ଟ୍ୟାଙ୍କର ସହ ଧକ୍କା ହେଲା ତୀର୍ଥଯାତ୍ରୀ ବସ୍, ୩ ଜଣଙ୍କର ଚାଲିଗଲା ପ୍ରାଣ, ୫ ଆହତ
ନୂଆଦିଲ୍ଲୀ: ଉତ୍ତର ପ୍ରଦେଶର ଫିରୋଜାବାଦ ଜିଲ୍ଲାରେ ବଡ଼ ଦୁର୍ଘଟଣା ଘଟିଛି। ଜିଲ୍ଲାର ନସୀରପୁର ଥାନା ଅଞ୍ଚଳରେ .. ଏବଂ ଆଗରା ରାଜପଥରେ ଅଯୋଧ୍ୟାରୁ ବୃନ୍ଦାବନ ଯାଉଥିବା ଏକ ଯାତ୍ରୀବାହୀ ବସ ଶୁକ୍ରବାର ଦିନ ରାସ୍ତାରେ ଛିଡା ହୋଇଥିବା ଟ୍ୟାଙ୍କର ବସକୁ ଧକ୍କା ଦେଇଥିଲା। ଏଥିରେ ଯାତ୍ରା କରୁଥିବା ଯାତ୍ରୀଙ୍କ ମଧ୍ୟରୁ ୩ଜଣଙ୍କ ମୃତ୍ୟୁ ଘଟିଛି। ପୋଲିସ ଏହି ସୂଚନା ଦେଇ କହିଛି ଯେ, ହସ୍ପିଟାଲରେ ଚିକିତ୍ସା ସମୟରେ ମୃତ୍ୟୁ ଘଟିଛି। ହସ୍ପିଟାଲରେ ଅନ୍ୟ ପାଞ୍ଚ ଜଣ ଆହତ ଯାତ୍ରୀମାନଙ୍କର ଚିକିତ୍ସା ଚାଲିଛି।
ଦୁର୍ଘଟଣା ବିଷୟରେ ସୂଚନା ଦେଇ ପୋଲିସ ଅଧିକାରୀ ଅଖିଳେଶ ଭଦୌରିୟା କହିଛନ୍ତି ଯେ, ଗୁଜରାଟରୁ ଉତ୍ତର ପ୍ରଦେଶ ତୀର୍ଥ ଯାତ୍ରାରେ ବାହାରିଥିବା ଶ୍ରଦ୍ଧାଳୁଙ୍କ ଏକ ବସ୍ ଶୁକ୍ରବାର ସକାଳେ ଦୁର୍ଘଟଣାର ଶିକାର ହୋଇଛି। ଏହି ବସଟି ରାସ୍ତାରେ ଥିବା ଏକ ଟ୍ୟାଙ୍କରକୁ ଧକ୍କା ଦେଇଥିଲା। ସେ କହିଛନ୍ତି ଯେ, ଗୁଜରାଟର ପାଖାପାଖି ୪୦ ଜଣ ଶ୍ରଦ୍ଧାଳୁ ଅଯୋଧ୍ୟାରୁ ବୁନ୍ଦାବନ ଯାଉଥିଲା।
