ଆଗକୁ ଖାଲି ଛୁଟିର ବର୍ଷା: ହରତାଳ ଓ ଛୁଟି କାରଣରୁ ଡିସେମ୍ବର ମାସରେ ୧୮ ଦିନ ବନ୍ଦ ରହିବ ବ୍ୟାଙ୍କ

ନୂଆଦିଲ୍ଲୀ: ନିଜର ପରିବାରକୁ ଅଧିକ ସମୟ ଦେବା ଓ ବ୍ୟକ୍ତିଗତ କାର୍ଯ୍ୟ କରିବା ପାଇଁ ଅଧିକ ଛୁଟିର ଆବଶ୍ୟକତା ପଡ଼ିଥାଏ । ଅନେକ ସମୟରେ ଛୁଟି ନ ମିଳିବା କାରଣରୁ ଅନେକ କର୍ମଚାରୀ ବିତସ୍ପୃହ ହୋଇପଡ଼ିଥାନ୍ତି । ତେବେ ବ୍ୟାଙ୍କିଂ କ୍ଷେତ୍ରରେ କାର୍ଯ୍ୟ କରୁଥିବା କର୍ମଚାରୀଙ୍କ ପାଇଁ ଆସନ୍ତା ମାସରେ ଖାଲି ଛୁଟି ଆଉ ଛୁଟି । ଡିସେମ୍ବର ମାସରେ ମୋଟ ୧୮ ଦିନ ପାଇଁ ବ୍ୟାଙ୍କ ବନ୍ଦ ରହିବ । ଏଭଳି ସ୍ଥିତିରେ ବ୍ୟାଙ୍କ ଗ୍ରାହକମାନେ ମଧ୍ୟ ସଚେତନ ହେବାର ଆବଶ୍ୟକତା ରହିଛି ।

ସୂଚନା ମୁତାବକ, ବର୍ଷର ଶେଷ ମାସ ଡିସେମ୍ବରରେ ମୋଟ ୧୮ ଦିନ ବ୍ୟାଙ୍କ ବନ୍ଦ ରହିବ । ବ୍ୟାଙ୍କ ହରତାଳ ଛୁଟି କାରଣରୁ ଅନେକ ଦିନ ପର୍ଯ୍ୟନ୍ତ ବ୍ୟାଙ୍କ ବନ୍ଦ ରହୁଥିବାରୁ ଗ୍ରାହକମାନେ ପୂର୍ବରୁ ବ୍ୟାଙ୍କ ସହ ଜଡ଼ିତ ସେମାନଙ୍କର ଜରୁରୀ କାମ ସାରିଦେବା ଭଲ । ଅଲଗା ଅଲଗା ବ୍ୟାଙ୍କ ପକ୍ଷରୁ ଅଲଗା ଅଲଗା ଦିନରେ ହରତାଳ କରାଯାଉଥିବାରୁ ଏହାର ପ୍ରଭାବ ନିଶ୍ଚିତ ଭାବେ ବ୍ୟାଙ୍କ କାରବାରକୁ ପ୍ରଭାବିତ କରିବାର ସମ୍ଭାବନା ରହିଛି ।

ଡିସେମ୍ବର ୫ରେ ବ୍ୟାଙ୍କ ଅଫ୍ ବରୋଦା, ୬ରେ କାନାରା ବ୍ୟାଙ୍କ ଓ ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ, ୭ରେ ଇଣ୍ଡିଆନ ଓ ୟୁକୋ ବ୍ୟାଙ୍କ, ୮ରେ ୟୁନିୟନ ବ୍ୟାଙ୍କ ଓ ବ୍ୟାଙ୍କ ଅଫ୍ ମହାରାଷ୍ଟ୍ର, ୧୧ରେ ସମସ୍ତ ଘରୋଇ ବ୍ୟାଙ୍କ ହରତାଳ ପାଇଁ ବନ୍ଦ ରହିବ । ୧ରେ ଅରୁଣାଚଳ ପ୍ରଦେଶ ଓ ନାଗାଲାଣ୍ଡରେ ରାଜ୍ୟ ସ୍ଥାପନା ଦିବସ, ୩ ତାରିଖ ରବିବାର, ୪ରେ ସେଣ୍ଟ ଫ୍ରାନ୍ସିସ ଜେଭିୟର ଫେଷ୍ଟିଭାଲ, ୯ରେ ମାସର ଦ୍ୱିତୀୟ ଶନିବାର, ୧୦ ତାରିଖ ରବିବାର, ୧୨ରେ ମେଘାଳୟରେ ପା-ତୋଗନ ନେଙ୍ଗମିଞ୍ଜା ସଙ୍ଗମା, ୧୩ ଓ ୧୪ରେ ସିକିମରେ ଲୋସୁଙ୍ଗ / ନାପସୁଙ୍ଗ, ୧୭ ତାରିଖ ରବିବାର, ୧୮ରେ ମେଘାଳୟରେ ୟୁ ସୋସୋ ଥାମର ପୁଣ୍ୟ ତିଥି, ୧୯ରେ ଗୋଆରରେ ମୁକ୍ତି ଦିବସ, ୨୩ ମାସର ଚତୁର୍ଥ ଶନିବାର, ୨୪ ତାରିଖ ରବିବାର, ୨୫ ତାରିଖରେ କ୍ରିସମାସ, ୨୬ରେ ମିଜୋରାମ, ନାଗାଲାଣ୍ଡ ଓ ମେଘାଳୟରେ କ୍ରିସମାସ, ୨୭ରେ ନାଗାଲାଣ୍ଡରେ କ୍ରିସମାସ, ୩୦ରେ ମେଘାଳୟରେ ୟୁ କିୟାଙ୍ଗ ନାଙ୍ଗବାହ, ୩୧ ତାରିଖ ରବିବାର ପାଇଁ ବ୍ୟାଙ୍କ ବନ୍ଦ ରହିବ ।