(Video): ବ୍ରେକ୍ ମଝିରେ ବି ପଡ଼ିଆକୁ ଛାଡ଼ିଲେନି କ୍ରିକେଟ୍ ପ୍ରେମୀ, କିଏ ଫଟୋ ଉଠାଉଛି ତ ଆଉ କିଏ…
ନୂଆଦିଲ୍ଲୀ: ବର୍ତ୍ତମାନ ଇଂଲଣ୍ଡ ଏବଂ ନ୍ୟୁଜିଲାଣ୍ଡ ମଧ୍ୟରେ ୩ଟି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳାଯାଉଛି । ସିରିଜର ପ୍ରଥମ ଟେଷ୍ଟ କ୍ରାଇଷ୍ଟଚର୍ଚ୍ଚର ହେଗଲି ଓଭାଲ୍ ମଇଦାନରେ ଖେଳାଯାଇଥିଲା । ମ୍ୟାଚର ଗୋଟିଏ ଦିନ ଶେଷ ହୋଇଯାଇଥିବା ବେଳେ ଆୟୋଜନ ନ୍ୟୁଜିଲାଣ୍ଡ ଭଲ ସ୍ଥିତିରେ ଥିବା ଜଣାପଡ଼ିଛି । ଏଥିମଧ୍ୟରେ ଏକ ରୋଚକ ଭିଡିଓ ସାମ୍ନାକୁ ଆସିଛି ଯାହା ସମସ୍ତଙ୍କ ହୃଦୟକୁ ଛୁଇଁପାରିଛି ।
ବାସ୍ତବରେ ମ୍ୟାଚ ମଧ୍ୟରେ ଲଞ୍ଚ୍ ବ୍ରେକ ସମୟରେ ଦର୍ଶକଙ୍କୁ ପଡ଼ିଆକୁ ଯିବାକୁ ଅନୁମତି ଦିଆଯାଇଥିଲା । ଏପରି ଦୃଶ୍ୟ ପ୍ରାୟତଃ କେଉଁଠି ଦେଖିବାକୁ ମିଳିନଥାଏ କାରଣ ମ୍ୟାଚ୍ ଦେଖିବାକୁ ଆସିଥିବା ଦର୍ଶକଙ୍କୁ ଷ୍ଟାଣ୍ଡରୁ ପଡ଼ିଆକୁ ଯିବାକୁ ଅନୁମତି ଦିଆଯାଇନଥାଏ । କିନ୍ତୁ ନ୍ୟୁଜିଲାଣ୍ଡ କ୍ରାଇଷ୍ଟଚର୍ଚ୍ଚର ହେଗଲି ଓଭାଲ୍ କ୍ରିକେଟ ପଡ଼ିଆରେ ଲଞ୍ଚ୍ ବ୍ରେକ୍ ମଝିରେ କ୍ରିକେଟ୍ ପ୍ରେମୀଙ୍କୁ ଦେଖିବାକୁ ମିିଳିଥିଲା । ସେମାନେ ସେଠାରେ ଫଟୋ ଉଠାଇବା ସହ କ୍ରିକେଟ୍ ମଧ୍ୟ ଖେଳିଥିଲେ । ସତେ ଯେପରି ଏହା ଏକ ପିକନିକ୍ ମାହୋଲ ପାଲଟିଯାଇଥିଲା । ଇଂଲଣ୍ଡ କ୍ରିକେଟ୍ ‘ଏକ୍ସ’ ରେ ଏକ ଭିଡିଓ ପୋଷ୍ଟ କରି କ୍ୟାପସନରେ ଲେଖିଛି, ‘ହେଗଲି ଓଭାଲରୁ ଏକ ସୁନ୍ଦର ସ୍ପର୍ଶ ଯେଉଁଥିରେ ପ୍ରଶଂସକଙ୍କୁ ପିଡ଼ିଆକୁ ଆସିବାକୁ ସୁଯୋଗ ମିଳିଲା ।’
A lovely touch from the Hagley Oval allowing fans onto the pitch during the lunch break ❤️ pic.twitter.com/LEhlEEsSIK
— England Cricket (@englandcricket) November 28, 2024
