୨୬ତମ ବାର୍ଥ ଡେ ସେଲିବ୍ରେଟ୍ କରୁଛନ୍ତି ଅନନ୍ୟା, ଇନଷ୍ଟାଗ୍ରାମ ପୋଷ୍ଟ ଖୋଲିଲା ରିଲେସନସିପ୍ ସିକ୍ରେଟ୍ !
ମୁମ୍ବାଇ: ବଲିଉଡର ଚୁଲବୁଲି ଅଭିନେତ୍ରୀ ଅନନ୍ୟା ପାଣ୍ଡେ । ପୁନୀତ ମହ୍ଲୋତ୍ରାଙ୍କ ନିର୍ଦ୍ଦେଶିତ ସ୍ପୋର୍ଟ୍ସ କମେଡି ଫିଲ୍ମ ‘ଷ୍ଟୁଡେଣ୍ଟ ଅଫ୍ ଦି ଇୟର ୨’ ମାଧ୍ୟମରୁ ବଲିଉଡରେ ପାଦ ଥାପିଥିଲେ । ଏହା ପରେ ପତି, ପତ୍ନି ଔର ୱୋ, ଗେହରାଇୟାଁ, ଲାଇଗର, ରକି ଔର ରାନୀ କି ପ୍ରେମ୍ କାହାନୀ ଭଳି ଅନେକ ଫିଲ୍ମ ଦର୍ଶକଙ୍କ ଭେଟି ଦେଇଛନ୍ତି । ସେ ତାଙ୍କ ନିକ୍ଷୁଣ ଅଭିନୟର ଯାଦୁ ଦ୍ୱାରା ଦର୍ଶକଙ୍କ ମନ ଜିଣିପାରିଛନ୍ତି । ଆଜି ସେ ତାଙ୍କ ୨୬ତମ ଜନ୍ମଦିନ ପାଳନ କରୁଛନ୍ତି । ପରିବାର ସଦସ୍ୟଙ୍କ ଠାରୁ ଆରମ୍ଭ କରି ସାଙ୍ଗସାଥି ଏବଂ ଫ୍ୟାନ୍ସମାନେ ଅନନ୍ୟାଙ୍କୁ ସୋସିଆଲ ମିଡିଆରେ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
ଅନନ୍ୟା ତାଙ୍କ ବ୍ୟକ୍ତିଗତ ଜୀବନକୁ ଲାଇମଲାଇଟରୁ ଦୂରେଇ ରଖିଥାନ୍ତି । କିନ୍ତୁ ପାପାରାଜି ଏବଂ ଫ୍ୟାନ୍ସଙ୍କ ଠାରୁ କିଛି ଜିନିଷ ଅଛପା ରହିନଥାଏ । ସେମାନେ ଛୋଟ କଥାକୁ ବି ବଡ଼ ଆକାରରେ ପ୍ରସ୍ତୁତ କରିଥାନ୍ତି । ଏଭଳି ସ୍ଥିତିରେ ଅନନ୍ୟାଙ୍କ ଗୁଜବ ବୟଫ୍ରେଣ୍ଡଙ୍କୁ ନେଇ ଚର୍ଚ୍ଚା ହେଉଛି । ୱାକର ବ୍ଲାଙ୍କୋ ନାମକ ଜଣେ ବ୍ୟକ୍ତି ତାଙ୍କ ଇନଷ୍ଟାଗ୍ରାମରେ ଅନନ୍ୟାଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ଅନନ୍ୟାଙ୍କ ଏକ ସ୍ମାଇଲିଂ ଫଟୋ ସହ କ୍ୟାପସନରେ ଲେଖିଛନ୍ତି, ‘ହ୍ୟାପି ବାର୍ଥଡେ ବିୟୁଟିଫୁଲ । ତୁମେ ବହୁତ ଖାସ୍ । ଆଇ ଲଭ୍ ୟୁ ଆନି ।’ ବର୍ତ୍ତମାନ ତାଙ୍କର ଏହି ସ୍ପେଶାଲ ପୋଷ୍ଟ ଅନେକ ପ୍ରଶ୍ନବାଚି ସୃଷ୍ଟି କରିଛି । ଏହା ବ୍ୟତୀତ ତାଙ୍କ ମାଆ ଭାବନା ପାଣ୍ଡେ ଜନ୍ମଦିନ ଉପଲକ୍ଷେ ଇନଷ୍ଟାଗ୍ରାମରେ ଅନନ୍ୟାଙ୍କ ଏକ ଥ୍ରୋ ବ୍ୟାକ୍ ଫଟୋ ଶେୟାର କରି କ୍ୟାପସନରେ ଲେଖିଛନ୍ତି, ‘ବାର୍ଥ ଡେ ଇଭ୍, ଅନନ୍ୟା ପାଣ୍ଡେ । ଅନେକ ଅନେକ ଭଲପାଇବା ।’ କହିରଖୁଛୁ ଅନନ୍ୟା ପୂର୍ବରୁ ଆଦିତ୍ୟ ରୟ କପୁରଙ୍କୁ ଡେଟ୍ କରୁଥିବା ଗୁଜବ ହୋଇଥିଲା । ୱାକର ବ୍ଲେଙ୍କୋ ଜଣେ ହଲିଉଡ ମଡେଲ ଏବଂ ଆମେରିକାର ବାସିନ୍ଦା । ମଡେଲିଂ ଯୋଗୁଁ ୱାକର ଗ୍ଲାମର ଦୁନିଆ ସହିତ ଜଡିତ । ୱାକର ଏବଂ ଅନନ୍ୟାଙ୍କ ମଧ୍ୟରେ ବନ୍ଧୁତା ମଧ୍ୟ ବହୁତ ପୁରୁଣା ବୋଲି କୁହାଯାଏ । ନିକଟରେ ଅନନ୍ତ ଅମ୍ବାନୀଙ୍କ ନିରବନ୍ଧରେ ୱାକର ଏବଂ ଅନନ୍ୟା ଏକାଠି ନଜର ଆସିଥିଲେ । ସେବେଠାରୁ ସେମାନଙ୍କ ସମ୍ପର୍କକୁ ନେଇ ଚର୍ଚ୍ଚା ହେଉଛି । ବର୍ତ୍ତମାନ ୱାକରଙ୍କ ଏହି ପୋଷ୍ଟ ସମସ୍ତ ଗୁଜବକୁ ଆହୁରି ନିଶ୍ଚିତ କରିଛି ।
