ଟିମ୍ ଇଣ୍ଡିଆର ମୁଖ୍ୟ କୋଚ୍ ଭାବେ ନିଯୁକ୍ତ ହେଲେ ଗୌତମ ଗମ୍ଭୀର, BCCIର ବଡ଼ ଘୋଷଣା
ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ମୁଖ୍ୟ କୋଚକୁ ନେଇ ସବୁ କଳ୍ପନା ଜଳ୍ପନାର ଅନ୍ତ ଘଟିଛି । ଗୌତମ ଗମ୍ଭୀରଙ୍କୁ ଭାରତୀୟ କ୍ରିକେଟ ଦଳର ମୁଖ୍ୟ କୋଚ୍ ଭାବେ ନିଯୁକ୍ତି ଦେଇଛି ବିସିସିଆଇ । ଏନେଇ ‘ଏକ୍ସ’ରେ ସୂଚନା ଦେଇଛନ୍ତି ଜୟ ଶାହ । ଟି-୨୦ ବିଶ୍ୱକପ ପରେ ରାହୁଲ ଦ୍ରାବିଡ଼ଙ୍କ କାର୍ଯ୍ୟକାଳ ଶେଷ ହୋଇ ସାରିଥିବାବେଳେ ଟିମ ଇଣ୍ଡିଆର ନୂତନ କୋଚ ହେବା ନେଇ ଗମ୍ଭୀରଙ୍କ ନାଁ ଅନେକ ଦିନ ହେବ ଚର୍ଚ୍ଚା ହେଉଥିଲା ।
୨୦୧୧ ବିଶ୍ୱକପ ଦଳର ସଦସ୍ୟ ଥିଲେ ଗମ୍ଭୀର । ଗମ୍ଭୀର ଟିମ ଇଣ୍ଡିଆ ପାଇଁ ୫୮ ଟେଷ୍ଟ ମ୍ୟାଚ ଖେଳି ୪ ହଜାର ୧୫୪ ରନ କରିଛନ୍ତି । ୧୪୭ ଦିନିକିଆ ଖେଳି ୫ ହଜାର ୨୩୮ ରନ କରିଛନ୍ତି । ଟି-୨୦ରେ ୩୭ ମ୍ୟାଚ ଖେଳି ୯୩୨ ରନ କରିପାରିଛନ୍ତି । ତେବେ ଆଇପିଏଲରେ କୋଲକାତାକୁ ୩ ଥର ଚମ୍ପିଆନ କରାଇବାରେ ଗମ୍ଭୀରଙ୍କ ଅନେକ ଭୂମିକା ରହିଛି । ଦୁଇ ଥର ଅଧିନାୟକ ଭାବେ ଚମ୍ପିଆନ କରାଇଥିବା ବେଳେ ଥରେ କୋଚ ଭାବେ ସଫଳତା ଦେଇଛନ୍ତି । ଏହା ସହ ତାଙ୍କ ଦମଦାର ପ୍ରଦର୍ଶନ ପାଇଁ ଭାରତ ବିଶ୍ୱକପ ଜିତିବାରେ ସଫଳ ହୋଇପାରିଥିଲା ।
It is with immense pleasure that I welcome Mr @GautamGambhir as the new Head Coach of the Indian Cricket Team. Modern-day cricket has evolved rapidly, and Gautam has witnessed this changing landscape up close. Having endured the grind and excelled in various roles throughout his… pic.twitter.com/bvXyP47kqJ
— Jay Shah (@JayShah) July 9, 2024
ଭାରତୀୟ କ୍ରିକେଟ୍ ଟିିମର ମୁଖ୍ୟ କୋଚ୍ ଭାବେ ନିଯୁକ୍ତିକୁ ନେଇ ଗମ୍ଭୀର ‘ଏକ୍ସ’ରେ ଏକ ପୋଷ୍ଟ ଶେୟାର କରି ଲେଖିଛନ୍ତି, ‘ଭାରତ ହେଉଛି ମୋ ପରିଚୟ ଏବଂ ଦେଶର ସେବା କରିବା ହେଉଛି ଜୀବନର ସବୁଠାରୁ ବଡ଼ ସୌଭାଗ୍ୟ । ଏକ ଭିନ୍ନ ଟୋପି ପିନ୍ଧି ମୁଁ ଫେରିଆସିଥିବାରୁ ଗରବାନ୍ୱିତ ଅନୁଭବ କରୁଛି । କିନ୍ତୁ ମୋ ଲକ୍ଷ୍ୟ ସର୍ବଦା ସମାନ ରହିବ ଯାହା ସବୁବେଳେ ଥିଲା, ଭାରତୀୟଙ୍କୁ ଗର୍ବିତ କରିବା ।’କହିରଖୁଛୁ ଗୌତମ ଗମ୍ଭୀରଙ୍କ ଅଧିନରେ ଟିମ୍ ଇଣ୍ଡିଆ ଜୁଲାଇ ୨୭ରେ ଶ୍ରୀଲଙ୍କା ବିପକ୍ଷଷର ପ୍ରଥମ ସିରିଜ ଖେଳିବ । ଚଳିତ ମାସ ଶେଷ ସପ୍ତାହରେ ଭାରତୀୟ ଦଳ ଶ୍ରୀଲଙ୍କା ଗସ୍ତ କରିବ ଯେଉଁଠି ଦୁଇ ଦଳ ମଧ୍ୟରେ ୩ଟି ଟି-୨୦ ଏବଂ ୩ଟି ଦିନିକିଆ ମ୍ୟାଚ୍ ଖେଳାଯିବ । ତେବେ ୨୦୨୭, ଡିସେମ୍ବର ୩୧ ପର୍ଯ୍ୟନ୍ତ ଗମ୍ଭୀର ଟିମ୍ ଇଣ୍ଡିଆର ମୁଖ୍ୟ କୋଚ୍ ଭାବେ ଦାୟିତ୍ୱ ତୁଲାଇବେ । ଏହି ସମୟରେ ଅନେକ ICC ଟୁର୍ଣ୍ଣାମେଣ୍ଟ ଖେଳାଯିବ । ପାକିସ୍ତାନରେ ହେବାକୁ ଥିବା ଚମ୍ପିଆନ୍ସ ଟ୍ରଫି ଗମ୍ଭୀରଙ୍କ ସାମ୍ନାରେ ପ୍ରଥମ ଚ୍ୟାଲେଞ୍ଜ ହେବ । ସେହିପରି ୨୦୨୬ରେ ଟି-୨୦ ବିଶ୍ୱ କପ୍ ଏବଂ ୨୦୨୭ରେ ଦିନିକିଆ ବିଶ୍ୱକପ ଗମ୍ଭୀରଙ୍କ କାର୍ଯ୍ୟକାଳରେ ଭାରତୀୟ ଟିମ୍ ପାଇଁ ଶେଷ ICC ଟୁର୍ଣ୍ଣାମେଣ୍ଟ ହେବ ।
India is my identity and serving my country has been the greatest privilege of my life. I’m honoured to be back, albeit wearing a different hat. But my goal is the same as it has always been, to make every Indian proud. The men in blue shoulder the dreams of 1.4 billion Indians… pic.twitter.com/N5YyyrhXAI
— Gautam Gambhir (@GautamGambhir) July 9, 2024