Whatsapp ୟୁଜର୍ସଙ୍କ ପାଇଁ ଖୁସି ଖବର, ଆସିଲା ନୂଆ କଲିଂ ଫିଚର
ଓଡ଼ିଶା ଭାସ୍କର: ୟୁଜର୍ସଙ୍କ ପାଇଁ ଜବରଦସ୍ତ ଫିଚର ନେଇ ଆସୁଛି ହ୍ୱାଟ୍ସଆପ୍ । କମ୍ପାନୀ ହ୍ୱାଟ୍ସଆପ୍ କଲିଂରେ AR(Augmented Reality) ଫିଚର ଯୋଡ଼ିଛି । ଏହି ଫିଚର ୟୁଜର୍ସଙ୍କୁ ଭିଡିଓ କଲିଂରେ ଇଫେକ୍ଟ୍ସ ଏବଂ ଫିଲ୍ଟର୍ସ ସେଟ୍ କରିବା ପାଇଁ ବିକଳ୍ପ ପ୍ରଦାନ କରିଥାଏ । ହ୍ୱାଟ୍ସଆପର ଏହି ନୂତନ ଫିଚର ବିଷୟରେ WABetaInfo ‘ଏକ୍ସ’ରେ ଏକ ସ୍କ୍ରିନ୍ସଟ୍ ଶେୟାର କରିଛି ।
WABetaInfo ଦ୍ୱାରା ‘ଏକ୍ସ’ରେ ଶେୟାର କରାଯାଇଥିବା ସ୍କ୍ରିନସଟରେ ହ୍ୱାଟ୍ସଆପରେ କଲିଂର ନୂତନ ଫିଚର ଦେଖିପାରିବେ । କମ୍ପାନୀ ଭିଡିଓ କଲିଂରେ ନୂତନ ଅନୁଭୂତି ପାଇଁ ଅନେକ ନୂଆ AR ଫିଚର ଅଫର କରୁଛି । ଏହି ଫିଚର ମାଧ୍ୟମରେ ୟୁଜର ଡାଇନାମିକ୍ ଫେସିଆଲ ଟୁଲ ଯେପରି ସ୍ମୁଦନିଂ ସ୍କିନ୍ ଆପିୟରେନ୍ସ ପାଇଁ ଟଚ୍ ଅପ୍ ଟୁଲ୍ ଏବଂ ସ୍ୱଳ୍ପ କିରଣରେ ଉତ୍ତମ ଭିଜିବିଲିଟି ପାଇଁ ଲୋ- ଲାଇଟ୍ ମୋଡ୍ ମାଧ୍ୟମରେ କଲିଂ ଏକ୍ସପେରିୟନ୍ସକୁ ପର୍ସନଲାଇଜ୍ କରିପାରିବେ । ଏହା ସହ ହ୍ୱାଟ୍ସଆପର ନୂତନ ବ୍ୟାକ୍ଗ୍ରାଉଣ୍ଡ୍ ଟୁଲ୍ ମଧ୍ୟ ଲଞ୍ଚ୍ ହୋଇଛି । ଏହି ଫିଚର ଗ୍ରୁପ୍ କଲ୍ ସମୟରେ ସହାୟକ ହୋଇଥାଏ । ଏହି ଫିଚର ସାହାଯ୍ୟରେ ୟୁଜର ଆଖ ପାଖ ଭିଜୁଆଲକୁ blur କିମ୍ବା କଷ୍ଟମାଇଜ୍ କରିପାରିବ । ଏହି ଫିଚର ବର୍ତ୍ତମାନ ବୀଟା ଭର୍ସନରେ ରୋଲ୍ ଆଉଟ୍ କରିବା ଆରମ୍ଭ କରିଛି । WABetaInfo ଏହି ଫିଚରକୁ ଗୁଗୁଲ ପ୍ଲେ ଷ୍ଟୋରରେ ଥିବା ହ୍ୱାଟ୍ସଆପ୍ ବିଟା ଫର୍ ଆଣ୍ଡ୍ରଏଡ୍ 2.24.16.17ରେ ଦେଖିଛି । ତେବେ ବିଟା ଟେଷ୍ଟିଂ ଶେଷ ହେବା ପରେ ଏହି ଫିଚରର ଷ୍ଟୋବଲ ଭର୍ସନକୁ ଗ୍ଲୋବାଲ ୟୁଜର୍ସ ପାଇଁ ରୋଲଆଉଟ୍ କରାଯିବ । ଏହି ଫିଚର ଡେସ୍କଟପ୍ ଆପ୍ ପାଇଁ ମଧ୍ୟ ରୋଲଆଉଟ୍ ହେବା ନେଇ ଆଶା କରାଯାଉଛି ।
📝 WhatsApp beta for Android 2.24.16.7: what's new?
WhatsApp is rolling out an AR feature for call effects and filters, and it's available to some beta testers!
Some users might experiment with the same feature by installing the previous update.https://t.co/xT8l4MmXlr pic.twitter.com/oXQkSQdj67— WABetaInfo (@WABetaInfo) July 26, 2024
