ପିପିଇ କିଟ୍ ପିନ୍ଧି ନୋରା ଫତେହିଙ୍କ ପରି ଧମାକେଦାର ଡ୍ୟାନ୍ସ କଲେ ଡାକ୍ତର, ଭାଇରାଲ ହେଉଛି ଭିଡିଓ
କରୋନା ମହାମାରୀ ସମୟରେ ନିସ୍ୱାର୍ଥପର ସେବା ଯୋଗାଇ ହିରୋ ବା ଯୋଦ୍ଧାମାନଙ୍କ ମଧ୍ୟରେ ସ୍ୱାସ୍ଥ୍ୟକର୍ମୀ ଅନ୍ୟତମ । କରୋନା ଲଢେଇରେ ସବୁଠାରୁ ଆଗରେ ରହିଛନ୍ତି ଡାକ୍ତର । ଏହାରି ମଧ୍ୟରେ ‘ଡାକ୍ତର ଦିବସ’ରେ ଜଣେ ଡାକ୍ତର ନିଜ ସହକର୍ମୀଙ୍କ ବଲିଉଡ ଗୀତରେ ଡ୍ୟାନ୍ସ କରି ଖୁସି କରାଇଛନ୍ତି । ମୁମ୍ବାଇର ଡାକ୍ତର ରିଚା ନେଗୀ ଏକ ପିପିଇ ପିଟ୍ ପିନ୍ଧି ନୋରା ଫତେହିଙ୍କ ଭଳି ଧମାକେଦାର ଡ୍ୟାନ୍ସ କରିଥିଲେ, ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ତେବେ ରିଚା ନେଗୀ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଏହି ଭିଡିଓ ସେୟାର କରିଛନ୍ତି, ଯେଉଁଥିରେ ସେ ‘ଷ୍ଟ୍ରିଟ୍ ଡ୍ୟାନ୍ସର ୩ଡି’ ଫିଲ୍ମର ଗୀତ ‘ଗର୍ମି’ରେ ଡ୍ୟାନ୍ସ କରିଛନ୍ତି । ଭାଇରାଲ ହୋଇଥିବା କ୍ଲିପରେ ଡାକ୍ତର ଏକ ପିପିଇ କିଟ୍ ପିନ୍ଧି ଡ୍ୟାନ୍ସ କରିଛନ୍ତି, ଯେଉଁଥିଣେ ଉପଭୋକ୍ତାମାନେ ଆଶ୍ଚର୍ଯ୍ୟହୋଇ ଖୁବକ ପ୍ରଶଂସା କରିଛନ୍ତି ।
ରିଚା କ୍ୟାପସନରେ ଲେଖିଛନ୍ତି ଯେ, ଗରମରେ ରୋଗୀଙ୍କ ସେବା କରୁଥିବା ସମୟରେ ବି ଆମ ଭିତରେ ନକାରାତ୍ମକତାକୁ ଆମ ପାଖକୁ ଆସିବାକୁ ଦେଇନାହୁଁ ।’ ଏହି ଭିଡିଓକୁ ୪ ଲକ୍ଷ ୟୁଜର୍ସ ଦେଖିସାରିଥିବା ବେଳେ ଅନେକ ଲୋକ ଏହାକୁ ପସନ୍ଦ କରିଛନ୍ତି ।
