LPG ସିଲିଣ୍ଡରରେ ଏବେ ଦେଖାଯିବ QR କୋଡ, ସ୍କାନ୍ କଲେ ଗ୍ରାହକମାନେ ପାଇବେ ବଡ଼ ଲାଭ
ନୂଆଦିଲ୍ଲୀ: ଯଦି ଆପଣ ଏଲପିଜି ସିଲିଣ୍ଡର ବ୍ୟବହାର କରନ୍ତି ତେବେ ଏହି ଖବର ଆପଣଙ୍କ ପାଇଁ ଉପଯୋଗୀ । ପ୍ରକୃତରେ, ଭାରତ ପେଟ୍ରୋଲିୟମ କର୍ପୋରେସନ୍ ଲିମିଟେଡ୍ (ବିପିସିଏଲ) ଗ୍ରାହକଙ୍କ ଆଗ୍ରହକୁ ଦୃଷ୍ଟିରେ ରଖି ଏକ ନୂଆ ସୁବିଧା ଆରମ୍ଭ କରିଛି । ଏହାର ନାମ “Pure for Sure” । କମ୍ପାନୀ ଅନୁସାରେ, ଗ୍ରାହକଙ୍କ ସନ୍ତୁଷ୍ଟତା ବୃଦ୍ଧି କରିବା ଏହାର ଉଦ୍ଦେଶ୍ୟ ।
କମ୍ପାନୀ କହିଛି ଯେ ଗ୍ରାହକଙ୍କ ଦ୍ୱାରରେ ସିଧାସଳଖ ଏଲପିଜି ସିଲିଣ୍ଡରର ଗୁଣବତ୍ତା ଏବଂ ପରିମାଣର ନିଶ୍ଚିତତା ପ୍ରଦାନ କରିବାକୁ ବିପିସିଏଲ ପ୍ରସ୍ତୁତ । ଦେଶରେ ଏହା ହେଉଛି ପ୍ରଥମ ସେବା । କମ୍ପାନୀର କହିବାନୁସାରେ, ଗ୍ରାହକଙ୍କ ଘରେ ପହଂଚାଯାଉଥିବା ଏଲପିଜି ସିଲିଣ୍ଡରରେ ଏକ ଟ୍ୟାମ୍ପର ପ୍ରୁଫ୍ ସିଲ୍ ରହିବ, ଯେଉଁଥିରେ କ୍ୟୁଆର କୋଡ୍ ମଧ୍ୟ ଦେଖାଯିବ । ଏହା ମାଧ୍ୟମରେ ପ୍ରଡକ୍ସନ ପ୍ଲାଣ୍ଟଠାରୁ ଗ୍ରାହକଙ୍କ ପର୍ଯ୍ୟନ୍ତ ସିଲିଣ୍ଡରର ଗ୍ୟାରେଣ୍ଟି ଦିଆଯିବ ।
କ୍ୟୁଆର କୋଡ୍ ସ୍କାନ୍ କରିବାକୁ ପଡିବ :-
କ୍ୟୁଆର କୋଡ୍ ସ୍କାନ କରିବା ସମୟରେ, ଗ୍ରାହକମାନେ ଏକ ସିଗ୍ନେଚର ଟ୍ୟୁନ୍ ସହିତ “Pure for Sure” ପପ୍-ଅପ୍ ଦେଖିବେ । ସିଲିଣ୍ଡର ସହିତ ଜଡିତ ସମସ୍ତ ବିବରଣୀ ଏହି ପପ୍-ଅପରେ ଉପଲବ୍ଧ ହେବ । ଉଦାହରଣ ସ୍ୱରୂପ, ଭରିବା ସମୟରେ ସିଲିଣ୍ଡରର ମୋଟ ଓଜନ କେତେ ଥିଲା, ସିଲ୍ ମାର୍କ ଅଛି କି ନାହିଁ ଇତ୍ୟାଦି । ଏହା ଗ୍ରାହକମାନଙ୍କୁ ବିତରଣ ଗ୍ରହଣ କରିବା ପୂର୍ବରୁ ସେମାନଙ୍କର ସିଲିଣ୍ଡର ପ୍ରାମାଣିକରଣ କରିବାକୁ, ସ୍ୱଚ୍ଛତା ଏବଂ ବିଶ୍ୱାସକୁ ସୁନିଶ୍ଚିତ କରିଥାଏ । ଯଦି ସିଲିଣ୍ଡର ସିଲ୍ ସହିତ କୌଣସି ଟ୍ୟାମ୍ପରିଂ ହୁଏ, କ୍ୟୁଆର କୋଡ୍ ଆଉ ସ୍କାନ ଯୋଗ୍ୟ ହୋଇନଥାଏ, ଯାହାଦ୍ୱାରା ଡେଲିଭରୀ ବନ୍ଦ ହୋଇଯାଏ ।
