ମହିଳା କେବେ ଜାଣି ପାରନ୍ତି ନାହିଁ ପୁରୁଷଙ୍କର ଏହି ସିକ୍ରେଟ: ବିଫଳ ହୁଏ ସବୁ ଚେଷ୍ଟା
ଆଚାର୍ଯ୍ୟ ଚାଣକ୍ୟ ଦୁନିଆର ମହାନତମ ବିଦ୍ୱାନଙ୍କ ମଧ୍ୟରେ ଜଣେ । ତାଙ୍କର ନୀତି ଆଜିର ସମୟରେ ମଧ୍ୟ ଉପାଦେୟ ହୋଇଥାଏ । ଚାଣକ୍ୟ ନୀତିରେ ସ୍ତ୍ରୀ-ପୁରୁଷଙ୍କ ବିଷୟରେ ବିସ୍ତାରରେ କୁହାଯାଇଛି । ବୈବାହିକ ଜୀବନ ହେଉ କିମ୍ବା ସ୍ତ୍ରୀ-ପୁରୁଷ ସମ୍ବନ୍ଧକୁ ନେଇ ଅନେକ ଏଭଳି କଥା କହିଛନ୍ତି, ଯାହାକୁ ଆପଣାଇ ମନୁଷ୍ୟ ସୁଖମୟ ଜୀବନ ବିତାଇପାରିବ । ଚାଣକ୍ୟ ନୀତିରେ ପୁରୁଷଙ୍କ ବିଷୟରେ ଅନେକ କଥା କୁହାଯାଇଛି, ଯେଉଁଥିରେ କୁହାଯାଇଛି ଯେ ପୁରୁଷମାନଙ୍କର ନିଜର କିଛି ରହସ୍ୟ ଅଛି, ଯାହା ମହିଳାମାନେ ଚାହିଁଲେ ମଧ୍ୟ ଜାଣନ୍ତି ନାହିଁ ।
ପୁରୁଷଙ୍କ ପୁରୁଣା ସମ୍ବନ୍ଧ:
ଆଚାର୍ଯ୍ୟ ଚାଣକ୍ୟଙ୍କ ନିତି ଶାସ୍ତ୍ର ଅନୁଯାୟୀ ପୁରୁଷମାନଙ୍କର ଅନେକ ରହସ୍ୟ ଅଛି, ଯାହା ବିଷୟରେ ମହିଳାମାନେ କେବେ ଜାଣନ୍ତି ନାହିଁ । ସେଥିମଧ୍ୟରୁ ଗୋଟିଏ ହେଉଛି ପୁରୁଷଙ୍କ ପୁରୁଣା ସମ୍ପର୍କ । ଯେତେବେଳେ ପୁରୁଷ ଏବଂ ମହିଳାମାନେ ଏକ ବୈବାହିକ ସମ୍ପର୍କକୁ ଆସନ୍ତି, ସେତେବେଳେ ସେମାନେ ପରସ୍ପର ସହ ଆଜୀବନ ବାନ୍ଧି ହୋଇଯାଆନ୍ତି । ଏହି ସଂପର୍କରେ ମିଥ୍ୟା ପାଇଁ କୌଣସି ସ୍ଥାନ ରହେ ନାହିଁ । କିନ୍ତୁ ଏପରି ଅନେକ ପୁରୁଷ ଅଛନ୍ତି ଯେଉଁମାନେ ପତ୍ନୀଙ୍କ ଠାରୁ ସେମାନଙ୍କର ପୁରୁଣା ସମ୍ପର୍କ ବିଷୟରେ ଲୁଚାଇ ରଖନ୍ତି । ତେବେ ପୁରୁଷଙ୍କର ଏହି ରହସ୍ୟକୁ ମହିଳାମାନେ ଅନେକ ଚେଷ୍ଟା କରିବା ପରେ ମଧ୍ୟ ଜାଣି ପାରନ୍ତି ନାହିଁ ।
ପୁରୁଷମାନଙ୍କର ଚରିତ୍ର:
କୁହାଯାଏ ପୁରୁଷର ଚରିତ୍ର ତାଙ୍କ ଜୀବନସାଥୀ ପାଇଁ ଏକ ରହସ୍ୟ ଅଟେ। କୌଣସି ମହିଳାଙ୍କ ପାଇଁ ତାଙ୍କ ଜୀବନ ସାଥୀ ବିଷୟରେ ଚରିତ୍ର ସମ୍ବନ୍ଧୀୟ ଜିନିଷ କିଛି କଥା ଜାଣିବା ଆଦୌ ସହଜ ନୁହେଁ । ତେବେ କୌଣସି ପୁରୁଷକୁ ଧ୍ୟାନର ସହ ଦେଖିବା ପରେ ହିଁ ତାଙ୍କ ଚରିତ୍ର ବିଷୟରେ ଅନେକ ଜିନିଷ ଜଣା ପଡିପାରେ । କିନ୍ତୁ ସମସ୍ତ ପୁରୁଷଙ୍କ ଚରିତ୍ର ଏହି ଉପାୟରେ ମଧ୍ୟ ଜଣା ପଡି ନଥାଏ ।
ପୁରୁଷମାନଙ୍କ ପ୍ରତି ପ୍ରେମ ପ୍ରଦର୍ଶନ:
ଚାଣକ୍ୟ ନିତିରେ କୁହାଯାଇଛି ଯେ କୌଣସି ପୁରୁଷଙ୍କ ଠାରୁ ତାଙ୍କ ବୈବାହିକ ଜୀବନରେ ଜାଣିବା ଏତେ ସହଜ କଥା ହୋଇ ନଥାଏ । ଯଦି କୌଣସି ପୁରୁଷର ଦାମ୍ପତ୍ୟ ଜୀବନରେ କିଛି ଅସୁବିଧା ଥାଏ, ତା’ହେଲେ ତାଙ୍କ ଆଚରଣକୁ ଦେଖି ମଧ୍ୟ ସେମାନଙ୍କ ସମ୍ପର୍କରେ କ’ଣ ଘଟୁଛି କେହି କହିପାରିବେ ନାହିଁ? ତେବେ ସମ୍ପର୍କ ବଞ୍ଚାଇବାକୁ, ବେଳେବେଳେ ପୁରୁଷମାନେ ଭଲ ପାଇବାର ଛଳନା କରିବା ଆରମ୍ଭ କରନ୍ତି । ଯାହାକି ଜଣେ ମହିଳା ସହଜରେ ଜାଣି ପାରନ୍ତି ନାହିଁ ।