ଭୁବନେଶ୍ୱର ପାଇଁ BJDରୁ ଟିକେଟ ପାଇବା ପରେ କ’ଣ କହିଲେ ସୁଲୋଚନା? ଜାଣନ୍ତୁ

ଭୁବନେଶ୍ୱର(ଓଡ଼ିଶା ଭାସ୍କର): ରାଜ୍ୟରେ ପୌର ନିର୍ବାଚନ ପାଇଁ ରାଜନୀତି ଜୋର ଧରିଥିବା ଆଜି ୩ ଟି ମହାନଗର ପାଇଁ ମେୟର ପ୍ରାର୍ଥୀ ଘୋଷଣା କରିଛି ବିଜେଡି । ୩ଟି ମହାନଗର ଯଥା, କଟକ, ଭୁବନେଶ୍ୱର ଓ ବ୍ରହ୍ମପୁର ପାଇଁ ମେୟର ପ୍ରାର୍ଥୀ ଘୋଷଣା କରିଛି ଦଳ । ଭୁବନେଶ୍ୱର ପାଇଁ ସୁଲୋଚନା ଦାସଙ୍କୁ ଟିକେଟ ଦେଇଛି ବିଜେଡି । ମେୟର ପ୍ରାର୍ଥୀ ଭାବେ ନାଁ ଘୋଷଣା ପରେ ନିଜର ପ୍ରତିକ୍ରିୟା ରଖିଛନ୍ତି ଭୁବନେଶ୍ୱର ପ୍ରାର୍ଥୀ ସୁଲୋଚନା ।

ସେ କହିଛନ୍ତି ଯେ, ‘ ଏଥିପାଇଁ ସମସ୍ତ ଶ୍ରେୟ ପ୍ରଭୁ ଜଗନ୍ନାଥ ଓ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଦେବି । ମୋ ଉପରେ ଦଳ ଆସ୍ଥା ପ୍ରକଟ କରିଥିବାରୁ ମୁଁ କୃତଜ୍ଞ । ଭୁବନେଶ୍ୱରକୁ ନମ୍ବର ୧ ସହରରେ ପରିଣତ କରିବା ମୋର ଲକ୍ଷ୍ୟ ରହିଛି ।’

ତେବେ ଭୁବନେଶ୍ୱର ପାଇଁ ସୁଲୋଚନା ଦାସ ମେୟର ପ୍ରାର୍ଥୀ ହୋଇଥିବା ବେଳେ କଟକ ପାଇଁ ସାଂସଦ ସୁବାସ ସିଂହ ଓ ବ୍ରହ୍ମପୁର ପାଇଁ ସଂଘମିତ୍ରା ଦଳେଇଙ୍କୁ ମେୟର ପ୍ରାର୍ଥୀ କରିଛି ବିଜେଡି ।