ମୋଦୀ ସରକାରଙ୍କ ନୂଆ ଯୋଜନା: ପିଲାମାନଙ୍କ ନାମରେ ଖୋଲନ୍ତୁ NPS ଖାତା, ଜାଣନ୍ତୁ ଏହାର ଫାଇଦା

ନୂଆଦିଲ୍ଲୀ: ବଜେଟରେ ମଧ୍ୟ ପିଲାମାନଙ୍କ ନାମରେ ଏନପିଏସ୍ ଆକାଉଣ୍ଟ ଖୋଲିବାକୁ ସରକାର ଅନୁମତି ଦେଇଛନ୍ତି । ଏହି ଯୋଜନାର ନାମ ଏନପିଏସ୍ ବାତ୍ସଲ୍ୟ ରଖାଯାଇଛି । ଏହାର ଉଦ୍ଦେଶ୍ୟ ହେଉଛି ପିଲାମାନଙ୍କୁ ବଡ଼ ହେବା ବା ଦୀର୍ଘ ସମୟ ପର୍ଯ୍ୟନ୍ତ ଏକ ସ୍ଥିର ଆର୍ôଥକ ଭବିଷ୍ୟତ ଯୋଗାଇବା ।

ଏହା ଅଧୀନରେ ପିତାମାତା ଏବଂ ଅଭିଭାବକମାନେ ସେମାନଙ୍କର ନାବାଳକ ପିଲାମାନଙ୍କ ନାମରେ ସିଧାସଳଖ ଏନପିଏସରେ ନିବେଶ କରିପାରିବେ । ଏହି ଯୋଜନା ଏହି ଲୋକଙ୍କ ପାଇଁ ଭଲ ପ୍ରମାଣିତ ହୋଇପାରେ ଯେଉଁମାନେ ନିଜ ପିଲାମାନଙ୍କର ଭବିଷ୍ୟତ ପାଇଁ ସଞ୍ଚୟ କରିବାକୁ ଚାହୁଁଛନ୍ତି ଏବଂ ଅବସର ପରେ ସେମାନଙ୍କୁ ଆର୍ôଥକ ସୁରକ୍ଷା ଦେବାକୁ ଚାହୁଁଛନ୍ତି ।

ଯୋଜନା କଣ?

ଏବେକାର ଏନପିଏସ ଏକ ପ୍ରକାରର ରହିଛି, ଯାହା ଯୁବକମାନଙ୍କ ପାଇଁ ସ୍ୱତନ୍ତ୍ର ଭାବେ ଡିଜାଇନ୍ ହୋଇଛି । ଏହି ଯୋଜନା ଅଧୀନରେ, ପିତାମାତା ଏବଂ ଅଭିଭାବକମାନେ ସେମାନଙ୍କ ପିଲାମାନଙ୍କ ପାଇଁ ଏକ ଏନପିଏସ ଖାତା ଖୋଲିପାରିବେ ଏବଂ ପିଲାଟି ୧୮ ବର୍ଷ ବୟସ ନହେବା ପର୍ଯ୍ୟନ୍ତ ପ୍ରତି ମାସ କିମ୍ବା ବର୍ଷରେ ଏକ ନିର୍ଦ୍ଦିଷ୍ଟ ରାଶି ଯୋଗଦାନ କରିପାରିବେ । ଏହା ମାଧ୍ୟମରେ ପିତାମାତା କିମ୍ବା ଅଭିଭାବକମାନେ ସେମାନଙ୍କ ପିଲାମାନଙ୍କ ପାଇଁ କ୍ୟାରିୟର ଏବଂ ପେନସନ୍୍ ଯୋଜନା କରିବା ସମ୍ଭବ ହେବ ।

