ଘରର ଏହି ସ୍ଥାନରେ ଭୁଲରେ ମଧ୍ୟ ରଖନ୍ତୁନି ଔଷଧ, ନଚେତ ପରିବାରର ପିଛା ଛାଡିବନି ରୋଗ
Advertisement
ଓଡ଼ିଶା ଭାଷ୍କର: ବାସ୍ତୁ ଶାସ୍ତ୍ରରେ ଆଜି ଆମେ ରୋଷେଇ ଘର ଏବଂ ଔଷଧ ବିଷୟରେ ଆଲୋଚନା କରିବାକୁ ଯାଉଛୁ । ସାଧାରଣତଃ ଲୋକମାନେ ରୋଷେଇ ଘରେ ଫାଷ୍ଟ ଏଡ ବକ୍ସ ଅର୍ଥାତ ଔଷଧ ଡବା ରଖିଥାନ୍ତି । କାରଣ ରୋଷେଇ ଘରେ ହାତ କଟିଯିବା କିମ୍ବା କିଛି ଗରମ ତେଲ ପଡି ଫୋଟକା ହୋଇଯିବା ସମ୍ଭାବନା ଅଧିିକ ଥାଏ । ତେବେ ଏହା ବାସ୍ତୁ ଶାସ୍ତ୍ର ଅନୁଯାୟୀ ଏଠାରେ ନ ରଖିବା ଆବଶ୍ୟକ । ରୋଷେଇ ଘରେ ଔଷଧ ଡବା ରଖିବା ଦ୍ୱାରା ଏହା ପରିବାରର ସଦସ୍ୟଙ୍କ ଉପରେ ଖରାପ ପ୍ରଭାବ ପକାଇଥାଏ । ସର୍ବଦା ସେମାନଙ୍କର ଦେହ ଅସୁସ୍ଥ ଏବଂ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ତାଙ୍କ ପରିବାର ଛାଡି ଯାଇନଥାଏ । ସେଥିପାଇଁ ଧ୍ୟାନ ରଖନ୍ତୁ ଔଷଧ ଡବା ରୋଷେଇ ଘରେ ଭୁଲରେ ମଧ୍ୟ ରଖନ୍ତୁ ନାହିଁ ।
ବାସ୍ତୁ ଶାସ୍ତ୍ରୀଙ୍କ ଅନୁଯାୟୀ, ଔଷଧ ଗୁଡ଼ିକୁ ଦକ୍ଷିଣ-ପୂର୍ବ ଦିଗରେ ରଖିବା ଉଚିତ ନୁହେଁ। ଏହି ଦିଗରେ ଔଷଧ ରଖିବା ଦ୍ୱାରା ଏହି ରୋଗ ଦୀର୍ଘ ସମୟ ପର୍ଯ୍ୟନ୍ତ ରହିଥାଏ। ଏହା ବ୍ୟତୀତ ପରିବାରକୁ ଶାରୀରିକ ଯନ୍ତ୍ରଣା ସହିତ ଆର୍ଥିକ ସଙ୍କଟର ସମ୍ମୁଖୀନ ହେବାକୁ ପଡେ। ଔଷଧ ରଖିବା ପାଇଁ ପଶ୍ଚିମ ଦିଗ ମଧ୍ୟ ଭଲ ନୁହେଁ। ଏହି କାରଣରୁ ରୋଗୀ ସଦସ୍ୟଙ୍କୁ ଅନେକ ସମସ୍ୟାର ସାମ୍ନା କରିବାକୁ ପଡେ।
ବାସ୍ତୁ ଶାସ୍ତ୍ରୀଙ୍କ ଅନୁଯାୟୀ ଔଷଧ ସବୁବେଳେ ଉତ୍ତର ଦିଗରେ ରଖିବା ଉଚିତ୍। ଔଷଧ ରଖିବା ପାଇଁ ଏହି ଦିଗଟି ଶୁଭ ବୋଲି ବିବେଚନା କରାଯାଏ। ଔଷଧ କେବେବି ଆପଣଙ୍କ ଶଯ୍ୟା କିମ୍ବା ଶଯ୍ୟା ନିକଟରେ ରଖିବା ଉଚିତ୍ ନୁହେଁ। ଏହା ରାହୁ-କେତୁଙ୍କୁ ପ୍ରଭାବିତ କରେ।