ଭାରତରେ ଗୁଡ଼ି ଉଡ଼ାଇବା ହେଉଛି ଏକ ଅପରାଧ! ଜାଣନ୍ତୁ ଏହାକୁ ନେଇ କଣ ରହିଛି ଆଇନ
ନୂଆଦିଲ୍ଲୀ: ଆମ ଦେଶରେ ମକର ସଂକ୍ରାନ୍ତି ବହୁତ ଧୁମ୍ ଧାମରେ ପାଳନ କରାଯାଏ। ଏହି ପର୍ବ ସମଗ୍ର ଦେଶରେ ବିଭିନ୍ନ ଉପାୟରେ ପାଳନ କରାଯାଏ । ଅନେକ ସହରରେ ମକର ସଂକ୍ରାନ୍ତି ଦିନ ଗୁଡ଼ି ମଧ୍ୟ ଉଡ଼ାଯାଏ। କିନ୍ତୁ, ଆପଣ ଜାଣନ୍ତି କି ଗୁଡ଼ି ଉଡ଼ାଇବା ଭାରତରେ ଏକ ଅପରାଧ । ଭାରତର ନିୟମ ଅନୁଯାୟୀ ଗୁଡ଼ି ଉଡ଼ାଇବା ଏକ ଅପରାଧ ଅଟେ ।
ଏହା ଶୁଣି ଆପଣ ଅଜବ ଅନୁଭବ କରିପାରନ୍ତି, କିନ୍ତୁ ଏହା ସତ୍ୟ ଯେ ଭାରତରେ ଗୁଡ଼ି ଉଡାଇବା ଆଇନ ଅନୁଯାୟୀ ଆଇନଗତ ନୁହେଁ। ବାସ୍ତବରେ, ଏହି ବିଷୟରେ ଅନେକ ବିବାଦ ଅଛି, କାରଣ ଗୁଡ଼ି ଯୋଗୁଁ ଅନେକ ଲୋକ ପ୍ରାଣ ହରାନ୍ତି ଏବଂ ଅନେକ ଲୋକ ଆହତ ହୁଅନ୍ତି। ଏଥି ସହିତ, ପକ୍ଷୀମାନେ ମଧ୍ୟ ଏଥିରୁ ବହୁତ କଷ୍ଟ ପାଆନ୍ତି । କିନ୍ତୁ, ଗୁଡ଼ି ଉଡାଇବା ବେଆଇନ ବିଷୟରେ ଆପଣ କ୍ୱଚିତ୍ ଜାଣିଥିବେ… ତେବେ ଏହାକୁ ନେଇ ନିୟମ କ’ଣ କହୁଛି ଆସନ୍ତୁ ଜାଣିବା…
ନିୟମ କ’ଣ କହୁଛି:
ଭାରତରେ ଥିବା ଇଣ୍ଡିଆନ୍ ଏୟାରକ୍ରାଫ୍ଟ ଆକ୍ଟ ଅନୁଯାୟୀ ଗୁଡ଼ି ଉଡାଇବା ବେଆଇନ ବୋଲି ଧରାଯାଏ। ଯଦି ଆପଣ ଯଦି ଗୁଡ଼ି ଉଡାଇବାକୁ ଚାହାଁନ୍ତି, ତେବେ ଏହା ପୂର୍ବରୁ ଆପଣଙ୍କୁ ଏହା ପାଇଁ ଅନୁମତି ନେବାକୁ ପଡିବ। ଭାରତୀୟ ବିମାନ ନିୟମ ଅନୁଯାୟୀ, କୌଣସି ବିମାନ ଉଡ଼ିବା ପୂର୍ବରୁ ଆପଣଙ୍କୁ ଅନୁମତି ନେବାକୁ ପଡିବ। ଅଧିନିୟମ ଅନୁଯାୟୀ, ଯେ କୌଣସି ବିମାନ କିମ୍ବା ମେସିନ୍, ଯାହା ବାୟୁରେ ଉଡ଼ାଯାଏ, ଅନୁମତି ନେବା ଆବଶ୍ୟକ।
ଏଥି ସହିତ ଏୟାର ଜାହାଜ, ଗୁଡି , ଗ୍ଲାଇଡର୍, ବେଲୁନ୍ ଏବଂ ଫ୍ଲାଇଙ୍ଗ୍ ମେସିନ୍ ଏହି ଆଇନରେ ବିମାନ ବର୍ଗରେ ରଖାଯାଇଛି। ଏଥିରୁ ଏହା ସ୍ପଷ୍ଟ ଯେ ଗୁଡ଼ି ଉଡ଼ାଇବା ପାଇଁ ଆପଣଙ୍କୁ ଅନୁମତି ନେବା ଆବଶ୍ୟକ। ଅନ୍ୟପକ୍ଷରେ, ଯଦି କେହି ଏହି ନିୟମ ଉଲ୍ଲଂଘନ କରନ୍ତି, ତେବେ ସେମାନଙ୍କୁ ୨ ବର୍ଷ ଜେଲଦଣ୍ଡ ଦିଆଯିବ ଏବଂ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଜୋରିମାନା ଦିଆଯାଇପାରେ।
ଏହି ଆଇନ ସମ୍ପର୍କରେ ଦିଲ୍ଲୀ ହାଇକୋର୍ଟର ବରିଷ୍ଠ ଓକିଲ ପ୍ରେମ ଯୋଶୀ କହିଛନ୍ତି, “ବିମାନ ଆକ୍ଟ ୧୯୩୪ ର ଧାରା ୧୧ ଅନୁଯାୟୀ, ଭୁଲ ଉପାୟରେ ବିମାନ ଉଡ଼ାଇବା ପାଇଁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଜୋରିମାନା ଲଗାଯାଇପାରିବ। ଏଥି ସହିତ, ୨୦୦୮ ରେ ଏହି ଆଇନରେ ସଂଶୋଧନ କରାଯାଇଥିଲା। ଏହାପୂର୍ବରୁ ଏହି କାର୍ଯ୍ୟରେ ଦଣ୍ଡ ପ୍ରଦାନ ୬ ମାସ ଜେଲ ଏବଂ ୧୦,୦୦୦ ଟଙ୍କା ଜୋରିମାନା ଥିଲା। ଯାହା ବର୍ତ୍ତମାନ ବୃଦ୍ଧି କରାଯାଇଛି।
ସୂଚାନମୂତାବକ ଭାରତରେ ଯଦିଓ ଏକ ନିୟମ ଅଛି, ତଥାପି ଅନେକ ସ୍ଥାନରେ ଗୁଡ଼ି ଉଡାଯାଏ । ଉଲ୍ଲେଖଥାଉ କି, ଅନେକ ଦେଶରେ ଗୁଡ଼ି ଉଡାଇବା ଉଚ୍ଚତା ଉପରେ ନିୟମ ପ୍ରସ୍ତୁତ କରାଯାଇଛି। ଏପରି ପରିସ୍ଥିତିରେ, ଆପଣ କେବଳ ଏକ ନିର୍ଦ୍ଦିଷ୍ଟ ଦୂରତା ପର୍ଯ୍ୟନ୍ତ କିଟ୍ ଉଡାଇ ପାରିବେ । ଅନେକ ଦେଶ ଏହାର ଉଚ୍ଚତା ୧୫୦ ପର୍ୟ୍ୟନ୍ତ ସ୍ଥିର କରିଛନ୍ତି ଏବଂ ଅନେକ ଦେଶ ଏହାର ଉଚ୍ଚତା ୨୫୦ ମିଟର ପର୍ଯ୍ୟନ୍ତ ସ୍ଥିର କରିଛନ୍ତି ।
