୧୮ରୁ ୪୦ ବର୍ଷର ଲୋକଙ୍କୁ ପ୍ରତି ମାସରେ ୧୮୦୦ ଟଙ୍କା ଦେବେ କେନ୍ଦ୍ର ସରକାର, ଜାଣନ୍ତୁ କ’ଣ ରହିଛି ମାମଲା?
ନୂଆଦିଲ୍ଲୀ: କେନ୍ଦ୍ର ସରକାରଙ୍କ ପକ୍ଷରୁ ଅନେକ ସରକାରୀ ଯୋଜନା ପରିଚାଳିତ ହେଉଛି, ଯାହା ଅଧୀନରେ ସରକାର ଆର୍ଥିକ ସହାୟତା ଯୋଗାଇ ଦେଉଛନ୍ତି । ସୋସିଆଲ ମିଡିଆରେ ଏକ ପୋଷ୍ଟ ଦ୍ରୁତ ଗତିରେ ବ୍ୟାପିବାରେ ଲାଗିଛି, ଯେଉଁଥିରେ କୁହାଯାଇଛି ଯେ ସରକାର ପିଏମ ମାନଧନ ଯୋଜନା ଅଧିନରେ ୧୮ରୁ ୪୦ ବର୍ଷର ଲୋକଙ୍କୁ ପ୍ରତି ମାସରେ ୧୮୦୦ ଟଙ୍କା ଦେଉଛନ୍ତି । ପିଆଇବି ଏନେଇ ଟ୍ୱିଟ୍ କରି ସୂଚନା ଦେଇଛି ।
ପିଆଇବି ଏହି ପୋଷ୍ଟକୁ ଦେଖି ଫ୍ୟାକ୍ଟ ଚେକ୍ ମାଧ୍ୟମରେ ଏହାର ସତ୍ୟତା ଜାଣିବାକୁ ଚେଷ୍ଟା କରିଥିଲା । ସେହି ଟ୍ୱିଟରେ ଲେଖାଥିଲା କି, ଏକ ଅନଲାଇନ୍ ଫର୍ମ ପୂରଣ କରିବା ପରେ ପ୍ରଧାନମନ୍ତ୍ରୀ ମାନଧନ ଯୋଜନା ଅଧିନରେ କେନ୍ଦ୍ର ସରକାର ୧୮ରୁ ୪୦ ବର୍ଷର ଲୋକଙ୍କୁ ପ୍ରତି ମାସରେ ୧୮୦୦ ଟଙ୍କା ଦେଉଛନ୍ତି ।
एक ऑनलाइन फॉर्म भरने पर प्रधानमंत्री मानधन योजना के तहत केंद्र सरकार 18 से 40 साल की उम्र के लोगों को हर महीने 1800 रुपए दे रही है।#PIBFactCheck
▶️यह दावा फ़र्ज़ी है।
▶️यह एक पेंशन योजना है। लाभार्थियों को 60 साल की उम्र के बाद ही पेंशन मिलेगी।?https://t.co/B0pgsqbtDE pic.twitter.com/X8usHNjdLW
— PIB Fact Check (@PIBFactCheck) May 3, 2022
କିନ୍ତୁ ଫ୍ୟାକ୍ଟ ଚେକର ଅନୁସନ୍ଧାନ ପରେ ଜଣାପଡିଲା କି, ଏହା ସମ୍ପୂର୍ଣ୍ଣ ଫେକ୍ । କାହିଁକି ନା ପିଏମ ମାନଧନ ଯୋଜନା ଏକ ପେନସନ୍ ଯୋଜନା । ଏଥିରେ ହିତାଧିକାରୀଙ୍କୁ ୬୦ ବର୍ଷ ପରେ ହିଁ ପେନସନ୍ ମିଳିଥାଏ । ଏହା ପୂର୍ବରୁ ସରକାର କାହାକୁ ବି କିଛି ଟଙ୍କା ଦିଅନ୍ତି ନାହିଁ ।
ତେବେ କୌଣସି ସରକାରୀ ଯୋଜନା ବିଷୟରେ ଆପଣ ସରକାରୀ ୱେବସାଇଟରୁ ସୂଚନା ନିଅନ୍ତୁ ଓ ତା’ ଉପରେ ବିଶ୍ୱାସ କରନ୍ତୁ । ଏହା ବ୍ୟତୀତ ଆପଣ ଅଫିସିଆଲ ଲିଙ୍କ https://maandhan.in/shramyogi କୁ ଯାଇ ମଧ୍ୟ ସୂଚନା ପାଇପାରିବେ ।
