ଗଞ୍ଜେଇକୁ କମ୍ ବିପଦପୂର୍ଣ୍ଣ ଔଷଧ ଭାବେ ମିଳିବ ସ୍ୱୀକୃତି ! ଆମେରିକା ସରକାର ଗଞ୍ଜେଇର ପୁନଃବର୍ଗୀକରଣ କରିବା ପାଇଁ ପ୍ରସ୍ତାବ ଦେଇଛନ୍ତି

ୱାଶିଂଟନ୍: ଆମେରିକା ସରକାର ଗୁରୁବାର ଆନୁଷ୍ଠାନିକ ଭାବେ ଗଞ୍ଜେଇକୁ ‘କମ୍ ବିପଜ୍ଜନକ ଔଷଧ’ ଭାବେ ପୁନଃ ବର୍ଗୀକରଣ କରିବାକୁ ପ୍ରସ୍ତାବ ଦେଇଛନ୍ତି । ଏହା ଏକ ଐତିହାସିକ ପରିବର୍ତ୍ତନ ହେବା ଉଚିତ ଯାହା ସାଧାରଣ ଜନତାଙ୍କ ରାୟ ଅନୁରୂପ Federal Policy ଆଣିବ ।

AFP ଅନୁଯାୟୀ ଆମେରିକା ରାଷ୍ଟ୍ରପତି ଜୋ ବାଇଡେନ୍ ଏକ ଭିଡ଼ିଓ ବିବୃତ୍ତିରେ କହିଛନ୍ତି, ‘କେବଳ ଗଞ୍ଜେଇ ବ୍ୟବହାର କିମ୍ବା ରଖିବା ନେଇ ଜଣେ ଜେଲରେ ରହିବା ଉଚିତ ନୁହେଁ ।’ ଭୁଲ ଉପାୟ ଯୋଗୁଁ ଗଞ୍ଜେଇ ଅନେକ ଲୋକଙ୍କ ଜୀବନ ନଷ୍ଟ ହୋଇଯାଇଛି ଏବଂ ମୁଁ ସେହି ଭୁଲ ଗୁଡ଼ିକୁ ସଂଶୋଧନ କରିବାକୁ ପ୍ରତିଶ୍ରୁତିବଦ୍ଧ ବୋଲି ବାଇଡେନ୍ କହିଛନ୍ତି । ୧୯୭୦ ମସିହାରୁ ନିୟନ୍ତ୍ରିତ ପଦାର୍ଥ ଅଧିନିୟମ(CSA) ଅନୁଯାୟୀ ଗଞ୍ଜେଇକୁ ତଥାକଥିତ ଅନୁସୂଚିତ ଔଷଧ ଭାବରେ ଶ୍ରେଣୀଭୁକ୍ତ କରାଯାଇଛି । ଏହାକୁ heroin, ecstasy ଏବଂ LSD ସହିତ ସମନ ସ୍ତରରେ ରଖାଯାଇଛି । ଏହି ବର୍ଗୀକରଣର ଅର୍ଥ ହେଉଛି ଏହାର କୌଣସି ଅନୁମୋଦିତ ଚିକିତ୍ସାରେ ବ୍ୟବହାର ହୋଇପାରିବ ନାହିଁ ଏବଂ ଏହାର ଅପବ୍ୟବହାର ହେବାର ସମ୍ଭାବନା ବହୁତ ଅଧିକ ।

ନୂତନ ପ୍ରସ୍ତାବରେ କ’ଣ ପରିବର୍ତ୍ତନ ହେବ ?

ନୂତନ ପ୍ରସ୍ତାବ ଅନୁଯାୟୀ ଗଞ୍ଜେଇକୁ ‘Schedule-III drug’କୁ ଡାଉନ୍ଗ୍ରେଡ୍ କରାଯିବ । ଏହା କେଟାମାଇନ୍ ଏବଂ କୋଡିନ୍ ପେନକିଲର ଔଷଧ ସହ ରଖାଯିବ । ଯାହା ଉପରେ ନିର୍ଭର କରିବାର ସମ୍ଭାବନା ମଧ୍ୟମରୁ କମ୍ ରହିଛି । ଏହାକୁ ଆଇନଗତ କରାଯିବ ନାହିଁ କିନ୍ତୁ ଫେଡେରାଲ ସ୍ତରରେ ଗିରଫ ସମ୍ଭାବନା କମ୍ ରହିପାରେ । ତେବେ ଏପ୍ରିଲ ଶେଷରେ ବାଇଡେନ୍ ପ୍ରଶାସନ ଦ୍ୱାରା ଏହି ପ୍ରସ୍ତାବ ଉନ୍ମୋଚିତ ହୋଇଥିଲା ଏବଂ ଗୁରୁବାର ନ୍ୟାୟ ବିଭାଗ ଆନୁଷ୍ଠାନିକ ଭାବେ ଏହି ପ୍ରକ୍ରିୟା ଆରମ୍ଭ କରିଥିଲା ।