରେ ମତ ରଖିଥିଲେ। ସେମାନେ ପଶ୍ଚିମବଙ୍ଗର ବାନ୍ସବେରିଆରେ ପ୍ଲାଷ୍ଟିକ୍ ବ୍ୟାଗ୍ ହଟାଇବା ଏବଂ ‘ତ୍ରିବେଣୀ କୁମ୍ବ ଫେଷ୍ଟିଭାଲ୍’ର ପାନଃଜୀବନ ସହିତ ବିଭିନ୍ନ ବିଷୟ ଉପରେ ମଧ୍ୟ ଆଲୋଚନା କରିଥିଲେ।

ତେବେ ‘ମନ କି ବାତ’ ର ୧୦୦ ତମ ଏପିସୋଡ ୩୦ ଏପ୍ରିଲରେ ଶେଷ ହେବ। ଭାରତରେ ଘଟୁଥିବା ପରିବର୍ତ୍ତନ ଉପରେ ଏହି କାର୍ଯ୍ୟକ୍ରମ ପର୍ଯ୍ୟବସିତ। ତେଣୁ ଅଲ ଇଣ୍ଡିଆ ରେଡିଓ ୧୫ ମାର୍ଚ୍ଚର ୧୦୦ ତମ କାର୍ଯ୍ୟକ୍ରମ ପୂର୍ବରୁ ଏକ ନିଆରା ଅଭିଯାନ ଆରମ୍ଭ କରିଛି। ଏହି ଅଭିଯାନ ମନ କି ବାତର ଏପିସୋଡରେ ପ୍ରଧାନମନ୍ତ୍ରୀ ମୋଦୀଙ୍କ ଦ୍ୱାରା ହାଇଲାଇଟ୍ ହୋଇଥିବା ୧୦୦ ଟି ଥିମକୁ ସାମ୍ନାକୁ ଆଣିବ। ମନ କି ବାତର ପ୍ରତ୍ୟେକ ଏପିସୋଡ ସହିତ ଜଡିତ ପ୍ରଧାନମନ୍ତ୍ରୀ ମୋଦୀଙ୍କ ସାଉଣ୍ଡ ବାଇଟ୍ ଅଲ ଇଣ୍ଡିଆ ରେଡିଓ ନେଟୱାର୍କର ସମସ୍ତ ବୁଲେଟିନ୍ ଏବଂ ଅନ୍ୟାନ୍ୟ କାର୍ଯ୍ୟକ୍ରମରେ ପ୍ରସାରିତ ହେବ। ମାର୍ଚ୍ଚ ୧୫ ରୁ ଏହି ଅଭିଯାନ ପ୍ରସାରିତ ହୋଇଛି ଏବଂ ୧୦୦ ତମ ଏପିସୋଡର ଗୋଟିଏ ଦିନ ପୂର୍ବରୁ ଏହା ୨୯ ଏପ୍ରିଲରେ ଶେଷ ହେବ।