ଆମେରିକାର ଲସ୍‌ଆଞ୍ଜେଲେସରେ ପୁଣି ଭୟାବହ ଅଗ୍ନିକାଣ୍ଡ, ଜଙ୍ଗଲରେ ଲାଗିଲା ନିଆଁ

ନୂଆଦିଲ୍ଲୀ: ଆମେରିକାର ଲସ୍‌ଆଞ୍ଜେଲେସର ଉତ୍ତରର କାଷ୍ଟାଇକ ହ୍ରଦ ନିକଟରେ ଥିବା ଜଙ୍ଗଲରେ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡ ହଜାର ହଜାର ଲୋକଙ୍କୁ ଘର ଖାଲି କରିବା ପାଇଁ ବାଧ୍ୟ କରିଛି। କିଛି ଘଣ୍ଟା ମଧ୍ୟରେ ଏହି ନିଆଁ ୮,୦୦୦ ଏକରରୁ ଅଧିକ ଅଞ୍ଚଳକୁ ପୋଡି ଦେଇଛି।

କାଷ୍ଟାଇକ ହ୍ରଦ ପାଖରେ ଥିବା ଜଙ୍ଗଲରେ ଏହି ନିଆଁ ଲାଗିଛି। ଏହି କାରଣରୁ ୩୧ ହଜାର ଲୋକଙ୍କୁ ଘର ଖାଲି କରିବାକୁ ନିର୍ଦ୍ଦେଶ ଦିଆଯାଇଛି। କାଲିଫୋର୍ନିଆର ଦମକଳ ବାହିନୀ ଏବଂ ଆଞ୍ଜେଲେସ୍ ନେସନାଲ ଫରେଷ୍ଟର କର୍ମଚାରୀ ଏହି ଅଗ୍ନି ଉପରେ ନିୟନ୍ତ୍ରଣ ଆଣିବାର ଚେଷ୍ଟା କରୁଛି।

ହେଲିକପ୍ଟର ଏବଂ ବିମାନ ଘଟଣାସ୍ଥଳରେ ପାଣି ଏବଂ ରିଟାର୍ଡାଣ୍ଟ ପକାଉଛନ୍ତି।