୫୮୦ ବର୍ଷ ପରେ ସବୁଠାରୁ ବଡ଼ ଚନ୍ଦ୍ରଗ୍ରହଣ ଆଜି, ଜାଣନ୍ତୁ କେଉଁ ରାଶିର ଲୋକଙ୍କ ହେବ ଲାଭ ଓ କ୍ଷତି…

ନୂଆଦିଲ୍ଲୀ: ନଭେମ୍ବର ୧୯ ଶୁକ୍ରବାର ଦିନ ଚନ୍ଦ୍ରଗ୍ରହଣ ହେଉଛି ଉପଛାୟା ଚନ୍ଦ୍ରଗ୍ରହଣ । ଏହା ହେଉଛି ବର୍ଷର ଶେଷ ଏବଂ ଦୀର୍ଘତମ ଆଂଶିକ ଚନ୍ଦ୍ରଗ୍ରହଣ । ଏହି ଚନ୍ଦ୍ରଗ୍ରହଣ ଦ୍ୱିପହର୧୨:୪୮ ରେ ଆରମ୍ଭ ହୋଇ ସନ୍ଧ୍ୟା ୪:୧୭ ରେ ଶେଷ ହେବ । ଚନ୍ଦ୍ରଗ୍ରହଣର ସମୁଦାୟ ଅବଧି ୩ ଘଣ୍ଟା ୨୮ ମିନିଟ୍ ୨୪ ସେକେଣ୍ଡ ହେବ, ଯାହା ଗତ ୫୦୦ ବର୍ଷ ମଧ୍ୟରେ ଦୀର୍ଘତମ ଆଂଶିକ ଚନ୍ଦ୍ରଗ୍ରହଣ ହେବ । ଭାରତରେ ଏହି ଉପ-ଛାୟା ଚନ୍ଦ୍ରଗ୍ରହଣ ହେତୁ ଏହାର ସୂତକ କାଳ ବୈଧ ହେବ ନାହିଁ ଓ ଏହା ସହ ଜଡିତ କୌଣସି ଧାର୍ମିକ ବିଶ୍ୱାସ ପ୍ରଯୁଜ୍ୟ ହେବ ନାହିଁ, କିନ୍ତୁ ଜ୍ୟୋତିଷ ଶାସ୍ତ୍ର ଅନୁଯାୟୀ ଯେତେବେଳେ ଗ୍ରହଣ ଦ୍ୱାରା ଚନ୍ଦ୍ରମା ହେବ ତା’ହେଲେ ଏହାର ପ୍ରଭାବ ସମସ୍ତ ୧୨ଟି ରାଶି ଉପରେ ପଡ଼ିବ । ତେଣୁ ଜାତକକୁ ରାଶିଅନୁସାରେ ଧ୍ୟାନ ଦେବାକୁ ହେବ ।

ରାଶି ଓ ତାଙ୍କ ଉପରେ ପ୍ରଭାବ:

୧. ମେଷ: ଧନ ହାନିରୁ ବଞ୍ଚିବାକୁ ହେବ । ୧୫ଦିନ ପର୍ଯ୍ୟନ୍ତ ଗ୍ରହଣର ପ୍ରଭାବ ରହିଥାଏ ତେଣୁ ଏହି ଅବଧିରେ ଧ୍ୟାନ ରଖିବା ଜରୁରୀ ।

୨. ବୃଷ: ସମ୍ପର୍କ ଦୃଷ୍ଟିରୁ ପରିବାରରେ ସମସ୍ୟା ହୋଇପାରେ । ଏହି ସମୟ ମଧ୍ୟରେ ଅସ୍ତ୍ରୋପଚାର ଆସିପାରେ, ତେଣୁ ସ୍ୱାସ୍ଥ୍ୟ ପ୍ରତି ବିଶେଷ ଯତ୍ନବାନ ହୁଅନ୍ତୁ ।

୩. ମିଥୁନ: ଆପଣ ସମ୍ମାନ ଏବଂ ପଦ ହରାଇ ପାରନ୍ତି । ବ୍ୟବସାୟରେ ଏକ ବଡ଼ କ୍ଷତି ହୋଇପାରେ । ଯେକୌଣସି ପ୍ରକାରର ଅବହେଳାକୁ ୧୫ ଦିନ ପାଇଁ ଏଡାଇବାକୁ ପଡିବ ।

