ମାତ୍ର ୭୨ ମିନିଟରେ ଶେଷ ହେବେ ୫୦୦ କୋଟି ଲୋକ, ବର୍ତ୍ତିଯିବେ ଏହି ଦୁଇ ଦେଶ, ଜାଣନ୍ତୁ କ’ଣ କୁହନ୍ତି ବିଶେଷଜ୍ଞ…କ
ୱାଶିଂଟନ,୨୨ା୪: ଯଦି ତୃତୀୟ ବିଶ୍ୱଯୁଦ୍ଧ ପାଇଁ ପରିସ୍ଥିତି ସୃଷ୍ଟି ହୁଏ ବ। ପରମାଣୁ ଯୁଦ୍ଧ ହୁଏ, ତେବେ ମାତ୍ର ୭୨ ମିନିଟରେ ୫୦୦ କୋଟି ଲୋକ ପ୍ରାଣ ହରାଇବେ। ପରମାଣୁ ଯୁଦ୍ଧର ପ୍ରଭାବ କେବଳ ବିସ୍ଫୋରଣ ପର୍ଯ୍ୟନ୍ତ ସୀମିତ ରହିବ ନାହିଁ, ବରଂ ଏହା ଏପରି ବିନାଶକାରୀ ପରିସ୍ଥିତି ସୃଷ୍ଟି କରିବ ଯେ, ଲୋକମାନେ ନିଜର ଜୀବନ ହରାଇବେ। ସମଗ୍ର ବିଶ୍ୱ ବରଫର ଚାଦରରେ ଆଚ୍ଛାଦିତ ହୋଇଯିବ, ସୂର୍ଯ୍ୟକିରଣ ଘାତକ ହୋଇଯିବ ଏବଂ ଓଜୋନ ସ୍ତର ନଷ୍ଟ ହୋଇଯିବ।
ପରମାଣୁ ଯୁଦ୍ଧ ବିଶେଷଜ୍ଞ ଏବଂ ଅନୁସନ୍ଧାନକାରୀ ସାମ୍ବାଦିକ ଆନି ଜ୍ୟାକବସନ୍ କହିଛନ୍ତି, ପରମାଣୁ ଯୁଦ୍ଧ ପରେ ସମଗ୍ର ବିଶ୍ୱରେ ଏପରି ଏକ ବିନାଶକାରୀ ପରିସ୍ଥିତି ସୃଷ୍ଟି ହେବ ଯାହା କେହି କଳ୍ପନା ମଧ୍ୟ କରିପାରିବେ ନାହିଁ। ସମଗ୍ର ବିଶ୍ୱ ବରଫର ଚାଦରରେ ଆଚ୍ଛାଦିତ ହୋଇଯିବ, ଫସଲ ନଷ୍ଟ ହୋଇଯିବ ଏବଂ ତାପମାତ୍ରା ଏତେ ହ୍ରାସ ପାଇବ ଯେ, ମଣିଷ ଏହାକୁ ସହ୍ୟ କରିପାରିବ ନାହିଁ। ତଥାପି ଦୁଇଟି ଦେଶ ଏପରି ରହିବେ ଯେଉଁମାନେ ଏହି ଭୟଙ୍କର ପରିସ୍ଥିତି ଦ୍ୱାରା ପ୍ରଭାବିତ ହେବେ ନାହିଁ।
ଆନି ଜ୍ୟାକବସନ୍ ୨୦୧୬ରେ ପୁଲିଜର୍ ଫାଇନାଲିଷ୍ଟ ଥିଲେ। ସେ ଆମେରିକାର ପ୍ରତିରକ୍ଷା ବିଭାଗର ମୁଖ୍ୟାଳୟ, ପେଣ୍ଟାଗନର ଗବେଷଣା ସଂସ୍ଥା, DARPAରେ ତାଙ୍କର ଅନୁସନ୍ଧାନମୂଳକ କାର୍ଯ୍ୟ ପାଇଁ ଫାଇନାଲିଷ୍ଟ ଥିଲେ। ଆନି ଜାକବସନ୍ ‘ଡାଏରୀ ଅଫ୍ ଏ ସିଇଓ’ ପୋଡକାଷ୍ଟରେ କହିଛନ୍ତି ଯେ, ୧୯୫୯-୬୦ ବର୍ଷ ମଧ୍ୟରେ ପରମାଣୁ ଯୁଦ୍ଧ ବିଷୟରେ ପରମାଣୁ ପଦାର୍ଥବିଜ୍ଞାନୀ ଏବଂ ପୂର୍ବତନ ପେଣ୍ଟାଗନ ବୈଜ୍ଞାନିକମାନଙ୍କ ଦ୍ୱାରା କରାଯାଇଥିବା ବିଶ୍ଳେଷଣ ସେତେବେଳେ ଏବଂ ଆଜି ମଧ୍ୟ ସଠିକ୍ ଥିଲା।
