ଭୁବନେଶ୍ୱର: ଓଡ଼ିଆ ଧାରାବାହିକର ଅଭିନେତା ଗିରଫ
ଓଡିଶା ଭାସ୍କର: ଓଡ଼ିଆ ଧାରାବାହିକ ତଥା ଓେବ୍ ସିରିଜ୍ ଅଭିନେତା ବିରଞ୍ଚତ୍ ନାରାୟଣ ନାୟକ ଗିରଫ। ପୋଲିସ କର୍ମଚାରୀଙ୍କୁ ଗାଳିଗୁଳଜ ସହ ଆକ୍ରମଣ କରିବା ଅଭିଯୋଗରେ ତାଙ୍କୁ ଭରତପୁର ଥାନା ପୋଲିସ ଗିରଫ କରି ସୋମବାର କୋର୍ଟ ଚାଲାଣ କରିଛି।
ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ଭରତପୁର ଥାନାର ଥାନାଧିକାରୀଙ୍କ ନିର୍ଦ୍ଦେଶକ୍ରମେ ଏକ ପାଟ୍ରୋଲିଂ ଟିମ କଳିଙ୍ଗ ଷ୍ଟୁଡିଓ ନିକଟରେ ରାତ୍ରିକାଳୀନ ଅବରୋଧ ଓ ଗାଡି ଯାଞ୍ଚ କରୁଥିଲେ। ତେବେ ରାତି ପ୍ରାୟ ୧ଟା ୧୫ରେ ବିରଞ୍ଚତ୍ କାର ଚଳାଇ ରେଣ୍ଟାଲ ଛକ ପାର୍ଶ୍ୱରୁ କଳିଙ୍ଗ ଷ୍ଟୁଡିଓ ଛକ ଆଡକୁ ଯାଉଥିଲେ। ଏହି ସମୟରେ ଯାଞ୍ଚ କରୁଥିବା ପୋଲିସ ଟିମ୍ ଯାଞ୍ଚ ପାଇଁ ତାଙ୍କ କାର୍କୁ ଅଟକାଇଥିଲେ। ଏହାପରେ ବିରଞ୍ଚି କାରରୁ ବାହାରି ଡ୍ୟୁଟିରେ ଥିବା ପୋଲିସ କର୍ମଚାରୀଙ୍କୁ ଗାଳି ଗୁଲଜ କରିବା ସହ ଆକ୍ରମଣ କରିଥିଲେ। ଯାହାପରେ ତାଙ୍କୁ ପୋଲିସ ଗିରଫ କରିଥିବା ଜଣାପଡିଛି। ଅଭିନେତା ବିରଞ୍ଚତ୍ ନାରାୟଣ ନାୟକଙ୍କ ଘର ପୁରୀରେ ହୋଇଥିବା ବେଳେ ସେ ଭୁବନେଶ୍ୱରର ନୟାପଲ୍ଲୀରେ ରୁହନ୍ତି।
