(Video): ରାହୁଲ ଗାନ୍ଧୀଙ୍କ ବିବାଦୀୟ ବୟାନ, ‘ପ୍ରଧାନମନ୍ତ୍ରୀ ମୋଦୀ OBC ନୁହନ୍ତି, ସେ….’
ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀଙ୍କ ଭାରତ ଯୋଡ଼ୋ ନ୍ୟାୟ ଯାତ୍ରା ବର୍ତ୍ତମାନ ଓଡ଼ିଶାରେ ଜାରି ରହିଛି । ଗୁରୁବାର ଝାରସୁଗୁଡ଼ାରେ ଭାରତ ଯୋଡ଼ୋ ନ୍ୟାୟ ଯାତ୍ରା ସମୟରେ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରି ଏକ ବିବାଦୀୟ ବୟାନ ଦେଇଥିଲେ । ଯାହାକୁ ନେଇ ବେଶ ଚର୍ଚ୍ଚା ହେଉଛି । ଏନେଇ ଏଏନ୍ଆଇ ସୋସିଆଲ ମିଡ଼ିଆ ପ୍ଲାଟଫର୍ମ ‘ଏକ୍ସ’ରେ ଏକ ପୋଷ୍ଟ ଶେୟାର କରିଛି ।
ଏଥିରେ ରହୁଲ ଗାନ୍ଧୀ କହିଛନ୍ତି, ‘ପ୍ରଧାନମନ୍ତ୍ରୀଙ୍କ ଜନ୍ମ OBC ବର୍ଗରେ ହୋଇନାହିଁ । ସେ ଗୁଜରାଟର ‘ତେଲି’ ଜାତିରେ ଜନ୍ମ ଗ୍ରହଣ କରିଛନ୍ତି । ୨୦୦୦ ମସିହାରେ ଏହି ସମୁଦାୟକୁ ବିଜେପି ପକ୍ଷରୁ ଓବିସିର ଟ୍ୟାଗ୍ ଦିଆଯାଇଥିଲା । ତାଙ୍କ ଜନ୍ମ General casteରେ ହୋଇଥିଲା । ରାହୁଲ ଆହୁରି ମଧ୍ୟ କହିଛନ୍ତି ଯେ ସେ କେବେବି ମୋଦୀଙ୍କ ଜାତିଗତ ଜନଗଣନା ପାଇଁ ଅନୁମତି ଦେବେ ନାହିଁ କାରଣ ସେ ଓବିସି ନୁହେଁ ସାଧାରଣ ଜାତିରେ ଜନ୍ମ ଗ୍ରହଣ କରିଥିଲେ । ମୋଦୀଙ୍କ ଜାତିକୁ ନେଇ ଲୋକଙ୍କୁ ବୋକା ବନାଯାଉଛି । ପ୍ରଧାନମନ୍ତ୍ରୀ କେବେ ବି ଗରିବ, ପଛୁଆ ବର୍ଗ ଓ କୃଷକଙ୍କ ହାତ ଧରି ନାହାନ୍ତି । ସେ ସବୁବେଳେ ଆଦାନୀଙ୍କ ହାତ ଧରିଛନ୍ତି ବୋଲି କଂଗ୍ରେସ ନେତା କହିଥିଲେ ।
#WATCH | Congress MP Rahul Gandhi says, "PM Modi was not born in the OBC category. He was born Teli caste in Gujarat. The community was given the tag of OBC in the year 2000 by the BJP. He was born in the General caste…He will not allow caste census to be conducted in his… pic.twitter.com/AOynLpEZkK
— ANI (@ANI) February 8, 2024
