କ୍ରୀଡାବିତଙ୍କୁ ମୁଖ୍ୟମନ୍ତ୍ରୀଙ୍କ ଶୁଭେଚ୍ଛା
ଭୁବନେଶ୍ୱର,୨୨ ।୨(ଓଡିଶା ଭାସ୍କର): ଆଜିଠାରୁ ସର୍ବପ୍ରଥମ ‘ଖେଲୋ ଇଣ୍ଡିଆ’ ବିଶ୍ୱବିଦ୍ୟାଳୟ କ୍ରୀଡା ଆରମ୍ଭ ହେଉଛି । ଉଦଘାଟନ ପୂର୍ବରୁ କ୍ରୀଡାବିତଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନବୀନ କହିଛନ୍ତି ଯେ, ବିଶ୍ୱ କ୍ରୀଡାର ପାୱାର ହାଉସ୍ ହେବା ଭାରତର ଲକ୍ଷ୍ୟ ରହିଛି । ଏହି ମିସନ ପୂରଣରେ ‘ଖେଲୋ ଇଣ୍ଡିଆ’ ସହାୟକ ହେବ । ଏଥିରେ ୧୭ଟି ବର୍ଗରେ ଦେଶର ୪୦୦୦ କ୍ରୀଡାବିତ ଭାଗନେବେ ।’
ତେବେ କଟକ ଇଣ୍ଡୋର ଷ୍ଟାଡିୟମରେ ଆଜି ସନ୍ଧ୍ୟାରେ ଭିଡିଓ କନଫରେନ୍ସି ଜରିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉଦଘାଟନ କରିବେ । ଏହି ଉଦଘାଟନୀ ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଉପସ୍ଥିତ ରହିବେ ।
