‘୨୦ ମିନିଟ ପର୍ଯ୍ୟନ୍ତ ଝିଅକୁ ଦେଖି କିଛି ହେଉନି ଯଦି..’, ଜାକିର ନାଇକଙ୍କ ଏପରି କଥା ଶୁଣି ଉତ୍ତ୍ୟକ୍ତ ହେଲେ ୟୁଜର୍ସ

ନୂଆଦିଲ୍ଲୀ: ଭାରତୀୟ ପଳାତକ ଜାକିର ନାଇକ ଅନେକ ଦେଶ ଯାଇ ବିବାଦୀୟ ବିବୃତ୍ତି ଦେଉଛନ୍ତି। ଏହି ସମୟରେ ତାଙ୍କର ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ସେ ପୁଅ ଏବଂ ଝିଅଙ୍କୁ ନେଇ ଏପରି ବିବୃତ୍ତି ଦେଇଛନ୍ତି, ଯେଉଁଥିରେ ଲୋକେ ଉତ୍ତ୍ୟକ୍ତ ହୋଇଛନ୍ତି ଏବଂ ତାଙ୍କର ଚିନ୍ତାଧାରା ଉପରେ ପ୍ରଶ୍ନ ଉଠାଇଛନ୍ତି। ପାକିସ୍ତାନୀ ଚ୍ୟାନେଲକୁ ଇଣ୍ଟରଭ୍ୟୁ ଦେଇ କହିଛନ୍ତି ଯେ, ଯଦି ୨୦ ମିନିଟ ପର୍ଯ୍ୟନ୍ତ କୌଣସି ଝିଅଙ୍କୁ ଦେଖି ପୁଅଙ୍କ ମନରେ କିଛି ଆସୁନାହିଁ ତେବେ ସେ ଡାକ୍ତରଙ୍କ ପାଖକୁ ଯିବା ଆବଶ୍ୟକ।

ଜାକିର ନାଇକ ଏହି ଇଣ୍ଟରଭ୍ୟୁରେ କହିଛନ୍ତି ଯେ, ଯେଉଁଥିରେ ସେ କହିଛନ୍ତି ଯେ, ଟିଭିରେ ଯଦି ନ୍ୟୁଜ ରିଡର ଅଧ ଘଣ୍ଟାରେ ଏକ ନ୍ୟୁଜ ପଢୁଛି ଏବଂ ୨୦ ମିନିଟ ଟିଭିରେ ଦେଖାଦେଉଛି। ଯଦି କୌଣସି ବ୍ୟକ୍ତି ମେକଅପ ହୋଇଥିବା ଝିଅକୁ ୨୦ ମିନିଟ ପର୍ଯ୍ୟନ୍ତ ଦେଖୁଥାଏ ଏବଂ ପରେ ତାକୁ କିଛି ହେଉନାହିଁ ତେବେ ଡାକ୍ତରଙ୍କ ପାଖକୁ ଯିବା ଆବଶ୍ୟକ।

ସେ ଆହୁରି ନିଜ କଥାକୁ ଦୋହରାଇ କହିଛନ୍ତି ଯେ, ଯଦି ଆପନ କୌଣସି ଝିଅକୁ ୨୦ ମିନିଟ ଦେଖନ୍ତୁ ଏବଂ ଆପଣଙ୍କ ହୃଦୟରେ କିଛି ହେଉନି ତେବେ ଆପଣ ମେଡିକାଲ ଯିବା ଆବଶ୍ୟକ। ଜାକିର ନାଇକ ଏହି କଥା ଧର୍ମକୁ ଦର୍ଶାଇ ପୋଷାକ ବିଷୟରେ କହିଛନ୍ତି। ଏହି ଭିଡିଓ ଭାଇରାଲ ହେବାରେ ଲାଗିଛି ଏବଂ ଏହା ଉପରେ ସାଧାରଣ ଲୋକେ ଖୁବ କମେଣ୍ଟ କରିଛନ୍ତି।