(Video) ବାଇକରେ ବସିବାକୁ ମନା କରିବାରୁ ପ୍ରେମିକାକୁ ହେଲମେଟରେ ପିଟିଲା ଯୁବକ, ଭାଇରାଲ ହେଉଛି ସିସିଟିଭ ଫୁଟେଜ୍
ନୂଆଦିଲ୍ଲୀ: ଦିଲ୍ଲୀ-ଏନସିଆରର ଲୋକମାନେ ଅଞ୍ଜଳିଙ୍କ ମୃତ୍ୟୁର ଭୟାବହତା ଭିତରୁ ବାହାରକୁ ଆସିନଥିବା ବେଲେ ଗୁରୁଗ୍ରାମରୁ ଆଉ ଏକ ସମ୍ବେଦନଶୀଳ ସିସିଟିଭି ଫୁଟେଜ ସାମ୍ନାକୁ ଆସିଛି । ଏଥିରେ ଜଣେ ପୁରୁଷ ହେଲମେଟରେ ଜଣେ ଯୁବତୀଙ୍କୁ ମାଡ ମାରୁଥିବାର ନଜର ଆସିଛି ।
ପୋଲିସ କହିଛି ଯେ, ତାଙ୍କ ବାଇକରେ ବସିବାକୁ ମନା କରିବାରୁ ଯୁବକ ଜଣକ ନିଜ ପ୍ରେମିକ ସହ ମାରପିଟ୍ କରିଥିଲେ । ସୂଚନାଯୋଗ୍ୟ ଯେ, ଡିସେମ୍ବର ୩୧ ଏବଂ ଜାନୁଆରୀ ୧ ର ମଧ୍ୟବର୍ତ୍ତୀ ରାତିରେ ଏକ କାର ଅଞ୍ଜଳିଙ୍କ ସ୍କୁଟିକୁ ଧକ୍କା ଦେଇ ସୁଲତାନପୁରୀରୁ କଞ୍ଜୱାଲା ପର୍ଯ୍ୟନ୍ତ ୧୨ କିଲୋମିଟର ପର୍ଯ୍ୟନ୍ତ ଯୁବତିଙ୍କୁ ଘୋଷାଡ଼ି ନେଇଥିଲା । ଏହି ଘଟଣାରେ ଯୁବତୀଙ୍କର ମୃତ୍ୟୁ ଘଟିଛି ।
ଗୁରୁଗାଓଁର ଏସିପି ମନୋଜ କହିଛନ୍ତି ଯେ, କମଲ ନାମକ ଜଣେ ବ୍ୟକ୍ତି ପଡୋଶରେ ରହୁଥିବା ଯୁବତୀଙ୍କୁ ନିଜ ବାଇକରେ ବସିବାକୁ କହିଥିଲେ । କିନ୍ତୁ ଯୁବତୀ ଜଣକ ଏଥିରେ ମନା କରିଦେବାରୁ କମଲ ନିଜ ହେଲମେଟରେ ତାଙ୍କୁ ପିଟିଥିଲେ । ଯୁବତୀ ଜଣକ ଗୁରୁତର ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଆଇପିସିର ବିଭିନ୍ନ ବିଭାଗ (ଭାରତୀୟ ଦଣ୍ଡ ସଂହିତା) ଅଧୀନରେ ଅଭିଯୁକ୍ତଙ୍କ ବିରୋଧରେ ଏକ ଏଫଆଇଆର୍ ରୁଜୁ ହୋଇଛି । ପୋଲିସ ତଦନ୍ତ ଜାରି ରଖିଛି ।
ନ୍ୟୁଜ୍ ଏଜେନ୍ସି ଏଏନଆଇ ଏହି ଘଟଣାର ଏକ ଭିଡିଓ ସେୟାର କରିଛି । ଏଥିରେ ଦେଖିବାକୁ ମିଳିଛି କି, ଅଟୋ ପାଖରେ ଏକ ବାଇକ ଯାଉଛି । କିଛି ଦୂର ଯିବା ପରେ ବାଇକ୍ ଅଟକାଇ ଚାଳକ ଓହ୍ଲାଇଛି । ଯୁବତୀ ଜଣକ ମଧ୍ୟ ଅଟୋରୁ ବାହାରକୁ ବାହାରିଛନ୍ତି । ଏହି ସମୟରେ ଉଭୟଙ୍କ ମଧ୍ୟରେ କିଛି ବାର୍ତ୍ତାଳାପ ହେଉଥିବା ନଜର ଆସିଛି । ହଠାତ୍ ପୁରୁଷ ଜଣକ ହେଲମେଟରେ ଯୁବତୀଙ୍କୁ ମାରିବା ଆରମ୍ଭ କରିଦେଲେ । ଆଖପାଖର କିଛି ଲୋକ ଏଥିରେ ହସ୍ତକ୍ଷେପ କରି ତାଙ୍କୁ ଅଟକାଇବାକୁ ଚେଷ୍ଟା କରିଥିଲେ ଏବଂ ବହୁତ କଷ୍ଟରେ ତାଙ୍କୁ ନିୟନ୍ତ୍ରିତ କରିଥିଲେ ।
#WATCH | Haryana: CCTV footage of a man named Kamal hitting a woman with his helmet after she refused to ride on his bike. pic.twitter.com/Az3MWRKKWo
— ANI (@ANI) January 6, 2023
