ଯଦି ଆପଣ ସୁଧରେ ଟଙ୍କା ବାଣ୍ଟନ୍ତି, ତେବେ ଆପଣଙ୍କୁ ହେବ ୧୦ ବର୍ଷର ଜେଲଦଣ୍ଡ,୧ କୋଟିର ଜୋରିମାନା: କେବଳ ସମ୍ପର୍କୀୟଙ୍କଠାରୁ ନେଇପାରିବେ ଲୋନ୍
ନୂଆଦିଲ୍ଲୀ : ଯଦି ଆପଣ ସୁଧରେ ଟଙ୍କା ବାଣ୍ଟୁଛନ୍ତି, ତେବେ ସାବଧାନ୍ ହୋଇଯାଆନ୍ତୁ । ଏଭଳି ଅନିୟମିତ ଋଣ ବ୍ୟବସ୍ଥାକୁ ରୋକିବା ପାଇଁ ସରକାର କଠୋର ଆଇନ ଆଣୁଛନ୍ତି । ଏହାର ଡ୍ରାଫ୍ଟ ମଧ୍ୟ ଉପସ୍ଥାପିତ ହୋଇଛି ଏବଂ ଖୁବ୍ ଶୀଘ୍ର ଏହା ଉପରେ ଏକ ଆଇନ ପ୍ରସ୍ତୁତ ହେବ । ଅନିୟମିତ ୠଣକୁ ରୋକିବା ଏବଂ ଉଲ୍ଲଂଘନକାରୀଙ୍କୁ ୧୦ ବର୍ଷ ପର୍ଯ୍ୟନ୍ତ ଦଣ୍ଡ ସହିତ କେନ୍ଦ୍ର ସରକାର ଏକ ବ୍ୟବସ୍ଥା କରିଛନ୍ତି । ୧୩ ଫେବୃଆରୀ ୨୦୨୫ ସୁଦ୍ଧା ବିୟୁଏଲଏ (ଅନିୟନ୍ତ୍ରିତ ଋଣ କାର୍ଯ୍ୟକଳାପ ଉପରେ ନିଷେଧାଦେଶ) ନାମକ ବିଲ୍ ଡ୍ରାଫ୍ଟ ଉପରେ ହିତାଧିକାରୀମାନଙ୍କୁ ସେମାନଙ୍କ ମତାମତ ଦାଖଲ କରିବାକୁ କୁହାଯାଇଛି ।
ପ୍ରସ୍ତାବିତ ବିଲ୍ ରେଜର୍ଭ ବ୍ୟାଙ୍କ ଅଫ୍ ଇଣ୍ଡିଆ କିମ୍ବା ଅନ୍ୟାନ୍ୟ ନିୟାମକ ଦ୍ୱାରା ସ୍ୱୀକୃତପ୍ରାପ୍ତ ଏବଂ ଅନ୍ୟ କୌଣସି ନିୟମ ଅନୁଯାୟୀ ପଞ୍ଜୀକୃତ ହୋଇନଥିବା ସମସ୍ତ ବ୍ୟକ୍ତି କିମ୍ବା ସଂସ୍ଥାକୁ ସର୍ବସାଧାରଣ ଋଣ ବ୍ୟବସାୟରୁ ନିଷିଦ୍ଧ କରିବାକୁ ଚେଷ୍ଟା କରୁଛି । ବିଲ୍ ଡ୍ରାଫ୍ଟ ‘ଅଣ-ନିୟନ୍ତ୍ରିତ ଋଣ କାର୍ଯ୍ୟକଳାପ’ କୁ ବ୍ୟାଖ୍ୟା କରେ ଯାହା ୠଣ ଭାବରେ ନିୟନ୍ତ୍ରିତ ଌଣ ପ୍ରଦାନ କରୁଥିବା କୌଣସି ଆଇନ ପରିସର ମଧ୍ୟରେ ନାହିଁ, ସେ କଣିକି ଡିଜିଟାଲ୍ ହେଉ କିମ୍ବା ଅନ୍ୟ ଉପାୟରେ ହେଉ ।
ସମ୍ପର୍କୀୟଙ୍କଠାରୁ ଋଣ ନେବା ଛାଡ :-
ସମ୍ପର୍କୀୟଙ୍କଠାରୁ ୠଣ ବ୍ୟତୀତ କୌଣସି ଅନିୟମିତ ଋଣ କାର୍ଯ୍ୟକଳାପ ଉପରେ ପ୍ରତିବନ୍ଧକ ଲଗାଇବା ଏବଂ ୠଣ ନେଇଥିବା ବ୍ୟକ୍ତିଙ୍କ ସ୍ୱାର୍ଥ ରକ୍ଷା ପାଇଁ ଡ୍ରାଫ୍ଟ ଆହ୍ୱାନ କରିଛି । ଏହା ମଧ୍ୟ କହିଛି ଯେ ଯଦି କୌଣସି ଋଣଦାତା ଏହି ଆଇନର ଉଲ୍ଲଂଘନ କରନ୍ତି, ଡିଜିଟାଲ୍ ହେଉ କିମ୍ବା ଅନ୍ୟ କୌଣସି ଉପାୟରେ, ତେବେ ତାଙ୍କୁ ସର୍ବନିମ୍ନ ଦୁଇ ବର୍ଷ ଦଣ୍ଡ ଦିଆଯିବ ଯାହା ସାତ ବର୍ଷ ପର୍ଯ୍ୟନ୍ତ ବୃଦ୍ଧି କରାଯାଇପାରେ । ଏହା ବ୍ୟତୀତ ତାଙ୍କ ଉପରେ ୨ ଲକ୍ଷରୁ ୧ କୋଟି ଟଙ୍କା ପର୍ଯ୍ୟନ୍ତ ଜୋରିମାନା ମଧ୍ୟ ଲଗାଯାଇପାରିବ ।
୧୦ ବର୍ଷ ପାଇଁ ଜେଲ ହେବ :-
ପ୍ରସ୍ତାବିତ ବିଲରେ ଯେଉଁମାନେ ୠଣ ନେଉଥିବା ଲୋକଙ୍କୁ ହଇରାଣ କରନ୍ତି କିମ୍ବା ଋଣ ଆଦାୟ ପାଇଁ ବେଆଇନ ପଦ୍ଧତି ବ୍ୟବହାର କରନ୍ତି, ସେମାନଙ୍କୁ ତିନି ରୁ ୧୦ ବର୍ଷ ଜେଲଦଣ୍ଡ ଏବଂ ଜୋରିମାନାର ବ୍ୟବସ୍ଥା କରାଯାଇଛି । ଡ୍ରାଫ୍ଟ ବିଲ୍ ଅନୁଯାୟୀ, ଯଦି ଋଣଦାତା, ୠଣଗ୍ରହୀତା କିମ୍ବା ସମ୍ପତ୍ତି ଏକାଧିକ ରାଜ୍ୟ କିମ୍ବା ୟୁନିଅନ୍ ଅଞ୍ଚଳରେ ଅବସ୍ଥିତ କିମ୍ବା ସମୁଦାୟ ପରିମାଣ ଜନସାଧାରଣଙ୍କ ସ୍ୱାର୍ଥକୁ ପ୍ରଭାବିତ କରିବା ପାଇଁ ପର୍ଯ୍ୟାପ୍ତ ପରିମାଣରେ ଥାଏ, ତେବେ ତଦନ୍ତ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ ( ସିବିଆଇ) କୁ ହସ୍ତାନ୍ତର କରାଯିବ ।
