(Video) ମାଗଣା ଖାଇବା ପାଇଁ ବାହାଘରରେ ପହଞ୍ଚିଥିଲେ MBA ଛାତ୍ର: ଧୋଇବାକୁ ପଡ଼ିଲା ପ୍ଲେଟ୍
ଭୋପାଳ: ମଧ୍ୟପ୍ରଦେଶରେ ଏକ ବିବାହ କାର୍ଯ୍ୟକ୍ରମରେ ଜଣେ ଯୁବକଙ୍କୁ ପ୍ଲେଟ୍ ଧୋଇବାକୁ ବାଧ୍ୟ କରୁଥିବା ଏକ ଭିଡିଓ ଭାଇରାଲ ହେଉଛି । ଭିଡିଓରେ ଜଣାପଡିଛି କି, ଯୁବକ ଜଣକ ଏମବିଏ ଛାତ୍ର । ଏକ ବିବାହରେ ବିନା ନିମନ୍ତ୍ରଣରେ ପହଞ୍ଚିଥିବାରୁ ତାଙ୍କୁ ପ୍ଲେଟ ଧୋଇବାର ଦଣ୍ଡ ଦିଆଯାଇଛି ।
ଭାଇରାଲ ଭିଡିଓରେ ଜଣେ ବ୍ୟକ୍ତି ଏମବିଏ ଛାତ୍ରଙ୍କୁ ପଚାରିଛନ୍ତି କି, ‘ କ’ଣ ତମେ ମାଗଣା ଖାଇବାର ଦଣ୍ଡ ଜାଣିଛ କି ? ତମେ ନିଜ ଘରେ ପ୍ଲେଟ ଧୋଉଛ ?’ଛାତ୍ରଙ୍କୁ ଧରିଥିବା ବ୍ୟକ୍ତି ଜଣକ ଭିଡିଓ ରେକର୍ଡ କରି ତାଙ୍କୁ ତାଙ୍କ ଠିକଣା ପଚାରିଥିଲେ । ଜଣାପଡିଲା କି, ଛାତ୍ର ଜଣକ ଜବଲପୁରର ବାସିନ୍ଦା ଓ ସେ ଭୋପାଳରେ ରହି ଏମବିଏ ପଢ଼ୁଛନ୍ତି । ଏହା ଶୁଣି ବ୍ୟକ୍ତି ଜଣକ କହିଥିଲେ କି, ‘ତୁମେ ଏମବିଏ କରୁଛ ଓ ତୁମ ବାପା-ମା ଟଙ୍କା ପଠଉନାହାନ୍ତି କି ? ତୁମେ ଜବଲପୁରର ନାଁ ଖରାପ କରୁଛ ।’
ଅବଶ୍ୟ ଘଟଣା ସମ୍ବନ୍ଧରେ କୌଣସି ଅଭିଯୋଗ କରାଯାଇ ନାହିଁ । କିନ୍ତୁ ଭାଇରାଲ ହେବା ପରେ ଭିଡିଓଟି ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି । ଏହାକୁ ଦେଖିବା ପରେ ଲୋକମାନେ ଭିନ୍ନ ଭିନ୍ନ ପ୍ରତିକ୍ରିୟା ଦେଉଥିବା ମଧ୍ୟ ଦେଖିବାକୁ ମିଳିଛି ।
MBA student came to eat food without being invited at a marriage ceremony in Madhya Pradesh, people forced him to wash utensils !!
मध्यप्रदेश के एक शादी समारोह में बिना बुलाए खाना खाने पहुंचा MBA का छात्र, लोगों ने युवक से धुलाए बर्तन !!
+ pic.twitter.com/XmBGr85aTy— Ashwini Shrivastava (@AshwiniSahaya) December 1, 2022