ଆନି ଜ୍ୟାକବସନ୍ କହିଛନ୍ତି,ପରମାଣୁ ଯୁଦ୍ଧର ପ୍ରଭାବ କେବଳ ବିସ୍ଫୋରଣ ପର୍ଯ୍ୟନ୍ତ ସୀମିତ ରହିବ ନାହିଁ, ବରଂ ଏହା ପରେ ଏପରି ଏକ ବିନାଶକାରୀ ପରିସ୍ଥିତି ସୃଷ୍ଟି ହେବ ଯେଉଁଥିରେ ଲୋକଙ୍କ ପାଇଁ ବଞ୍ଚିବା ବହୁତ କଷ୍ଟକର ହୋଇଯିବ। ସେ ବାୟୁମଣ୍ଡଳୀୟ ବିଜ୍ଞାନ ବିଶେଷଜ୍ଞ ପ୍ରଫେସର ବ୍ରାଏନ୍ ଟୁନ୍ ଙ୍କ ଗବେଷଣାକୁ ମଧ୍ୟ ଉଦ୍ଧୃତ କରିଥିଲେ, ଯିଏ ସତର୍କ କରାଇ ଦେଇଥିଲେ ଯେ ବିଶ୍ୱ ଜଳବାୟୁର ଭୟଙ୍କର କ୍ଷତି ହେବ।
ପରମାଣୁ ଯୁଦ୍ଧ ପରେ ସମଗ୍ର ବିଶ୍ୱ ବରଫରେ ଆଚ୍ଛାଦିତ ହୋଇଯିବ, ବିଶେଷକରି ମଧ୍ୟ ଅକ୍ଷାଂଶରେ ଥିବା ଦେଶଗୁଡ଼ିକ। ଫସଲ ନଷ୍ଟ ହୋଇଯିବ ଏବଂ ଯଦି ଫସଲ ନ ହେବ, ତେବେ ମଣିଷ କିପରି ବଞ୍ଚିବ? ସେ କହିଲେ, ‘ସୂର୍ଯ୍ୟକିରଣ ଘାତକ ହୋଇଯିବ।’ ଓଜୋନ ସ୍ତର ଏତେ ନଷ୍ଟ ହୋଇଯିବ ଯେ ମଣିଷ ସୂର୍ଯ୍ୟକିରଣରେ ବାହାରକୁ ଯାଇ ପାରିବ ନାହିଁ। ବିକିରଣ ବିଷାକ୍ତ ହୋଇଯିବ। ଲୋକଙ୍କୁ ମାଟି ତଳେ ରହିବାକୁ ପଡିବ ଏବଂ ପ୍ରତ୍ୟେକ ଶସ୍ୟ ପାଇଁ ପରସ୍ପର ସହିତ ଲଢ଼ିବେ।
ପରମାଣୁ ଯୁଦ୍ଧ ଯୋଗୁ ସୃଷ୍ଟି ହୋଇଥିବା ଶୀତରୁ କେବଳ ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡ ରକ୍ଷା ପାଇଯିବେ। ଜ୍ୟାକବସନ୍ କହିଛନ୍ତି,ଏହି ଦେଶଗୁଡ଼ିକର ଭୌଗୋଳିକ ସ୍ଥିତି, ସ୍ଥିର ଜଳବାୟୁ ସେମାନଙ୍କୁ ରକ୍ଷା କରିବ ଏବଂ ସେମାନେ ଖାଦ୍ୟ ଉତ୍ପାଦନ ବ୍ୟବସ୍ଥାକୁ ସଂରକ୍ଷଣ କରିପାରିବେ।