ଗୋଟିଏ ପିଲାଙ୍କ ନାମରେ କେବଳ ଗୋଟିଏ ଆକାଉଣ୍ଟ ଖୋଲାଯିବ :-

ବର୍ତ୍ତମାନ ପର୍ଯ୍ୟନ୍ତ, ଜାତୀୟ ପେନସନ୍ ସ୍କିମ୍ (ଏନପିଏସ) ଖୋଲିବା ପାଇଁ ବାଧ୍ୟତାମୂଳକ ସର୍ତ୍ତ ୧୮ ରୁ ୭୦ ବର୍ଷ ମଧ୍ୟରେ ଥିଲା । କିନ୍ତୁ ଏନପିଏସ ବାତ୍ସଲ୍ୟ ଯୋଜାନ ଅଧୀନରେ, ବର୍ତ୍ତମାନ ୧୮ ବର୍ଷରୁ କମ୍ ଲୋକଙ୍କ ପାଇଁ ଆକାଉଣ୍ଟ ଖୋଲାଯାଇପାରିବ । ପିଲାଙ୍କ ପାଇଁ କେବଳ ଗୋଟିଏ ଖାତା ଖୋଲାଯାଇପାରିବ । ପିଲାକୁ ୧୮ ବର୍ଷ ପୂରଣ ନହେବା ପର୍ଯ୍ୟନ୍ତ ପିତାମାତା କିମ୍ବା ଅଭିଭାବକ ଏହାକୁ ପରିଚାଳନା କରିବେ ।

୧୮ ବର୍ଷ ସମାପ୍ତ ହେବା ପରେ ବାତ୍ସଲ୍ୟ ଖାତା ସଂପୃକ୍ତ ବୟସ୍କଙ୍କ ନିକଟକୁ ଟ୍ରାନ୍ସଫର ହେବ । ଏହାର ଅର୍ଥ ସେ ନିଜେ ଏହାକୁ ପରିଚାଳନା କରିବାରେ ସକ୍ଷମ ହେବେ । ଏହା ପରେ ଯଦି ସେ ଚାହାଁନ୍ତି, ସେ ଏହାକୁ ଏକ ସାଧାରଣ ଏନପିଏସ ଆକାଉଣ୍ଟରେ ପରିଣତ କରିପାରିବେ ଏବଂ ଏହାକୁ ୭୫ ବର୍ଷ ବୟସ ପର୍ଯ୍ୟନ୍ତ ଜାରି ରଖିପାରିବେ । କିମ୍ବା ଏହାକୁ ଅଣ- ଏନପିଏସ ରେ ରୂପାନ୍ତର କରିପାରେ । ଏହାର ଅର୍ଥ ଅନ୍ୟ କୌଣସି ଯୋଜନାରେ ପାଣ୍ଠି ପରିମାଣ ନିବେଶ ହୋଇପାରିବ ।

ଆପଣଙ୍କ ପସନ୍ଦ ଅନୁଯାୟୀ ନିବେଶ କରନ୍ତୁ :-

ଅଭିଭାବକମାନେ ଶିଶୁର ଏନପିଏସ ଆକାଉଣ୍ଟରେ ମାସିକ ସର୍ବନିମ୍ନ ୫୦୦ ଟଙ୍କା କିମ୍ବା ବର୍ଷକୁ ସର୍ବାଧିକ ୧.୫୦ ଲକ୍ଷ ଟଙ୍କା ଜମା କରିପାରିବେ । ପିଲାଟି ୧୮ ବର୍ଷ ବୟସରେ ପହଞ୍ଚିଲା ପରେ ଏନପିଏସ ବାତ୍ସଲ୍ୟ ଆକାଉଣ୍ଟରୁ ପୁରା ରାଶି ପ୍ରତ୍ୟାହାର କରିପାରିବ । କିମ୍ବା ୬୦ ବର୍ଷ ବୟସ ପରେ ପେନସନ ପାଇପାରିବେ ।

ନିବେଶ ଯେତେ ଅଧିକ ହେବ, ରିଟର୍ନ ସେତେ ଅଧିକ :-

ବିଶେଷଜ୍ଞଙ୍କ ଅନୁଯାୟୀ, ଯଦି ଜଣେ ପିତାମାତା ଏହି ଆକାଉଣ୍ଟରେ ମାସକୁ ୫୦୦୦ ଟଙ୍କା ବିନିଯୋଗ କରନ୍ତି, ତେବେ ଏହା ବାର୍ଷିକ ୬୦,୦୦୦ ଟଙ୍କା ହେବ । ଯେତେବେଳେ ପିଲାଟି ୧୮ ବର୍ଷ ହେବ, ଏହି ନିବେଶ ୧୦.୮୦ ଲକ୍ଷ ଟଙ୍କା ହେବ । ବର୍ତ୍ତମାନ ଯଦି ବାର୍ଷିକ ୧୦% ରିଟର୍ନ ବିବେଚନା କରାଯାଏ ତେବେ ଲାଭ ୧୯.୪୭ ଲକ୍ଷ ହେବ । ଏହିପରି, ମୋଟ ୩୦.୨୭ ଲକ୍ଷ ଟଙ୍କା ପାଣ୍ଠି ସଂଗ୍ରହ କରିବା ସମ୍ଭବ ହେବ ।