‘ଆଜାଦ୍’ ଫିଲ୍ମର ଟିଜର ରିଲିଜ୍; ମାମୁ-ଭଣଜାଙ୍କ ଜମିବ ଯୋଡ଼ି, ଡେବ୍ୟୁ କରିବେ ୨ ଷ୍ଟାର କିଡ୍
ମୁମ୍ବାଇ: ବର୍ତ୍ତମାନ ବଲିଉଡରେ ଷ୍ଟାର କିଡ୍ସଙ୍କୁ ନେଇ ଚର୍ଚ୍ଚା । କିଏ ଡେବ୍ୟୁ କଲାଣି ତ ପୁଣି କିଏ ମଡେଲିଂ । ଏଥିମଧ୍ୟରେ ଅଧିକାଂଶ ଷ୍ଟାର କିଡ୍ସଙ୍କୁ ବ୍ରାଣ୍ଡ୍ ଆମ୍ବାସାଡର ଭାବେ ମଧ୍ୟ ଦେଖିବାକୁ ମିଳୁଛି । କେତେବେଳେ ଲଭ୍ ଲାଇଫ୍ ତ ପୁଣି କେତେବେଳେ କଣ୍ଟ୍ରୋଭର୍ସିକୁ ନେଇ ଲାଇମଲାଇଟରେ ରହିଥାନ୍ତି ଷ୍ଟାର କିଡ୍ସ । ଷ୍ଟାର କିଡ୍ସଙ୍କ ଗୋଟିଏ ଝଲକ ପାଇବା ପାଇଁ ପ୍ରଶଂସକ ଓ ପାପାରାଜି ଅପେକ୍ଷା କରିଥାନ୍ତି । ଏଥିମଧ୍ୟରୁ ଆରାଧ୍ୟା ବଚ୍ଚନ, ତୈମୁର ଅଲି ଖାନ୍, ରାହା କପୁର, ସୁହାନା ଖାନ୍ ଆଦିଙ୍କ ନାଁ ତାଲିକାରେ ସାମିଲ ରହିଛି । ଏଥିମଧ୍ୟରେ ଅମନ୍ ଦେବଗନଙ୍କୁ ନେଇ ବଲିଉଡରେ ଚର୍ଚ୍ଚା ଲାଗି ରହିଛି ।
ବିଶିଷ୍ଟ ନିଦେ୍ର୍ଦଶକ ଅଭିଷେକ କପୁରଙ୍କ ନିଦେ୍ର୍ଦଶିତ ଫିଲ୍ମ ‘ଆଜାଦ୍’ ମାଧ୍ୟମରେ ବଲିଉଡରେ ଅମନ୍ ଦେବଗନ ଡେବୁ୍ୟ କରିବେ । ବର୍ତ୍ତମାନ ସମସ୍ତଙ୍କ ମନରେ ଦ୍ୱନ୍ଦ୍ୱ କି ବଲିଉଡର ସିଙ୍ଘମ ଅଜୟ ଦେବଗନ ଏବଂ ଅମନ୍ ଦେବଗନଙ୍କ ମଧ୍ୟରେ କ’ଣ ସମ୍ପର୍କ ? ବାସ୍ତବରେ ଅମନ ଅଜୟ ଦେବଗନଙ୍କ ଭଣଜା ହେବେ । ନୀଲମ ଦେବଗନ ଏବଂ କବିତା ଦେବଗନ ହେଉଛନ୍ତି ଅଜୟ ଦେବଗନଙ୍କ ଦୁଇ ଭଉଣୀ । ଅମନ ହେଉଛନ୍ତି ନୀଲମ ଦେବଗନଙ୍କ ସୁପୁତ୍ର । ପ୍ରାୟ ଅଜୟ ସୋସିଆଲ ମିଡିଆରେ ବେଶ ଆକ୍ଟିଭ୍ ରହିଥାନ୍ତି । ସେ କାଜୋଲ ଏବଂ ଅଜୟ ଦେବଗନଙ୍କ ସହ ଅନେକ ଫଟୋ ଶେୟାର କରିଥିବାର ନଜିର ରହିଛି । ‘ଆଜାଦ୍’ ଫିଲ୍ମର ଟିଜର ରିଲିଜ ହୋଇସାରିଥିବା ବେଳେ ଏଥିରେ ରବୀନା ଟଣ୍ଡନଙ୍କ ଅଲିଅଳି ଝିଅ ରାଶା ଥଡାନୀ ମଧ୍ୟ ଡେବ୍ୟୁ କରିବେ । କହିରଖୁଛୁ ଆସନ୍ତା ଜାନୁଆରୀ ୨୦୨୫ରେ ଫିଲ୍ମ ପ୍ରେକ୍ଷାଳୟରେ ରିଲିଜ ହେବ । ନିକଟରେ ଅଜୟ ଦେବଗନ ‘ସିଙ୍ଘମ ଅଗେନ’ ରିଲିଜକୁ ନେଇ ଚର୍ଚ୍ଚାରେ ଅଛନ୍ତି । ତେବେ ରିଲିଜର ୪ ଦିନରେ ହିଁ ଆୟ ୧୪୦ କୋଟି ପାଖାପାଖି ପହଂଚିଥିଲା ।
View this post on Instagram
