ସେକ୍ସ ହରମୋନ୍ ଅଭାବରେ ପୁରୁଷଙ୍କ ଶରୀରରେ ଦେଖାଦେଇଥାଏ ଏହିସବୁ ଲକ୍ଷଣ, ଜମାରୁ ଅଣଦେଖା କରନ୍ତୁ ନାହିଁ
ପୁରୁଷମାନଙ୍କ ଶରୀରରେ ଟେଷ୍ଟୋଷ୍ଟେରନ୍ ନାମକ ଏକ ହରମୋନ୍ ଉତ୍ପନ୍ନ ହୋଇଥାଏ । ଏହି ହରମୋନ୍ ସେକ୍ସ ପାୱାର ବୃଦ୍ଧିରେ ସହାୟତା କରିଥାଏ । ଟେଷ୍ଟୋଷ୍ଟେରନ୍ ଅଭାବରେ ଶରୀରରେ ଅନେକ ପ୍ରକାର ପରିବର୍ତ୍ତନ ଦେଖିବାକୁ ମିଳିଥାଏ । ଆସନ୍ତୁ ଜାଣିବା ଏହି ହରମୋନ୍ ଅଭାବରେ ଦେଖାଦେଉଥିବା ଲକ୍ଷଣଗୁଡ଼ିକ ବିଷୟରେ ।
– ଶରୀରରେ ଟେଷ୍ଟୋଷ୍ଟେରନ୍ ହରମୋନ୍ କମ୍ ହେଲେ ଅତ୍ୟଧିକ ଥକ୍କା ଲାଗିଥାଏ । ଏଥିସହ ଶରୀରରେ ଆଦୌ ଶକ୍ତି ନଥିବା ପରି ଅନୁଭବ ହୋଇଥାଏ । ବୟସ ବଢ଼ିବା ସହିତ ଚାପ ମଧ୍ୟ ବୃଦ୍ଧି ପାଇଥାଏ । ଏଥିପାଇଁ ଅତିକମରେ ୮ ଘଣ୍ଟା ବିଶ୍ରାମ ନେବା ସହ ଡାକ୍ତରଙ୍କ ସହ ପରାମର୍ଶ କରିବା ଦରକାର ।
– ଏହି ହରମୋନର ଅଭାବ ହେଲେ ତାହା ଆପଣଙ୍କ ସେକ୍ସ ପାୱାରକୁ ହ୍ରାସ କରିଦେଇଥାଏ । ଏହାଦ୍ୱାରା ଇରେକ୍ଟାଇଲ ଡିସଫଙ୍କସନ୍ ହେବାର ସମ୍ଭାବନା ରହିଥାଏ । ଟେଷ୍ଟୋଷ୍ଟେରନର ଅଭାବ ହେଲେ ଏହାର ପ୍ରଭାବ ଆପଣଙ୍କର ସ୍ମୃତିଶକ୍ତି ଉପରେ ପଡ଼ିଥାଏ । ଏଥିରୁ ରକ୍ଷା ପାଇବା ପାଇଁ ଯୋଗ, ପ୍ରାଣାୟାମ, ବ୍ୟାୟାମ, ମସାଜ ଆଦି କରିବା ଉଚିତ ।
– ଟେଷ୍ଟୋଷ୍ଟେରନର ଅଭାବ ଆପଣଙ୍କୁ ମୁଡକୁ ପ୍ରଭାବିତ କରିଥାଏ । ଅଧିକାଂଶ ସମୟରେ କିଛି ଭଲ ନ ଲାଗିବା ସହ ନିରାଶା, ଉଦାସ ଲାଗିଥାଏ । ଏହା ଦ୍ୱାରା ଅନେକ ପୁରୁଷଙ୍କ ବ୍ୟକ୍ତିତ୍ୱରେ ପରିବର୍ତ୍ତନ ଘଟିଥାଏ ।
– ଏହି ହରମୋନର ସ୍ତର କମିଲେ ଶରୀରରେ ହାଡ଼ ଦୁର୍ବଳ ହୋଇପାରେ । ଫଳରେ ଅଷ୍ଟିଓପାରାସିସ୍ ରୋଗରେ ଆକ୍ରାନ୍ତ ହେବାର ସମ୍ଭାବନା ବଢ଼ିଥାଏ । ଟେଷ୍ଟୋଷ୍ଟେରନର ଅଭାବରେ ଆପଣ ରାତିରେ ଅଶାନ୍ତି କିମ୍ବା ଅନିଦ୍ରାର ଶିକାର ହୋଇପାରନ୍ତି ।
