ଦିଲ୍ଲୀରୁ ‘ପଳାୟନ’ କରିବାରେ ହେମନ୍ତ ସୋରେନଙ୍କୁ ଅରବିନ୍ଦ କେଜ୍ରିୱାଲ ସାହାଯ୍ୟ କରିଥିଲେ: ବିଜେପିର ବଡ଼ ଦାବି
ନୂଆଦିଲ୍ଲୀ: ଗତ କିଛିଦିନ ଧରି ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନକୁ ନେଇ ବେଶ୍ ଚର୍ଚ୍ଚା ଜାରି ରହିଛି । ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)ର ଏକାଧିକ ସମନ ପରେ ବି ମୁଖ୍ୟମନ୍ତ୍ରୀ ସୋରେନ୍ ହାଜର ହୋଇନଥିଲେ । ଜମି ଘୋଟାଲା ମାମଲାରେ ପଚରାଉଚରା କରିବା ପାଇଁ ଗତ ମଙ୍ଗଳବାର ଦିନ ଇଡି ଅଧିକାରୀମାନେ ହେମନ୍ତଙ୍କ ଦିଲ୍ଲୀ ସ୍ଥିତ ବାସଭବନରେ ପହଞ୍ଚିଥିଲେ । ମାତ୍ର ପାଖାପାଖି ୩୦ ଘଣ୍ଟା ପର୍ଯ୍ୟନ୍ତ ସୋରେନଙ୍କ କୌଣସି ପତ୍ତା ମିଳିନଥିଲା । ପରବର୍ତ୍ତୀ ସମୟରେ ସୋରେନଙ୍କ ବୟାନ ସାମ୍ନାକୁ ଆସିଥିଲା ।
ତେବେ ଏହା ମଧ୍ୟରେ ସୋରେନଙ୍କୁ ନେଇ ବିଜେପି ନେତା ନିଶିକାନ୍ତ ଦୁବେ ଏକ ବଡ଼ ଅଭିଯୋଗ ଆଣିଛନ୍ତି । ଦିଲ୍ଲୀରୁ ରାଞ୍ଚି ‘ପଳାୟନ’ କରିବାରେ ଝାଡ଼ଖଣ୍ଡ ମୁଖ୍ୟମନ୍ତ୍ରୀଙ୍କୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସାହାଯ୍ୟ କରିଥିଲେ । ବାରାଣସୀ ପର୍ଯ୍ୟନ୍ତ ଏହି ସହାୟତା କରାଯାଇଥିଲା ଓ ତା’ପରେ ରାଞ୍ଚିର ମନ୍ତ୍ରୀ ମିଥଲେଶ ଠାକୁର ହେମନ୍ତଙ୍କୁ ରାଞ୍ଚି ଯିବାରେ ସହାୟତା କରିଥିଲେ । ଶ୍ରୀ ଦୁବେ ଏଭଳି ଏକ ବଡ଼ ଦାବି କରିବା ସହିତ ଦୁଇ ନେତାଙ୍କୁ ଚୋର ବୋଲି ଆଖ୍ୟା ଦେଇଛନ୍ତି ।
ହେମନ୍ତଙ୍କୁ ଇଡି ଦ୍ୱାରା ଗିରଫ କରାଯିବାର ଆଶଙ୍କା ଥିବାରୁ ସେଥିପାଇଁ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା ନେତୃତ୍ୱରେ କ୍ଷମତାସୀନ ମେଣ୍ଟର ବିଧାୟକ ଓ ମନ୍ତ୍ରୀଙ୍କୁ ନେଇ ଏକ ଗୁପ୍ତ ବୈଠକ ବସିଥିଲା । ଉକ୍ତ ବୈଠକରେ ସୋରେନଙ୍କ ପତ୍ନୀ କଳ୍ପନା ସୋରେନ ମଧ୍ୟ ଉପସ୍ଥିତ ଥିଲେ । ଯଦି ହେମନ୍ତଙ୍କୁ ଗିରଫ କରାଯାଏ ତେବେ ତାଙ୍କୁ କଳ୍ପନାଙ୍କୁ ମୁଖ୍ୟମନ୍ତ୍ରୀ କରାଯିବ । ତେବେ କଳ୍ପନାଙ୍କ ନାମକୁ ନେଇ ବିଧାୟକ ଦଳ ବୈଠକରେ ସହମତି ପ୍ରକାଶ ପାଇ ପାରିନଥିଲା । ଏହାକୁ ନେଇ ସୀତା ସୋରେନ ଓ ବସନ୍ତ ସୋରେନ ବିରୋଧ କରିଥିଲେ । ମୋଟ ୩୫ ଜଣ ବିଧାୟକ ବୈଠକରେ ପହଞ୍ଚିଥିଲେ ଓ ଏକ ସାଧା କାଗଜରେ ବିଧାୟକମାନେ ହସ୍ତାକ୍ଷର କରିଥିଲେ । ଆଜି ମୁଖ୍ୟମନ୍ତ୍ରୀ ସୋରେନ ରାଜ୍ୟପାଳଙ୍କୁ ସାକ୍ଷାତ କରିବାର କୌଣସି କାର୍ଯ୍ୟକ୍ରମ ନାହିଁ । ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସ’ରେ ଏକ ପୋଷ୍ଟ ଶେୟାର କରି ଏ ବାବଦରେ ଶ୍ରୀ ଦୁବେ ସୂଚନା ଦେଇଛନ୍ତି ।
जानकारी के अनुसार झारखंड के मुख्यमंत्री हेमंत सोरेन जी को दिल्ली से रॉंची भगाने में दिल्ली के मुख्यमंत्री अरविंद केजरीवाल ने सहयोग किया ,यह सहयोग वाराणसी तक था,वाराणसी से रॉंची मंत्री मिथलेश ठाकुर जी ले गए । चोर चोर मौसेरे भाई
— Dr Nishikant Dubey (@nishikant_dubey) January 30, 2024
झारखंड में कल्पना सोरेन जी के नाम पर सहमति विधायक दल की बैठक में नहीं बन पाई । सीता सोरेन जी व बसंत सोरेन जी विरोध में उतरे । कुल 35 विधायक ही बैठक में पहुँचे । सादे काग़ज़ पर विधायकों ने हस्ताक्षर किया । कल मुख्यमंत्री हेमंत जी का राज्यपाल से मिलने का कोई कार्यक्रम नहीं है ।…
— Dr Nishikant Dubey (@nishikant_dubey) January 30, 2024
