ଓଡ଼ିଶାର ୮ଟି ଜିଲ୍ଲାରେ ସୁନାର ହଲମାର୍କିଂ ବାଧ୍ୟତାମୂଳକ, ଜାଣନ୍ତୁ କେଉଁ କେଉଁ ଜିଲ୍ଲା?
ଭୁବନେଶ୍ୱର(ଓଡ଼ିଶା ଭାସ୍କର): ଭାରତୀୟ ମାନକ ବ୍ୟୁରୋ ବା ବିଆଇଏସ ପକ୍ଷରୁ ଦେଶରେ ସୁନା ହଲମାର୍କିଂ ବାଧ୍ୟତାମୂଳକ କରିବାକୁ ନିୟମ ପ୍ରଣୟନ କରାଯାଇଛି । ପ୍ରଥମ ପର୍ଯ୍ୟାୟରେ ସମଗ୍ର ଭାରତବର୍ଷରେ ମୋଟ ୨୫୬ଟି ଜିଲ୍ଲାରେ ଏହି ନିୟମ ଲାଗୁ କରାଯିବାର ବ୍ୟବସ୍ଥା ହୋଇଛି । ଏହାରି ମଧ୍ୟରେ ଓଡ଼ିଶାର ୮ଟି ଜିଲ୍ଲାରେ ସୁନାର ହଲମାର୍କିଂ ବାଧ୍ୟତାମଳକ କରାଯାଇଛି ।
ସେହି ୮ ଜିଲ୍ଲା ଯଥା – ବାଲେଶ୍ୱର, ଭଦ୍ରକ, କଟକ, ଖୋର୍ଦ୍ଧା, ଗଞ୍ଜାମ, ଯାଜପୁର, ମୟୂରଭଞ୍ଜ ଓ ସମ୍ବଲପୁରରେ ସୁନା ହଲ୍ମାର୍କିଂ ବାଧ୍ୟତାମୂଳକ ହୋଇଛି । କେବଳ ୧୪, ୧୮ ଓ ୨୨ କ୍ୟାରେଟ ସୁନା ଗହଣା ବିକି ପାରିବେ ଦୋକାନୀ ।
ତେବେ ୨୦, ୨୩ ଓ ୨୪ କ୍ୟାରେଟ ସୁନାର ହଲ୍ମାର୍କିଂ କରାଯାଇପାରିବ । ଗହଣା କିଣିବା ଆଗରୁ ହଲ୍ମାର୍କ ଯାଞ୍ଚ କରିବାକୁ ଗ୍ରାହକଙ୍କୁ ପରାମର୍ଶ ଦେଇଛନ୍ତି ଖାଉଟି କଲ୍ୟାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ।
Jewellers will be allowed to sell only 14, 18 and 22 carats of gold jewellery. Gold of additional 20, 23 and 24 carats will also be allowed for hallmarking. Consumers should check Hallmarking before purchasing Jewellery.(2/2)
— Ranendra Pratap Swain (@rajaaswain) June 29, 2021
