ଆ… ଦାନ୍ତରେ ଲେଖିବା ନାଁ….. (Video) ଦେଖି ଆପଣଙ୍କର ବି ଉଡ଼ିଯିବ ହୋସ୍, ଧନ୍ୟ ସେ ଦାନ୍ତ ଡାକ୍ତର… ଧନ୍ୟ ସେ ରୋଗୀ…
ଓଡ଼ିଶା ଭାସ୍କର: ରୋଗୀ ଦାନ୍ତ ସମ୍ବନ୍ଧୀୟ ରୋଗର ଚିକିତ୍ସା କରିବା ପାଇଁ ଦାନ୍ତ ଡାକ୍ତରଖାନା ହେଉ ଅବା ଡେଣ୍ଟାଲ କ୍ଲିନିକ୍ ଯାଆନ୍ତି । ତେବେ ଡେଣ୍ଟାଲ କ୍ଲିନିକରେ ଜଣେ ଯୁବକ ଏମିତି ଅଜବ କାମ କରିଛନ୍ତି, ଯାହାକୁ ଦେଖି ସମସ୍ତେ ଅବାକ୍ । ଲୋକ କାମ ଜରିଆରେ ନିଜର ପରିଚୟ ସୃଷ୍ଟି କରନ୍ତି । ଆଉକିଛିଙ୍କ ଆଚାର ବ୍ୟବହାର ସେମାନଙ୍କ ଅନ୍ୟଠାରୁ ଭିନ୍ନ କରେ । କିନ୍ତୁ ଏମିତି ଜଣେ ଯୁବକ ଏବେ ସୋସିଆଲ ମିଡିଆରେ ହାଇଲାଇଟ୍ ହେଉଛନ୍ତି , ଯାହାଙ୍କ ଦାନ୍ତରୁ ତାଙ୍କ ପରିଚୟ ମିଳୁଛି । ଯୁବକଜଣକ ଦାନ୍ତରେ ତାଙ୍କ ନାମ ଲେଖିଦେଇଛନ୍ତି । ଖବର ପଢ଼ିଲାବେଳକୁ ଅଜବ ଲାଗୁଥିବ ନିଶ୍ଚୟ । କିନ୍ତୁ ଏହା ସତ । ଭିଡିଓ ଦେଖିଲେ ହିଁ ଆପଣ ସବୁ ବୁଝିଯିବେ ।
View this post on Instagram
ଇନଷ୍ଟାଗ୍ରାମରେ ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳୁଛି ଯେ, ଜଣେ ଯୁବକ ଡେଣ୍ଟିଷ୍ଟଙ୍କ ପାଖକୁ ଯାଇ ସୁନା ଦାନ୍ତ ଲଗାଉଛନ୍ତି । ସେ କୌଣସି ସାଧାରଣ ସୁନା ଦାନ୍ତ ନୁହେଁ । ବରଂ ସେ ଦାନ୍ତରେ ଯୁବକଙ୍କ ନାଁ ମଧ୍ୟ ଲେଖାଯାଇଛି । ଯାହାକୁ ୟୁଜର୍ସମାନେ ଦେଖି ଭିଡିଓଟିକୁ କମେଣ୍ଟ ବକ୍ସ ଭର୍ତ୍ତି କରିଦେଇଛନ୍ତି । ଯୁବକଙ୍କ ଏ ପ୍ରକାର ବିଚିତ୍ର କାରନାମା ଅନେକଙ୍କୁ ଚିନ୍ତାରେ ପକାଇ ଦେଇଛି । କାରଣ ଭାରତରେ ଏମିତି ଆଗରୁ କେହି କରିନାହାନ୍ତି । ଆଗରୁ ରାଜା ରାଜୁଡା ଆଉ ଏବେ ଧନୀକ ଶ୍ରେଣୀର ବ୍ୟକ୍ତି ସୁନା ଦାନ୍ତ ଲଗେଇବାର ସଉକ ରଖୁଛନ୍ତି । କିନ୍ତୁ ଏମିତି ବିଚିତ୍ର ଢଙ୍ଗରେ ନୁହେଁ । ଯୁବକ ଜଣକ ଦାନ୍ତରେ ନିଜ ନାମ ରାଜନକୁ ଇଂରାଜୀରେ ଲେଖିଛନ୍ତି । ଯାହା ଭିଡିଓରେ ସ୍ପଷ୍ଟଭାବେ ଦେଖିବାକୁ ମିଳୁଛି । ତେବେ ଯୁବକଙ୍କ ଏ ପ୍ରକାର ବିଚିତ୍ର କାମକୁ ଦେଖି ଲୋକେ ସମାଲୋଚନା କରି ରହିପାରୁ ନାହାନ୍ତି । ଜଣେ ୟୁଜର କମେଣ୍ଟରେ ଲେଖିଛନ୍ତି, ମାଲୟାଲମ ଲୋକ ଆସିବା ର୍ପୂବରୁ ଏ ଭିଡିଓ ଡିଲିଟ୍ କରିଦିଅ । ଆଉଜଣେ ଲେଖିଛନ୍ତି, ଛପରି ଅଲଟ୍ରା ପ୍ରୋ ମାକ୍ସ । ଭିଡିଓଟିକୁ ବର୍ତ୍ତମାନ ସୁଦ୍ଧ ୧ କୋଟିରୁ ଅଧିକ ଲୋକ ଦେଖିସାରିଥିବାବେଳେ ୨ ଲକ୍ଷରୁ ଅଧିକଜଣ ଏହାକୁ ଶେୟାର କରିଛନ୍ତି ।
