ପୁରୀ ପହଞ୍ଚିଲା ରଥକାଠ, ଦେଖିବାପାଇଁ ଭକ୍ତଙ୍କ ଜମୁଛି ଭିଡ଼
ପୁରୀ: ରଥଯାତ୍ରା ପାଇଁ ପୁରୀକୁ ଆସିଲା ରଥକାଠ । ନୟାଗଡ଼ ଦଶପଲ୍ଲା ଅଞ୍ଚଳରୁ ଆସିଲା କାଠ । ତିନୋଟି ଟ୍ରକରେ ପୁରୀ ପହଞ୍ଚିଲା ରଥକାଠ । ରଥ କାଠ ଦେଖିବାକୁ ଭକ୍ତଙ୍କ ପ୍ରବଳ ଭିଡ଼ ଜମୁଛି ।
କହିରଖୁଛୁ ଆସନ୍ତା ବସନ୍ତ ପଞ୍ଚମୀରେ ରଥକାଠ ଅନୁକୂଳ ହେବ ।
ରଥଯାତ୍ରା ପାଇଁ ପୁରୀରୁ ପହଞ୍ଚିଲା ପ୍ରଥମ ପର୍ଯ୍ୟାୟ ରଥ କାଠ । ନୟାଗଡ଼ ଜିଲ୍ଲା ଦଶପଲ୍ଲା ବନାଞ୍ଚଳରୁ ପୁରୀକୁ ୩ଟି ଟ୍ରକ୍ ଯୋଗେ ପଠାଯାଇଛି ରଥକାଠ ।
ପରମ୍ପରା ଅନୁଯାୟୀ ପ୍ରଥମେ ଦଶପଲ୍ଲାର ମହାବୀର ମନ୍ଦିର ଏବଂ ପରେ ନୟାଗଡ଼ ଜଗନ୍ନାଥ ମନ୍ଦିରରେ ପୂଜାର୍ଚ୍ଚନା କରାଯାଇଥିଲା ।
ରଥଯାତ୍ରା ପାଇଁ ୮୬୫ ଖଣ୍ଡ କାଠ ଆବଶ୍ୟକ ଥିବା ବେଳେ ବଳକା ୫୧ ଖଣ୍ଡ କାଠ ରହିଛି । ଚଳିତ ବର୍ଷ ୩୯୬ କାଠ କଟକ ଖପୁରିଆ କରତକଳକୁ ପଠାଯିବ ।
ବାକି ୪୧୮ ଖଣ୍ଡ କାଠ ପୁରୀର ଶ୍ରୀ ରଥଖଳାକୁ ପଠାଯିବ । ଶ୍ରୀ ପଞ୍ଚମୀ ପୂର୍ବରୁ ସମସ୍ତ କାଠ ରଥଖଳାରେ ପହଞ୍ଚିବା ସହ ଅକ୍ଷୟ ତୃତୀୟାରେ ଅନୁକୂଳ ହେବ ବୋଲି ସୂଚନା ଦେଇଛନ୍ତି ନୟାଗଡ଼ ଡିଏଫ୍ଓ ।
