(Video) ପୁଅର ଶବ ଦେବାପାଇଁ ମେଡିକାଲ ମାଗୁଛି ୫୦ ହଜାର ଲାଞ୍ଚ: ଭିକ ମାଗି ଟଙ୍କା ସଂଗ୍ରହ କରୁଛନ୍ତି ମା-ବାପା
ସମସ୍ତୀପୁର: ଅନେକ ଥର କିଛି କଥା ଆମକୁ ବିଚଳିତ କରିଥାଏ, ଯାହାକି ମାନବିକତାକୁ ଲଜ୍ଜିତ କରିଥାଏ । ଏପରି ଦୃଶ୍ୟ ଓ କାହାଣୀକୁ ଦେଖିବା ପରେ ମାନବିକତା ଉପରୁ ଭରସା ଉଠିଯାଇଛି । ନିକଟରେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଜଣେ ବ୍ୟକ୍ତି ଭିକ ମାଗୁଥିବାର ଦେଖିବାକୁ ମିଳିଛି । ନିଜ ପୁଅର ଶବକୁ ମେଡିକାଲରୁ ଆଣିବା ପାଇଁ ସେ ଭିକ ମାଗୁଥିବା ଜଣାପଡିଛି । ଏଭଳି ଏକ ଲଜ୍ଜାଜନକ ଘଟଣା ବିହାର ସମସ୍ତୀପୁରରେ ଘଟିଛି ।
ସୂଚନା ଅନୁସାରେ, ପୁଅର ଶବ ପାଇଁ ମେଡିକାଲ କର୍ମଚାରୀ ୫୦ ହଜାର ଟଙ୍କା ଦାବି କରୁଛନ୍ତି । ଆର୍ଥିକ ଦୃଷ୍ଟିରୁ ଦୁର୍ବଳ ହେବା କାରଣରୁ ଅସହାୟ ବାପା ସହରରେ ବୁଲୁ ବୁଲି ଟଙ୍କା ମାଗୁଛନ୍ତି । କିଛି ଦିନ ହେବ ପୁଅ ନିଖୋଜ ହୋଇଯାଇଥିଲା ବୋଲି ବାପା ମହେଶ ଠାକୁର କହିଛନ୍ତି । ତାଙ୍କ କହିବା ମୁତାବକ, ‘କିଛି ଦିନ ପୂର୍ବେ ମୋ ପୁଅ ନିଖୋଜ ହୋଇଯାଇଥିଲା । ସମସ୍ତୀପୁରର ସର୍ଦା ହସ୍ପିଟାଲରେ ପୁଅର ଶବ ଅଛି ବୋଲି ମୁଁ ଫୋନ୍ କଲ୍ ପାଇଲି । ପୁଅର ଶବ ନେବା ପାଇଁ ୫୦,୦୦୦/- ଟଙ୍କା ଆଣିବା ପାଇଁ ହସ୍ପିଟାଲ୍ର ଜଣେ କର୍ମଚାରୀ କହିଛନ୍ତି । ଆମେ ଗରିବ ଲୋକ, ଏତେ ଟଙ୍କା କୁଆଡୁ ଆଣିବୁ?’
ସୂଚନାଯୋଗ୍ୟ, ଡାକ୍ତରଖାନାର ଅଧିକାଂଶ କର୍ମଚାରୀ ଠିକାରେ ନିଯୁକ୍ତି ପାଇଛନ୍ତି ଏବଂ ଠିକ୍ ସମୟରେ ଦରମା ପାଆନ୍ତି ନାହିଁ । ଡାକ୍ତରଖାନାର କର୍ମଚାରୀମାନେ ରୋଗୀମାନଙ୍କର ଆତ୍ମୀୟମାନଙ୍କ ଠାରୁ ଅର୍ଥ ନେଉଥିବାର ଅନେକ ଦୃଷ୍ଟାନ୍ତ ରହିଛି । ଏ ଘଟଣା ପାଇଁ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡାକ୍ତରଖାନାର କର୍ତ୍ତୃପକ୍ଷମାନେ କହିଛନ୍ତି ।
समस्तीपुर- जवान बेटे का पोस्टमार्टम के लिए माता पिता कर रहा है भिक्षाटन,पोस्टमार्टम कर्मी ने कहा 50 हज़ार लाओ और बेटे का शव ले जाओ।
यहां जीना भी मुश्किल और मरना भी मुश्किल।#बिहार pic.twitter.com/SZew1K1rwL
— Mukesh singh (@Mukesh_Journo) June 8, 2022
