ସୁଗାର କଣ୍ଟ୍ରୋଲ କରିବାରେ ସାହାଯ୍ୟ କରିଥାଏ ଗୁଜୁରାତୀ ପାଣି: ଶରୀରକୁ ମିଳିଥାଏ ଏହି ଫାଇଦା
ଗୁଜୁରାତୀର ବ୍ୟବହାର ଖାଦ୍ୟକୁ ସ୍ୱାଦ ବଢ଼ାଇବାକୁ କରାଯାଇଥାଏ । ଏହା ଘରେ ମଧ୍ୟ ସହଜରେ ଉପଲବ୍ଧ ହୋଇଥାଏ । କିନ୍ତୁ ଗୁଜୁରାତୀ କେବଳ ସ୍ୱାଦରେ ନୁହେଁ ବରଂ ସ୍ୱାସ୍ଥ୍ୟ ପାଇଁ ମଧ୍ୟ ଲାଭଦାୟକ ହୋଇଥାଏ । ଏଥିରେ ଅନେକ ପୋଷକ ତତ୍ତ୍ୱ ରହିଥାଏ, ଯାହା ଆମ ଶରୀରକୁ ସୁସ୍ଥ ରହିବାରେ ସହାୟକ ହୋଇଥାଏ । ଆଜ୍ଞା ହଁ, ଗୁଜୁରାତୀ ପାଣି ପିଇବା ଦ୍ୱାରା ବ୍ଲଡ ସୁଗାର ଲେବଲ କଣ୍ଟ୍ରୋଲ ହୋଇଥାଏ । ତେବେ ଆସନ୍ତୁ ଜାଣିବା ଗୁଜୁରାତୀର ପାଣି ପିଇବା ଦ୍ୱାର କ’ଣ ଲାଭ ହୋଇଥାଏ?
- ଯଦି ଆପଣ ମୋଟାପଣରୁ ଚିନ୍ତିତ ତେବେ ଆପଣ ଗୁଜୁରାତୀ ପାଣିର ସେବନ କରିପାରିବେ । ଗୁଜୁରାତୀରେ ଥିବା ଆଣ୍ଟି ଅକ୍ସିଡାଣ୍ଟ, ଫାଇବର ଏବଂ ଅନ୍ୟ ଜରୁରୀ ପୋଷକ ତତ୍ତ୍ୱ ଓଜନ କମ୍ କରିବାରେ ସାହାଯ୍ୟ କରିଥାନ୍ତି । ତେଣୁ ଓଜନ କମ୍ କରିବା ପାଇଁ ଆପଣ ଏହାକୁ ଡାଏଟରେ ସାମିଲ କରିପାରିବେ ।
- ଗୁଜୁରାତୀରେ ଥିବା ପୋଷକ ତତ୍ତ୍ୱ ଯେମିତି ଫାଇବର ଏବଂ ଆଣ୍ଟିଅକ୍ସିଡାଣ୍ଟ, ପାଚନ କ୍ରିୟାକୁ ମଜବୁତ କରିଥାଏ । ଏହାସହ ପେଟ ଯନ୍ତ୍ରଣା ଭଳି ସମସ୍ୟାକୁ ମଧ୍ୟ କମ୍ କରିବା ପାଇଁ ସାହାଯ୍ୟ କରିଥାଏ । ସେହିଭଳି ଯଦି ଆପଣ କୋଷ୍ଠକାଠିନ୍ୟ ଯୋଗୁଁ ଚିନ୍ତିତ ରହୁଛନ୍ତି ତେବେ ନିୟମିତ ଭାବରେ ଗୁଜୁରାତୀ ପାଣି ସେବନ କରନ୍ତୁ ।
- ଯଦି କୌଣସି ବ୍ୟକ୍ତିଙ୍କ କୋଲେଷ୍ଟ୍ରୋଲ ସ୍ତର ବଢ଼ିରହିଥାଏ ତେବେ ଆପଣଙ୍କୁ ପ୍ରତିଦିନ ଗୁଜୁରାତୀ ପାଣିର ସେବନ କରିବା ଦରକାର । ଏହା କୋଲେଷ୍ଟ୍ରୋଲ ସ୍ତରକୁ ସନ୍ତୁଳିତ ରଖିଥାଏ ଏହା ସହ ହୃଦୟ ସହ ଜଡ଼ିତ ସମସ୍ୟାକୁ ମଧ୍ୟ କମ୍ କରିଥାଏ ।
- ଗୁଜୁରାତୀ ପାଣି ବ୍ଲଡ ସୁଗାର ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ଏଥିପାଇଁ ଆପଣ ନିୟମିତ ଭାବରେ ଗୁଜୁରାତୀ ପାଣି ନିଜ ଡାଏଟରେ ସାମିଲ କରିପାରିବେ ।
