ଜାମ୍ମୁ କାଶ୍ମୀର ବିଧାନସଭା ନିର୍ବାଚନ: ପ୍ରାର୍ଥୀ ତାଲିକା ଜାରି କଲା ବିଜେପି, ଜାଣନ୍ତୁ କାହାକୁ ମିଳିଲା ଟିକେଟ ?
ନୂଆଦିଲ୍ଲୀ: ଜାମୁକାଶ୍ମୀର ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି ବିଜେପି । ଏଥିସହ ନିର୍ବାଚନକୁ ନେଇ ଜାରି ରହିଥିବା ସବୁ କଳ୍ପନାଜଳ୍ପନାର ଅନ୍ତ ଘଟିଛି । ଏହିମଧ୍ୟରେ ବିଧାନସଭା ନିର୍ବାଚନରେ ବିଜୟକୁ ନେଇ ଦଳ ବରିଷ୍ଠ ନେତାଙ୍କ ପକ୍ଷରୁ ରଣନୀତି ପ୍ରସ୍ତୁତି ଚାଲିଛି । ଏହି କ୍ରମରେ ରବିବାର (ଅଗଷ୍ଟ ୨୫) ବିଜେପି ଅଧ୍ୟକ୍ଷ ଜେପି ନଡ୍ଡାଙ୍କ ଅଧ୍ୟକ୍ଷତାରେ ଦଳର ଶୀର୍ଷ ନେତାଙ୍କ ସହ ନିର୍ବାଚନ ପ୍ରାର୍ଥୀଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ଦୀର୍ଘ ସମୟର ଆଲୋଚନା ପରେ ବଡ଼ ନିଷ୍ପତ୍ତି ନିଆଯାଇଥିଲା । ଫଳସ୍ୱରୂପ ଆଜି ବିଜେପି ନିର୍ବାଚନ ପାଇଁ ୪୪ ପ୍ରାର୍ଥୀ ତାଲିକା ପ୍ରକାଶ କରିଛି ।
ଜାମ୍ମୁ କାଶ୍ମୀରର ୯୦ଟି ବିଧାନସଭା ଆସନ ପାଇଁ ୧୮ ସେପ୍ଟେମ୍ବରରେ ୨୪ଟି ଆସନ ପାଇଁ ପ୍ରଥମ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେବ । ଏଥିପାଇଁ ବିଜେପି ଏହାର ୧୫ ଜଣିଆ ପ୍ରାର୍ଥୀ ତାଲିକା ପ୍ରକାଶ କରିଛି । ଇଂ ସୈୟଦ ଶୋକତ ଗୟୁର୍ ଆନ୍ଦ୍ରାବି(ପାମ୍ପୋର), ଅର୍ଶିଦ ଭଟ୍ଟ(ରାଜପୋରା), ଜାଭେଦ୍ ଅହମଦ କାଦରୀ(ଶୋପିଆଁ), ମୋହମ୍ମଦ ରଫିକ୍ ୱାନୀ(ପଶ୍ଚିମ ଅନନ୍ତନାଗ), Adv. ଶୈୟଦ ୱାଜାହତ୍(ଅନନ୍ତନାଗ), ସୋଫି ୟୁସୁଫ୍(ଶ୍ରୀଗୁଫୱାଡ଼ା- ବାଜିବେହାରା), ବୀର ଶରାଫ୍(ଇନ୍ଦରୱଲ), ସୁଶ୍ରୀ ଶଗୁନ ପରିହାର(କିସ୍ତୱାର), ସୁନିଲ ଶର୍ମା(ପାଡେର- ନାଗସେନୀ), ଦଲୀପ ସିଂହ ପରିହାର(ଭଦରୱାହ), ଗଜୟ ସିଂହ ରାନା(ଡୋଡା), ଶକ୍ତି ରାଜ ପରିହାର(ପଶ୍ଚିମ ଡୋଡା), ରାକେଶ ଠାକୁର(ରାମବାଣ) ଓ ସଲିମ ଭଟ୍ଟ(ବନିହାଲ)ଙ୍କୁ ଟିକେଟ ମିଳଛି । ସେହିପରି ଏହି ତାଲିକାରେ ପୂର୍ବତନ ଡେପୁଟି ସିଏମ୍ ତଥା ଜାମ୍ମୁ କାଶ୍ମୀର ବିଧାନସଭାର ପୂର୍ବତନ ଅଧ୍ୟକ୍ଷ ଡା. ନିର୍ମଳ ସିଂହଙ୍କୁ ଟିକେଟ ମିଳିନି । ୨୦୨୪ରେ ସେ ବିଲୱାର ଆସନରୁ ନିର୍ବାଚନ ଲଢ଼ିଥିଲେ । ପୂର୍ବତନ ଡେପୁଟି ସିଏମ୍ କବିନ୍ଦ୍ର ଗୁପ୍ତା, ବିଜେପି ଅଧ୍ୟକ୍ଷ ରବିନ୍ଦ୍ର ରୈନାଙ୍କୁ ବି ଟିକେଟ୍ ମିଳିନି । କହିରଖୁଛୁ ଆଜି ଜାମ୍ମୁ କାଶ୍ମୀର ବିଧାନସଭା ନିର୍ବାଚନ ପାଇଁ ନାମାଙ୍କନ ଦାଖଲ କରିବାର ଶେଷ ତାରିଖ ଥିଲା । ୨୬ଟି ଆସନ ପାଇଁ ସେପ୍ଟେମ୍ବର ୨୫ ଏବଂ ତୃତୀୟ ପର୍ଯ୍ୟାୟରେ ୪୦ଟି ଆସନ ପାଇଁ ନିର୍ବାଚନ ଅନୁଷ୍ଠିତ ହେବ । ଅକ୍ଟୋବର ୪କୁ ଭୋଟ୍ ଗଣତି ହେବ ।
BJP releases a list of 44 candidates for the upcoming Jammu & Kashmir assembly elections
Arshid Bhat to contest from Rajpora, Javed Ahmad Qadri to contest from Shopian, Mohd. Rafiq Wani to contest from Anantnag West. Adv. Syed Wazahat to contest from Anantnag, Sushri Shagun… pic.twitter.com/s7dXVe8Fdm
— ANI (@ANI) August 26, 2024