ରାଗ ପରମ ଚଣ୍ଡାଳ… ସିଗାରେଟ ପାଇଁ ମନା କରିବାରୁ ଗୁଳି ମାରିଲା ଯୁବକ, ମରଣ ସହ ଲଢ଼େଇ କରୁଛି ବାଳକ

ପାଟନା: ବିହାର ମୁଞ୍ଜର ଜିଲ୍ଲାରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ୮ ବର୍ଷର କୁନି ପୁଅ ବିନା ଦୋଷରେ ଗୁଳିମାଡ଼ ଖାଇ ମେଡିକାଲରେ ମୃତ୍ୟୁ ସହ ସଂଗ୍ରାମ କରୁଛି ।

କୁନି ପୁଅଟି ଘରପାଖ ଛକରେ ବସି ନିଆଁ ପୁଆଁଉଥିଲା । ସେଠାରେ ବସିଥିବା ନିତିଶ ନାମକ ଜଣେ ଯୁବକ ବାଳିକଟିକୁ ଦୋକାନ ପଠାଇଥିଲା ଗୋଟିଏ ସିଗାରେଟ୍ ପାଇଁ । କିନ୍ତୁ ନିତିଶ କଥାରେ ପିଲାଟି ରାଜି ହୋଇ ନ ଥିଲା ।

ଏଥିରେ ହଠାତ୍ ନିତିଶ ରାଗିଯାଇ, ପକେଟରୁ ପିସ୍ତଲ ବାହାର କରି କୁନି ପୁଅ ମୁଣ୍ଡରେ ରଖି ଫୁଟେଇ ଦେଇଥିଲେ । ସେଠାରେ ଉପସ୍ଥିତ ଲୋକ ନିତିଶଙ୍କୁ ଏପରି କରିବାକୁ ମନା କରୁଥିଲେ କିନ୍ତୁ, ସେ କାରି କଥା ମାନି ନ ଥିଲା ।

ଘଟଣା ସ୍ଥଳରେ ବାଳକଟି ଅଚେତ ହୋଇପଡ଼ିଲା । ସ୍ଥାନୀୟ ଲୋକେ ତାଙ୍କୁ ତୁରନ୍ତ ଡାକ୍ତରଖାନା ନେଇଯାଇଥିଲେ । ସଦର ହସ୍ପିଟାଲରେ ବାଳକଟିର ଚିକିତ୍ସା ଚାଲିଛି । ଗୁରୁତର ଅବସ୍ଥାରେ ଥିବା ପିଲାର ମୁଣ୍ଡରେ ଗୁଳି ପଶି ନାକ ପାଖରେ ଅଟକି ଯାଇଛି । ଘଟଣାର ମୁଖ୍ୟ ଅଭିଯୁକ୍ତ ନିତିଶକୁ ସ୍ଥାନୀୟ ପୋଲିସ ଗିରଫ କରିଛି ।