ସମସ୍ତ ସ୍କୁଲରେ ୧ ଜାନୁଆରୀରୁ ଶୀତ ଛୁଟି, କେବଳ ଏତିକି ଦିନ ହେବ Winter Vacation
ନୂଆଦିଲ୍ଲୀ: ଦିଲ୍ଲୀର ସମସ୍ତ ବିଦ୍ୟାଳୟରେ ଏହି ଶୀତ ଛୁଟି ଘୋଷଣା କରାଯାଇଛି। ଜାନୁଆରୀ ୧, ୨୦୨୪ ରୁ ଶୀତ ଛୁଟି ଆରମ୍ଭ ହେବ। ଏଥର କେବଳ ଜାନୁଆରୀ ୬ ପର୍ଯ୍ୟନ୍ତ ଦିଲ୍ଲୀର ସମସ୍ତ ବିଦ୍ୟାଳୟରେ ଶୀତକାଳୀନ ଛୁଟି ଘୋଷଣା କରାଯାଇଛି। ଏଭଳି ପରିସ୍ଥିତିରେ, ପୂର୍ବ ବର୍ଷ ତୁଳନାରେ ଏଥର ଶୀତ ଛୁଟି କମ୍ ଅଟେ। ଶୀତଦିନିଆ ଛୁଟି ସମ୍ପର୍କରେ ଏକ ପରାମର୍ଶ ଦିଲ୍ଲୀ ସରକାର ବୁଧବାର ଜାରି କରିଛନ୍ତି।
ଏହାପୂର୍ବରୁ, ନଭେମ୍ବର ମାସରେ ପ୍ରଦୂଷଣ ହେତୁ କିଛି ଦିନ ଶୀତ ଛୁଟି ବ୍ୟବହାର ହୋଇସାରିଛି। ପ୍ରଦୂଷଣ ହେତୁ ୯ ନଭେମ୍ବରରୁ ୧୮ ନଭେମ୍ବର ପର୍ଯ୍ୟନ୍ତ ଦିଲ୍ଲୀରେ ସ୍କୁଲ ବନ୍ଦ ରହିଥିଲା ଏବଂ ଏହାକୁ ଶୀତକାଳୀନ ଛୁଟିରେ ସଜାଡିବାକୁ ନିର୍ଦ୍ଦେଶ ଦିଆଯାଇଥିଲା। ମୋଟ ଉପରେ, ବର୍ତ୍ତମାନ ଜାନୁଆରୀ ୧ ରୁ ଜାନୁୟାରୀ ୬ ପର୍ଯ୍ୟନ୍ତ ଦିଲ୍ଲୀର ସମସ୍ତ ବିଦ୍ୟାଳୟ ବନ୍ଦ ରହିବ।
ସୂଚନାଯୋଗ୍ୟ ଯେ, ଦିୱାଲୀ ପୂର୍ବରୁ ଦିଲ୍ଲୀ ଶିକ୍ଷା ନିର୍ଦ୍ଦେଶାଳୟ ନଭେମ୍ବର ୯ ରୁ ୧୮ ନଭେମ୍ବର ପର୍ଯ୍ୟନ୍ତ ସ୍କୁଲ ଛୁଟି ଘୋଷଣା କରିଥିଲା। ବାୟୁ ପ୍ରଦୂଷଣ ସୂଚକାଙ୍କ ଦିଲ୍ଲୀରେ ପ୍ରାୟ ୫୦୦ ରେ ପହଞ୍ଚିଥିବାରୁ ଶିକ୍ଷା ନିର୍ଦ୍ଦେଶାଳୟ ‘Winter Vacation’ ଘୋଷଣା କରିବାକୁ ନିଷ୍ପତ୍ତି ନେଇଛି। ଶିକ୍ଷା ନିର୍ଦ୍ଦେଶାଳୟ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶ ପରେ ଦିଲ୍ଲୀର ସମସ୍ତ ବିଦ୍ୟାଳୟ ୯ ରୁ ୧୮ ନଭେମ୍ବର ପର୍ଯ୍ୟନ୍ତ ବନ୍ଦ ରହିଥିଲା।