୪. କର୍କଟ: ଚନ୍ଦ୍ରଗ୍ରହଣର ଫଳାଫଳ ଶୁଭ ଅଟେ । ଆପଣଙ୍କ କୌଣସି ବଡ଼ ଧରଣର ଅଟକିଯାଇଥିବା କାମ ହୋଇଯିବ । କରଜ ଓ କ୍ୟାରିୟର୍ ସମ୍ବନ୍ଧୀୟ ସମସ୍ୟା ଦୂର ହୋଇଯିବ ।

୫. ସିଂହ: ଚନ୍ଦ୍ରଗ୍ରହଣ ହେତୁ ଆପଣଙ୍କର ବିରୋଧୀ ଏବଂ ଶତ୍ରୁମାନେ ପରାସ୍ତ ହେବେ । ଅର୍ଥ ଏବଂ ସମ୍ପତ୍ତି ପ୍ରସଙ୍ଗରେ ଲାଭର ସୂଚକ ଅଛି । ତାହା ହେଉଛି, ଏହି ଚନ୍ଦ୍ରଗ୍ରହଣ ଆପଣଙ୍କ ପାଇଁ ଶୁଭ ହେବ ।

୬. କନ୍ୟା: ଦୂର ସ୍ଥାନକୁ ଭ୍ରମଣ କରିପାରନ୍ତି । ଚନ୍ଦ୍ରଗ୍ରହଣ ହେତୁ ଭ୍ରମଣ ଅସୁବିଧାଜନକ ହୋଇପାରେ, ତେଣୁ ପରବର୍ତ୍ତୀ ୧୫ ଦିନ ଯାତ୍ରା କରିବା ସମୟରେ ସତର୍କ ରୁହନ୍ତୁ । ଯଦି ସ୍ୱାସ୍ଥ୍ୟରେ କୌଣସି ଅସୁବିଧା ଥାଏ, ତେବେ ଏହାକୁ ଏଡାଇବା ଉଚିତ୍ ନୁହେଁ ।

୭. ତୁଳା: ସ୍ୱାସ୍ଥ୍ୟ ସମସ୍ୟା ଉପରେ ବିଶେଷ ଧ୍ୟାନ ଦେବା ଜରୁରୀ । ଦୁର୍ଘଟଣା ହୋଇପାରେ । ପାଠ ପଢ଼ାରେ ଅବହେଳା କରନ୍ତୁ ନାହିଁ ।

୮. ବିଛା: ପାରିବାରିକ ଜୀବନରେ ସମସ୍ୟା ହୋଇପାରେ । ଆଖିରେ ସମସ୍ୟା ହୋଇପାରେ । ସାବଧାନ ରୁହନ୍ତୁ ଯେ ଧନ ଏବଂ ସମ୍ପତ୍ତିରେ ଯେପରି କୌଣସି କ୍ଷତି ହେବ ନାହିଁ । କୌଣସି ସ୍ଥାନରେ ବିନିଯୋଗ କରିବା ସମୟରେ ଭାବିଚିନ୍ତି ନିବେଶ କରନ୍ତୁ ।

୯. ଧନୁ ରାଶି : ଚନ୍ଦ୍ରଗ୍ରହଣ ହେତୁ ଆପଣଙ୍କୁ ଲାଭ ହୋଇପାରେ । ଆପଣ କ୍ୟାରିୟରରେ ସଫଳତା ପାଇପାରନ୍ତି ।

୧୦. ମକର: ଆପଣଙ୍କୁ ଆଖି ଏବଂ ପେଟ ସମସ୍ୟା ପ୍ରତି ଜାଗ୍ରତ ହେବାକୁ ହେବ । ଆକସ୍ମିକ ଖର୍ଚ୍ଚ ବଢ଼ିପାରେ ।

୧୧. କୁମ୍ଭ: ସ୍ୱାସ୍ଥ୍ୟଗତ ସମସ୍ୟା ଦେଖାଦେଇପାରେ । ଆଗାମୀ ୧୫ ଦିନ ପାଇଁ ଯତ୍ନବାନ ହେବାକୁ ପଡିବ । ସ୍ଥାନ ପରିବର୍ତ୍ତନ କରିପାରନ୍ତି ।

୧୨. ମୀନ: ଏହି ରାଶିର ଲୋକମାନଙ୍କ ପାଇଁ ଚନ୍ଦ୍ରଗ୍ରହଣ ଶୁଭ ଅଟେ । କ୍ୟାରିୟର ଏବଂ ଜୀବନର ସମସ୍ତ ସମସ୍ୟାର ସମାଧାନ ହେବ । ଅନେକ ବିଚାରାଧୀନ କାର୍ୟ୍ୟଗୁଡ଼ିକର ସମାଧାନ ହେବ ।