ମଥୁରା ଶାହି ଇଦଗାହ ସର୍ଭେକୁ ନେଇ ନିର୍ଦ୍ଦେଶ ଜାରି କଲା କୋର୍ଟ, ୨୦ ଜାନୁଆରୀରେ ମାଗିଛି ରିପୋର୍ଟ
ମଥୁରା: ଶ୍ରୀକୃଷ୍ଣଙ୍କ ଜନ୍ମସ୍ଥାନ ଶାହି ଇଦଗାହ ବିବାଦ ମାମଲାରେ ବିବାଦୀୟ ସ୍ଥାନର ସର୍ଭେ ପାଇଁ ମଥୁରା କୋର୍ଟ ନିର୍ଦ୍ଦେଶ ଦେଇଛନ୍ତି । ୨୦ ଜାନୁଆରୀ ମଧ୍ୟରେ ଅମିନ ମାନଙ୍କୁ ଶାହି ଇଦଗାହ ବିବାଦୀୟ ସ୍ଥଳର ସର୍ବେକ୍ଷଣ ରିପୋର୍ଟ ଉପସ୍ଥାପିତ କରିବାକୁ ପଡ଼ିବ । କୋର୍ଟ ସବୁ ପ୍ରତିବନ୍ଧକୁ ମଧ୍ୟ ନୋଟିସ ତାଲିମ କରିବାକୁ ଆଦେଶ ଦେଇଛନ୍ତି । ସିଭିଲ ଜର୍ଜ ସିନିଅର ଡିଭିଜନର ତୃତୀୟ ସୋନିକା ବର୍ମା କୋର୍ଟ ଶାହି ଇଦଗାହ ବିବାଦୀୟ ସ୍ଥଳକୁ ସର୍ଭେ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ବାଦୀର ଓକିଲ ଶେଲସ୍ ଦୁବେ କହିଛନ୍ତି ଯେ, ହିନ୍ଦୁ ସେନା ତରଫରୁ ଦାଖଲ ହୋଇଥିବା ଦାବିରେ ଏକ ନିର୍ଦ୍ଦେଶ ଦିଆଯାଇଛି ।
କୋର୍ଟ ଦାବି କରିଛି ଯେ, ଶ୍ରୀକୃଷ୍ଣ ଜନ୍ମସ୍ଥାନର ୧୩.୩୭ ଏକର ଭୂମିକୁ ମୁକ୍ତି କରିବା ଏବଂ ଶାହି ଇଦଗାହର ବିବାଦୀୟ ସ୍ଥଳରୁ ହଟାଇବା ପାଇଁ ଦାବି କରାଯାଇଛି । ହିନ୍ଦୁ ସେନାର ଦାବିକୁ ଶୁଣିବାବେଳେ କୋର୍ଟ ଅଫ ସିଭିଲ୍ ଜର୍ଜ ସିନିୟର ଡିଭିଜନ ଶାହି ଇଦଗାହ ମସଜିଦର ଅମିନ ସର୍ଭେ କରିବାର ଆଦେଶ ଦିଆଯାଇଛି । ତେବେ ୨୦ ଜାନୁଆରୀ ଭିତରେ ଅମିନଙ୍କୁ ଏହାର ରିପୋର୍ଟ ଦାଖଲ କରିବାକୁ ପଡିବ । ଏହା ଉପରେ ଗୁରୁବାର ଦିନ ପ୍ରତିବାଦ ନୋଟିସ ଜାରି କରିବାକୁ ଥିଲା, ହେଲେ ସେଦିନ ଏହାର ଶୂଣାଣି ହୋଇପାରି ନଥିଲା । ଏହି ମାମଲାର ଅନ୍ୟ ଏକ ଶୁଣାଣି ୨୦ ଜାନୁଆରୀରେ ହେବାକୁ ଯାଉଛି ।
ଏହାକୁ ନେଇ ଡିସେମ୍ବର ୮ ତାରିଖରେ ଦିଲ୍ଲୀରେ ରହୁଥିବା ହିନ୍ଦୁ ସେନାର ରାଷ୍ଟ୍ରୀୟ ଅଧ୍ୟକ୍ଷ ବିଷ୍ଣୁ ଗୁପ୍ତା ଏବଂ ଉପାଧ୍ୟକ୍ଷ ସୁରଜିତ ସିଂହ ଯାଦବ, ସିଭିଲ ଜର୍ଜ ସିନିୟର ଡ଼ିଭିଜନର ଜଷ୍ଟିସ ସୋନିକା ବର୍ମା କୋର୍ଟରେ ଦାବି ଜଣାଇଥିଲେ । ଏଥିରେ କୁହାଯାଇଥିଲା ଯେ, ଶ୍ରୀକୃଷ୍ଣ ଜନ୍ମଭୂମିର ୧୩.୩୭ ଏକର ଜମି ଉପରେ ହୋଇଥିବା ମନ୍ଦିର ଭାଙ୍ଗି ୱରଙ୍ଗଦେବ ଇଦଗାହ ନିର୍ମାଣ କରିଥିଲେ । ଭଗବାନ ଶ୍ରୀକୃଷ୍ଣଙ୍କ ଜନ୍ମଠାରୁ ଆରମ୍ଭ କରି ମନ୍ଦିର ତିଆରି ହେବା ପର୍ଯ୍ୟନ୍ତ ସମ୍ପୂର୍ଣ୍ଣ ଇତିହାସର ସମସ୍ତ ତଥ୍ୟ ସେ କୋର୍ଟରେ ଦାଖଲ କରିଥିଲେ । ୧୯୬୮ ମସିହାରେ ଶ୍ରୀକୃଷ୍ଣ ଜନମତା ସେବା ସଂଗଠନ ବନାମ ଶାହି ମସଜିଦ ଇଦଗାହ ମଧ୍ୟରେ ହୋଇଥିବା ଚୁକ୍ତିନାମାକୁ ଚ୍ୟାଲେଞ୍ଜ ମଧ୍ୟ କରାଯାଇଛି ।
ଅଭିଯୋଗକାରୀଙ୍କ ଓକିଲ ଶିଲେଶ ଦୁବେ କହିଛନ୍ତି ଯେ, ଡିସେମ୍ବର ୮ ତାରିଖରେ ସମଗ୍ର ମାମଲା କୋର୍ଟରେ ରଖାଯାଇଥିଲା । ସେହି ଦିନ କୋର୍ଟ ଏହି ମାମଲା ପଞ୍ଜୀକୃତ କରିଥିଲେ ଏବଂ ଅମିନଙ୍କୁ ପ୍ରକୃତ ପରିସ୍ଥିତିର ସର୍ଭେ କରିବାକୁ ଏବଂ ମାନଚିତ୍ର ସହିତ ରିପୋର୍ଟ ଉପସ୍ଥାପନ କରିବାକୁ ନିର୍ଦ୍ଦେଶ ଦେଇଥିଲେ । ଏହି ପରିପ୍ରେକ୍ଷୀରେ ୨୨ ଡିସେମ୍ବରରେ କୋର୍ଟରେ ଶୁଣାଣି ହୋଇପାରିବ ନାହିଁ। ବର୍ତ୍ତମାନ ଜାନୁଆରୀ ୨୦ ସୁଦ୍ଧା ବିବାଦୀୟ ସ୍ଥାନ ସର୍ଭେ କରିବା ପରେ ରିପୋର୍ଟକୁ କୋର୍ଟରେ ଉପସ୍ଥାପନ କରିବାକୁ ପଡିବ ।
