କଟକରୁ ୧କୋଟିର ବ୍ରାଉନ ସୁଗର ଜବତ

କଟକ (ଓଡ଼ିଶା ଭାସ୍କର):ଗତକାଲି ଅପରାହ୍ନ ରେ ସ୍ପେଶାଲ ସ୍କୱାର୍ଡ ଓ ଲାଲବାଗ ଥାନା ମିଳିତ ଚଢ଼ାଉ କରି ୧ କିଲୋ ୧୪୯ ଗ୍ରାମ (ଆନୁମାନିକ ମୂଲ୍ୟ-୧କୋଟି ରୁ ଉର୍ଦ୍ଧ୍ବ ) ମୂଲ୍ୟର ବ୍ରାଉନ ସୁଗର ଜବତ କରିବା ସହ ୬ଜଣଙ୍କୁ ଗିରଫ କରିଛନ୍ତି। ଏହି ୬ ଜଣଙ୍କ ମଧରୁ ୪ଜଣ ଜଗତସିଂହପୁର ର ହୋଇଥିବା ବେଳେ ଜଣେ ପୁରୀ ଓ ଅନ୍ୟ ଜଣକ କଟକ ର ବାସିନ୍ଦା ବୋଲି ଆଜି ଆୟୋଜିତ ଏକ ଖବରଦାତା ସମ୍ମିଳନୀରେ ଦୈତ୍ୟ ନଗରୀ ଆରକ୍ଷୀ ଆୟୁକ୍ତ ସୌମେନ୍ଦ୍ର ପ୍ରିୟଦର୍ଶୀ ସୂଚନା ଦେଇଛନ୍ତି।

ଏହି ବ୍ରାଉନ ସୁଗର ଜଳେଶ୍ବର ରୁ ଆସି ଜଗତସିଂହପୁର, କେନ୍ଦ୍ରାପଡା ଓ ପୁରୀ ଆଦି ଜିଲ୍ଲାକୁ ଚାଲାଣ ହେବାର ଯୋଜନା ହୋଇଥିଲା ବୋଲି ଜଣାପଡିଛି। ଏହାକୁ ମିଶାଇ ଗତ ପାଞ୍ଚ ମାସରେ ୪କିଲୋ ୨୫୦ ଗ୍ରାମ ବ୍ରାଉନ ସୁଗର ଜବତ ହେଲାଣି।