ସ୍ୱାମୀ-ସ୍ତ୍ରୀଙ୍କୁ ଗୋଟିଏ ସ୍ଥାନରେ ପୋଷ୍ଟିଂ କରିବାର କୌଣସି ଅଧିକାର ନାହିଁ: ହାଇକୋର୍ଟ
ନୂଆଦିଲ୍ଲୀ: ହାଇକୋର୍ଟର ଲଖନଉ ବେଞ୍ଚ ଶୁକ୍ରବାର ଦିନ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତିରେ ସ୍ପଷ୍ଟ କରିଛି ଯେ, ଉଭୟ ସ୍ୱାମୀ-ସ୍ତ୍ରୀ ସରକାରୀ ଚାକିରି କରିଥିଲେ, ଗୋଟିଏ ସ୍ଥାନରେ ସେମାନଙ୍କର ପୋଷ୍ଟିଂକୁ ନେଇ ବିଚାର କରାଯାଇପାରେ, କିନ୍ତୁ ଏହା ଏକ ଅପରିହାର୍ଯ୍ୟ ଅଧିକାର ନୁହେଁ ।
କୋର୍ଟ କହିଛନ୍ତି ଯେ, ଯଦି ପ୍ରଶାସନିକ ଆବଶ୍ୟକତା ଉପରେ କୌଣସି କ୍ଷତି ନହୁଏ ତେବେ ସ୍ୱାମୀ ଏବଂ ସ୍ତ୍ରୀଙ୍କୁ ଗୋଟିଏ ସ୍ଥାନରେ ପୋଷ୍ଟ କରିବା ସମ୍ଭବ । ଏହି ମନ୍ତବ୍ୟ ସହିତ ମୌଳିକ ଶିକ୍ଷା ବିଭାଗର ସ୍ଥାନାନ୍ତର ନୀତିରେ ହସ୍ତକ୍ଷେପ କରିବାକୁ କୋର୍ଟ ମନା କରି ଦେଇଛନ୍ତି ।
ଜଷ୍ଟିସ୍ ଓମ୍ ପ୍ରକାଶ ଶୁକ୍ଲାଙ୍କ ଏକକ ବେଞ୍ଚ ଦ୍ୱାରା ଶହ ଶହ ସହକାରୀ ଶିକ୍ଷକଙ୍କ ତରଫରୁ ମୋଟ ୩୬ ଟି ଆବେଦନ ଉପରେ ଏକସହିତ ଶୁଣାଣି କରାଯାଇଛି । ଆବେଦନକାରୀମାନେ କହିଛନ୍ତି ଯେ ସେମାନଙ୍କ ଜୀବନସାଥୀ ଜାତୀୟକରଣ ବ୍ୟାଙ୍କ, ଏଲଆଇସି, ବିଦ୍ୟୁତ୍ ବିତରଣ ନିଗମ, ଏନଏଚପିସି, ଇଣ୍ଟରମିଡିଏଟ କଲେଜ, ଶକ୍ତି ନିଗମ ଏବଂ ଶିଶୁ ବିକାଶ ପ୍ରକଳ୍ପ ଇତ୍ୟାଦି ସାର୍ବଜନୀନ କ୍ଷେତ୍ରରେ ପୋଷ୍ଟିଂ ଅଛନ୍ତି ।
ତେବେ ଆବେଦନକାରୀମାନଙ୍କ ପତି-ପତ୍ନୀ ସେମାନ ଠାରୁ ଅଲଗା ଅଲଗା ଜିଲ୍ଲାରେ ପୋଷ୍ଟିଂ ହୋଇଛନ୍ତି । କୁହାଯାଇଥିଲା ଯେ, ୨ ଜୁନ୍ ୨୦୨୩ ରେ ଦିଆଯାଇଥିବା ସରକାରୀ ଆଦେଶ ଅନୁଯାୟୀ, ଯେଉଁ ପତି-ପତ୍ନୀମାନେ ସରକାରୀ ସେବାରେ ଅଛନ୍ତି, ସେମାନଙ୍କ ମଧ୍ୟରେ ଅନ୍ତର୍ଜନପଦୀୟ ଟ୍ୟାନ୍ସଫର ପାଇଁ ଦଶ ପଏଣ୍ଟ ଦେବା ପାଇଁ ବ୍ୟବସ୍ଥା କରାଯାଇଛି, କିନ୍ତୁ ୧୬ ଜୁନ୍ ୨୦୨୩ ରେ ପାସ ହୋଇଥିବା ଦ୍ୱିତୀୟ ସରକାରୀ ଆଦେଶରେ ଏହା ସ୍ପଷ୍ଟ ହୋଇଛି ଯେ ସରକାର କେବଳ ସେହି କର୍ମଚାରୀମାନଙ୍କୁ ସେବାରେ ନିୟୋଜିତ ବିବେଚନା କରାଯିବ ଯେଉଁମାନେ ସମ୍ବିଧାନର ଧାରା ୩୦୯ ଅନୁଯାୟୀ ପ୍ରୋଭିଜୋ ଅଧୀନରେ ରହିବେ । ଏହାକୁ ସମାନତା ଅଧିକାରର ଉଲ୍ଲଂଘନ ବୋଲି ଆବେଦନକାରୀଙ୍କ ଦ୍ୱାରା ଚ୍ୟାଲେଞ୍ଜ କରାଯାଇଥିଲା ।
